ឧត្តរមានជ័យ៖.កាលពីវេលាម៉ោង២៤និង១០នាទីយប់ ថ្ងៃទី១៤ ខែកុម្ភះ ឆ្នាំ២០១៦ បុរសម្នាក់ដែលរត់ចូលទៅក្នុងផ្ទះ របស់ប្រជាពលរដ្ឋហើយប្រជាពលរដ្ឋនាំគ្នាវាយស្មានថា ចោរហើយចាប់ប្រគល់ឲ្យ កងរាជអាវុធហត្ថស្រុក នៅចំណុចភូមិស្លែងពណ៍ ឃុំត្រពាំងតាវ ស្រុកអន្លង់វែង
ខេត្តឧត្តរមានជ័យ។លោកវរសេនីយ៍ត្រីងួន ទ្ធីរិទ្ធ មេបញ្ជាការកងរាជអាវុធហត្ថ ស្រុកអន្លង់វែងបានឲ្យដឹងថា ជនសង្ស័យ ដែលប្រជាពលរដ្ឋឃាត់ខ្លួន មកឲ្យអាវុធហត្ថស្រុកនោះ មានឈ្មោះជឿន ឃុន ភេទប្រុសអាយុ៣៣ឆ្នាំរស់នៅភូមិទឹកលិច ឃុំបឹងមាលា ស្រុកស្វាយលើ ខេត្តសៀមរាប សង្ស័យថា ចោរហើយប្រជាពលរដ្ឋប្រគល់ឲ្យ អ.ហ ស្រុកអន្លង់វែង ក្រោយពេល អ.ហ.ស្រុកធ្វើការស្តាប់ចំឡើយ ទើបដឹងថា ឈ្មោះជឿន ឃុន មិនមែនជាចោរនោះទេ គឺរូបគេមកស្រុកអន្លង់វែង កាលពីថ្ងៃទី១៤.០២.១៦ នេះដើម្បីទៅរកសុីឈ្នួលរកឈើក្រញូង ក្នុងទឹកដីថៃ តែនៅវេលាម៉ោង១៧និង០០នាទី ថ្ងៃ ខែ ឆ្នាំ ដ៏ដែលខ្លួន បានសុីផឹកនៅភូមិអភិវឌ្ឍន៍ ឃុំ ស្រុកអន្លង់វែង ដល់ពេលស្រវឹងក្រុមផឹកសុីជាមួយគ្នា ក៏បានរករឿងវាយភ័យក៏រត់ទៅចូលទៅកន្លែងឡអិដ្ឋ ត្រូវបានកម្មកយល់ច្រឡំថាចោរ ក៏ចាប់វាយ ហើយប្រគល់ឲ្យកងរាជអាវុធហត្ថស្រុកតែម្តងទៅ៕
