កំពង់ធំៈ នៅទីស្នាក់ការគណៈបក្សខេត្តកំពង់ធំ មានពិធីប្រជុំផ្សព្វផ្សាយសេចក្តីសម្រេចចិត្តរបស់មហាសន្និបាតគណកម្មាធិការកណ្តាលគណបក្សប្រជាជនកម្ពុជាលើកទី ៣៩ ក្រោមការចូលរួមរបស់ ឯកឧត្តម សោម ស៊ុន សមាជិកអចិន្ត្រៃយគណបក្សខេត្ត ប្រធានសមាជិកគណៈកម្មាធិការបក្ស ខ ២៦ ដែលមាន សមាជិកចូលរួម២២៦ នាក់ ដែលត្រូវបានចាត់ធ្វើឡើង នៅព្រឹកថ្ងៃទី ១៣ ខែ កុម្ភះ ឆ្នាំ ២០១៦ ។
ពិធីប្រជុំនេះ ត្រូវបានពង្រឹងគុណភាពការងារ ដល់ក្រុមការងារបក្ស ដែលនៅតាមបណ្តាស្រុកក្រុង ខិតខំប្រឹង ប្រែងនូវការងារចម្បង ដែលជាបញ្ហាប្រឈមចំពោះមុខ និងត្រូវបានយកចិត្តទុកដាក់ជាមួយប្រជាពលរដ្ឋ ឲ្យបានទាន់ពេលវេលា និងខិតខំដោះស្រាយជាបន្ទាន់នូវកិច្ចការមួយចំនួន ដែលមានផលប៉ះពាល់ដល់សតិ អារម្មណ៍ និងសមាជិកក្រុមការងារបក្ស តាមមូលដ្ឋាន ចៀសវាងដែលទុកឲ្យបញ្ហាតូចក្លាយជាបញ្ហាធំ ដែល ជាហេតុធ្វើអោយ បាត់បង់ប្រជាប្រិយភាពរបស់គណៈបក្សប្រជាជនកម្ពុជា។
ឯកឧត្តម សោម ស៊ុន សមាជិកអចិន្ត្រៃយគណបក្សខេត្ត បានធ្វើការផ្តាំផ្ញើរដល់ក្រុមការងារបក្ស នៅតាមមូលដ្ឋាន ជម្រុញការផ្សព្វផ្សាយ នូវគោលនយោបាយល្អៗ សម្រាប់ប្រជាពលរដ្ឋ សមាជិកបក្សទាំងអស់ត្រូវ ធ្វើអំពើល្អ មានទំនាក់ទំនងល្អជាមួយមហាជន បំរើការងារជូនប្រជាពលរដ្ឋ ចុះជួយការងារទាំងឡាយណា ដែលអាចធ្វើទៅបានតាមលទ្ធភាព ចំពោះក្រុមគ្រួសារណាដែលមានភាពខ្វះខាត ខ្វះទីជម្រក និងជួយនូវ គ្រោះធម្មជាតិទាំង ត្រូវចូលរួមដោះស្រាយតាមលទ្ធភាព ស្របតាមគោលនយោបាយរបស់ ប្រមុខរាជរដ្ឋាភិបាលកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន ជាប្រធានគណបក្សប្រជាជនកម្ពុជា ដើម្បីបោះជំហ៊ាន ឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំសង្កាត់ អណត្តិទី៤ឆ្នាំ២០១៧ ។
ឯកឧត្តម សោម ស៊ុន បានបញ្ជាក់ថា ក្រោមការដឹកនាំរបស់សម្តេច ហ៊ុន សែន នាយករដ្ឋមន្ត្រីនៃព្រះរាជាណា ចក្រកម្ពុជា ចាប់តាំងពីបាតដៃទទេ ក្នុងចលនារួបរួមកម្លាំងស្ម័គ្រចិត្ត និងទឹកចិត្តអ្នកតស៊ូវាយរំដោះខ្មែរ ពីបនក្បត់ប៉ុលពត ដែលបានធ្វើទារុណកម្មចំពោះប្រជាជាតិខ្មែរ យ៉ាងសាហាវព្រៃផ្សៃ និងឃោឃៅជាទីបំផុត ប្រជាជាតិខ្មែរ ទាំងអស់ស្ថិតនៅក្នុងគុគអត់ជញ្ជាំង ត្រូវបានឃាត់ឃាំងសេរីភាព ធ្វើទារុណកម្ម បង្អត់អាហារ សម្លាប់និងគ្រាប់អង្ករ ធ្វើឲ្យខ្មែរស្លាប់យ៉ាងអាណោចអាធ័ម ទាំងសម្លាប់មនុស្សដោយគ្មានកំហុស ប្រជាពលរដ្ឋ ទាំងអស់តែងតែលើកដៃសំពះ បន់ស្រន់អង្វរដល់អ្នកមានបុណ្យ និងទេវតា មកជួយសង្គ្រោះឲ្យបាន រួចផុតពីបនប្រល័យពូជសាសន៍នេះ ក្នុងនោះមានតែគណបក្សប្រជាជនមួយគត់ ដែលបានតស៊ូរើបំរាស់ ដឹកនាំដោយសម្តេចទាំងបី វាយរំដោះប្រទេសជាតិ និងធ្វើឲ្យមានការរីចម្រើនគ្រប់វិស័យរហូតមកដល់ពេលនេះ បានធ្វើឲ្យខ្មែរមានជីវិតថ្មី មានសេរីភាព និងសន្តិភាពពេញលេញ។
ដោយ ប៊ុន រដ្ឋា
