ខេត្តកំពង់ឆ្នាំង៖ ឯកឧត្តម ហ៊ុន ណេង ប្រធានគណៈកម្មការគណៈកម្មការទី៤នៃរដ្ឋសភា នៅព្រឹកថ្ងៃទី១៥ ខែកុ ម្ភៈ ឆ្នាំ២០១៦ បានប្រតិភូចុះមកពិភាក្សាការងារ ជាមួយក្រុមប្រឹក្សាខេត្ត មន្ត្រីរាជការ កងកម្លាំងប្រដាប់អាវុធ ក្នុងខេត្តកំពង់ឆ្នាំង ដើម្បីស្តាប់របាយការណ៍ដែលបាន
អនុវត្តកន្លងមក និងលើកទិសដៅអនុវត្តបន្ត ដើម្បីរក្សាសន្តិសុខ សណ្តាប់ធ្នាប់សង្គម និងកែប្រែជីវភាពរស់នៅប្រជាពលរដ្ឋក្នុងខេត្តអោយមានការរីកចំរើនបន្ថែមទៀត។
ឯកឧត្តម ឈួរ ចន្ទ័ឌឿន អភិបាលខេត្តកំពង់ឆ្នាំង បានរាយការណ៍ ជូនគណៈកម្មការទី៤ អំពីភាពរីកចំរើនក្នុងវិស័យកសិកម្ម ការការវិនិយោគ សហគ្រាស សិប្បកម្ម គ្រឹៈស្ថានមេក្រូហិរញវត្ថុ វិស័យទេសចរណ៏ អំពីសុត្ថិភាពសន្តិសុខ និងការរស់នៅ ដោយសុខសាន្តរបស់ប្រជាពលរដ្ឋ ។ ជាមួយគ្នានោះដែរ បានយកចិត្តទុកដាក់បង្ការ និងបង្ក្រាបបទល្មើស ជលផល ព្រៃឈើ ទប់ស្កាត់ក្មេងទំនើង ការផ្សព្វផ្សាយច្បាប់ចរាចរណ៏ថ្មី ទប់ស្កាត់គ្រោះ ថ្នា ក់ចរាចរណ៏ ធ្វើវេទិការសារធាណៈ ពង្រឹងការអនុវត្តគោលនយោបាយភូមិឃុំមានសុវត្ថិភាព និងទទួលយកនូវសំណូមប្រជាពលរដ្ឋមកដោះស្រាយបានជាបន្តបន្ទាប់ ។ 
នៅក្នុងពិធីនេះដែរ ឯកឧត្តម ជៀម ចន្នី សមាជិកសភាមកពីគណបក្សប្រឆាំងបានលើកឡើងថា៖ទន្ទឹមការរីកចំរើនថ្នាក់ដឹកនាំខេត្ត នៅមានចន្លោះប្រហោងខ្លះៗដែរ ដូចជាកន្លងទៅ ទី១ រដ្ឋអំណាច មិនបានយកចិត្តទុកទុកដាក់ជួយពេលស្លាកគណៈបក្សសង្គ្រោះជាតិដួលរលំ តែបើស្លាកគណៈបក្សប្រជាជនកម្ពុជាវិញគឺលឿនណាស់ ទី២កន្លងទៅខេត្តកំពង់ឆ្នាំងបានធ្វើប្រឡាយប៉ះពាល់ដល់ដីធ្លីប្រជាពលរដ្ឋ មិនបានដោះស្រាយអោយគាត់នោះទេ ទី៣បទល្មើសនេសាទ បានកើតឡើងខ្លាំងក្លាមិនព្រមបង្ក្រាប នេះបើតាមការផ្សព្វផ្សាយពីប្រពន្ឋ័ហ្វេសបុក និងវិទ្យុ ក្នុងស្រុកមួយ និងទី៤រឿងជនអន្តោប្រវេស្តន៏ ខុសច្បាប់ត្រូវចាប់បញ្ជូនទៅវិញ មិនត្រូវធ្វើអោយគេរស់នៅដោយស្របច្បាប់វិញនោះទេ។ 
