ភ្នំពេញ ៖ ទីតាំងលក់គ្រឿងសំណងដ៏ធំមួយកន្លែង មានយីហោ ថា ពន្លឺថ្មី ត្រូវរងការខូចខាតទ្រព្យសម្បត្តិមួយ ចំនួនដូចជា ឥដ្ឋការ៉ូ ស័ង្កសី ធុងផ្ទុកទឹក ដោយសារសម្ភារទាំងនេះទុកនៅលើកចញ្ចើម ហើយត្រូវយុវជន២នាក់ ទំនងស្រវឹងខ្លាំង បើកបររថយន្តស៊េរីទំនើប មួយគ្រឿងរេចង្កូត
បុករេ កាលវេលាម៉ោង ២៣នឹង ០០នាទីយប់ថ្ងៃទី ១៤ ខែឧសភាឆ្នាំ ២០១៤ ស្ថិតនៅមុខខារ៉ាអូខេ រាត្រីរីករាយ ក្នុងសង្កាត់ទំនប់ទឹក ខណ្ឌចំការមន ។
យោងតាមប្រភពព័ត៌មានពីសាក្សីដែលបានឃើញហេតុការណ៍នេះបានឲ្យដឹងថា មុនពេល កើតហេតុ មានយុវជនវ័យក្មេង ២នាក់ ប្រហែលជាកូនអស់លោកអ្នកមានអំណាចហើយ បានបើកបររថយន្តស៊េរីទំនើប មួយគ្រឿងម៉ាក កាមរីហាយប្រ៊ិត ពណ៌ស ពាក់ស្លាកលេខ ភ្នំពេញ 2AB 2999ធ្វើដំណើរតាមផ្លូវលេខ ២៧១ ទិសដៅពីត្បូងទៅជើង យ៉ាងលឿនរេចង្កូតពេញផ្លូវ នឹងបានបើកវ៉ាគេវ៉ា ហាក់បីពួកគេគិតថាផ្លូវទិញដាច់សម្រាប់ជិះម្នាក់នោះទើបពួកគេបើកបរគ្មានប្រណីដល់អ្នកដំណើរនឹងសុវត្ថិភាពរបស់ប្រជាពលរដ្ឋបែបនេះ ។ ប្រភពដដែល បន្តថាពេលបើកដល់ចំណុចកើតហេតុទំនងម្ចាស់រថយន្តស្រវាំងភ្នែកពេកមើលអ្វីមិនឃើញ ក៏រេ ចង្កូតខាងស្តាំដៃ បុករះចូលទៅក្នុងផ្ទះលក់គ្រឿងសំណងគ្រប់ប្រភេទយីហោ ពន្លឺថ្មី បណ្តាលឲ្យសម្ភារ មួយចំនួន ដែលទុកនៅលើចិញ្ចើមផ្លូវសម្រាប់តាំងលក់ត្រូវខូចខាតទាំងស្រុងតែម្តង ។ ប៉ុន្តែចំពោះហេតុការណ៍នេះ ត្រូវបង្ក ហេតុបានវិលត្រឡប់ក្បាលមួយជុំបោកផ្ទប់ទៅនឹងរបងផ្ទះប្រជាពលរដ្ឋ ខូចខាតរថយន្តផ្នែកខាងមុខ នឹងខាងក្រោមយ៉ាងដំណំ តែសំណាងល្អមួយក្នុង១០០០សំណាង ដោយសារអ្នករួមដំណើរក្នុងរថយន្តចំនួន ២នាក់ មិនមានអ្នកណារងរបួសធ្ងន់ឡើយ ។
គួរបញ្ជាក់ថាមិនពិតជាមិនដឹងថា រថយន្តបង្កហេតុនេះបើកបរដោយកូនលោកអ្នកមានអំណាច ណា ក៏ដោយ គឺសមត្ថកិច្ចមូលដ្ឋាននឹងនគរបាលជំនាញនៅតែបន្តការងារ ដោយវាស់វែងស្ទូចយករថយន្តបង្កនេះ ទៅរក្សាទុកនៅការិយាល័យចរាចរណ៍ជើងគោករាជធានីដើម្បីរង់ចាំដោះស្រាយនាពេលក្រោយ។ ម្ចាស់រថយន្ត បង្កនៅមិនទាន់ស្គាល់អត្តសញ្ញាណទេ ៕
