ទិញ Luke Shaw (លូក ស) ពី Southamptonយោងតាមគេហទំព័រ Goal.com បានរាយការណ៍ថា ក្លិបបិសាចក្រហម Manchester United កំពុងតែត្រៀម សំណើរគ្រោងដាក់ដេញថ្លៃទិញយកខ្សែការពារ Luke Shaw (លូក ស) របស់ក្លិប Southampton នៅរដូវក្តៅខាងមុខ ។ ប្រភពព័ត៌មានដដែលបានលើកឡើងទៀតថា ក្លិបជើងឯកក្របខណ្ឌ Premier League មួយនេះ បានត្រៀម សំណើររួចរាល់ហើយក្នុងចំនួនទឹកប្រាក់ប្រមាណ ២០ លានផោនដើម្បីនាំយកខ្សែការពារឆ្វេងវ័យក្មេងរូបនេះបន្ទាប់ពី ក្លិបបានទទួលបរាជ័យម្តងរួចមកហើយកាលពីទីផ្សារដោះដូរកីឡាករបើកទ្វាក្នុងខែមករា ។
គួរបញ្ជាក់ថា ទន្ទឹមជាមួយគ្នានោះ ក្លិបតោខៀវ Chelsea ក៏កំពុងមានចំណាប់អារម្មណ៍លើ Shaw ផងដែរ ប៉ុន្តែកីឡាករវ័យ ១៨ ឆ្នាំរូបនេះត្រូវបានគេជឿថា ទំនងជានឹងផ្លាស់មកកាន់ទឹកដី Old Trafford ច្រើនជាង ៕
