ខេត្តបន្ទាយមានជ័យ ខណះគ្រោះរាំងស្ងួតបានគំរាមផ្ទៃដី ទាំង១០ភូមិក្នុងឃុំស្លក្រាម ស្រុកស្វាយចេក ព្រមជាមួយការសំណូមពររបស់រដ្ឋបាល ឃុំស្លក្រាម និងប្រជាពលរដ្ឋទាំង១០ភូមិ លោក អាត់ ខែម ស្នងការនគរបាលខេត្តនិងក្រុមការការងារ បាននាំយករថយន្តពន្លត់អគ្គីភ័យ ៣គ្រឿងដឹកទឹកចែកជូន ពលរដ្ឋតាមសំណូមពរ នាថ្ងៃទី១៤ កុម្ភះ ២០១៦។
លោក កុក ហួន មេឃុំស្លក្រាមប្រាប់អោយដឹងថា: តាំងពីចុងឆ្នាំ២០១៥ រហូតដល់ថ្ងៃនេះ គ្រប់ភូមិទាំងដប់របស់ឃុំ ជួបប្រទះគ្រោះរាំងស្ងួត អណ្តូង បឹងស្ទឹង ត្រូវស្ងួតហួតហែង ពលរដ្ឋជាង៣០០គ្រួសារត្រូវទិញទឹកយកមកប្រើប្រាស់ តាមរយ:ការដឹកគោយន្តដែលក្នុង១គោយន្តតម្លៃ១៥០០០រៀល។ដោយមើលឃើញ កង្វះប្រើប្រាស់ទើបរដ្ឋបាលឃុំ និងពលរដ្ឋបានស្នើរសុំ ក្រុមការងារចុះជួយឃុំ ផ្ដល់ចែកជូនពលរដ្ឋប្រប្រាស់។
លោក អាត់ ខែម ស្នងការនគរបាលខេត្តបន្ទាយមានជ័យមានប្រសាសន៍ថា: ឆ្លើយតបនិងគ្រោះរាំងស្ងួត ព្រមទាំងសុំណូមពរពលរដ្ឋ និងដើម្បីបំពេញតម្រូវការចាំបាច់ កម្លាំងស្នងការនគរបាលខេត្ត-ស្រុកនិង បាននាំយក រថយន្តពន្លត់អគ្គីភ័យ ៣គ្រឿងដឹកទឹកចែកជូន ពលរដ្ឋតាមសំណូមពរនាថ្ងៃនេះ។
លោក អាត់ ខែម ប្រាប់ទៀតថា: រថយន្តពន្លត់អគ្គីភ័យនិងដឹកទឺកចែកជួន គ្រប់គ្រួសារក្នុងគ្រប់ភូមិ៣ គឺភូមិកំណប់ កកោះ និងភូមិខ្លែងព័ណ ក្នុងថ្ងៃនេះ ហើយនឹងបន្តដឹកទឹកចែកជូន ភូមិឃុំផ្សេងទៀត ដែលខ្វះទឹកបរិភោគ និង ប្រើប្រាស់បន្តបន្ទាប់ទៀត៕ដោយ:ឃិន គន្ធា