ឆ្លើយតបជាមួយការលើកឡើងរបស់សមាជិកសភាមកពីគណៈបក្សប្រឆាំង ឯកឧត្តម ឈួរ ចន្ទ័ឌឿន បានបញ្ជាក់ថា៖ ១.បញ្ហាលើកស្លាកគណៈបក្ស ត្រូវសុំច្បាប់អោយបានត្រឹមត្រូវ ពេលខ្លះដាក់ទៅចំផ្ទះប្រជាពលរដ្ឋ ពេលខ្លះដាក់ចំដីចំណីផ្លូវដោយមិនសុំច្បាប់ ដល់ពេលរលំទៅ អោយច្បាប់ទៅដោះស្រាយយ៉ាងម៉េចកើតបើមិនសុំច្បាប់ផងនោះ ២.ការជីកប្រឡាយនៅទំនប់អាចាងក្នុងស្រុកបរិបូរណ៌ គឺមានប្រយោជន៍ច្រើនណាស់ ពេលធ្វើហើ យ បានទឹកធ្វើស្រែរាប់ពាន់ហិកតា បានផ្លូវល្អ និងក្លាយជាតំបន់ទេសចរណ៌ទៀត ។មុនពេលសាងសង់ ត្រូវបានសិក្សាផលប៉ះពាល់ និងមានស្ថាប័ន្តឯករាជ្យ មកសិក្សាវាយតម្លៃបន្ថែមទៀត ហើយពេលសាងសង់ បានដោះស្រាយគោលនយោបាយអស់ហើយ សូម្បីតែដើមព្រីង១ដើមក៏ដោះស្រាយដែរ គិតមកដល់ពេលនេះការដោះស្រាយមានជាង១លានដុល្លាទៅហើយ ៣.បទល្មើសនេសាទ កាលមុនជំនាន់មិនទាន់រំសាយឡូត៌នេសាទ មានប្រជានេសាទតែជាង១ពាន់នាក់ប៉ុណ្ណោះ តែក្រោយពីរំសាយឡូត៌ នេសាទ មានប្រជានសាទរាប់ម៉ឺននាក់ ដាក់របាំងដាក់លប បើប្រវែងត្រឹម៥០ម៉ែត្រ គឺមិនខុសច្បាប់ឡើយ ប្រជាពលរដ្ឋមានសិទ្ធនេសាទដោយស្របច្បាប់ និងទី៤. រឿ ជនអន្តោប្រវេស្តន៏ ក្នុងខេត្ត មានជនជាតិវៀតណាមកំពុងរស់នៅ គឺពួកគាត់បានចុះបញ្ជី ក្នុងឆ្នាំ២០ ០២ ចំណែកអ្នកមិនបានចុះបញ្ជីនេះនឹងត្រូវចាប់បញ្ជូនចេញដូចដែលធ្លាប់ធ្វើកន្លងមក ។
ឯកឧត្តម ហ៊ុន ណេង ជាប្រធានគណៈកម្មការ ទី៤ នៃរដ្ឋសភាមានប្រសាសន៏ថា៖ ក្រោយពីស្តាប់ការចោទសួរនិងឆ្លើយរួចមក យើងទាំងអស់គ្នាបានយល់ និងសូមកោតសរសើរទាំងអស់គ្នា ដែលលើកឡើងលើបញ្ហាកន្លងមក ប៉ុន្តែតែអ្វីជាសំខាន់ត្រូវដោះស្រាយចំពោះមុខគឺត្រូវបន្តអនុវត្ត យុទ្ធសាស្ត្រចតុកោណរបស់រាជរដ្ឋាភិបាល ដែ លមានមុំ៤ធំៗគឺ៖ ១.ស្ថេរភាពនយោបាយសន្តិសុខ សុវត្ថិភាព សារធារណៈ ទី២ធ្វើអោយមានភាពប្រសើរឡើង ជីវភាពប្រជាពលរដ្ឋ អោយមានចំណូលខ្ពស់ថែមទៀត ដោយយកវិស័យកសិកម្មធ្វើជាស្នូល ៣. បន្តចូលរួមចំ ណែកកាត់បន្ថយភាពក្រីក្រ របស់ប្រជាពលរដ្ឋនៅតាមមូលដ្ឋាន និងទី៤. ផ្តល់សេវាសាធារណៈ អោយបានល្អ ពិសេសការធ្វើអត្តសញ្ញាណបណ្ណ័សញ្ជាតិខ្មែរដើម្បីបំរើតម្រូវការរបស់ប្រជាពលរដ្ឋ៕
