ខេត្តឧត្រមានជ័យ៖យ៉ាងហោចណាស់មនុស្សប្រុស២នាក់ បានរងរបួសធ្ងន់ ដោយសារគ្រោះថ្នាក់ចរាចរណ៍ម៉ូតូ បុកជាមួយគោយន្តកន្ត្រៃខណះធ្វើដំណើរតាមដងផ្លូវ កាលពីវេលាម៉ោង២០និង៣០ថ្ងៃទី១៥ ខែកុម្ភះ ឆ្នាំ២០១៦. នៅចំណុចភូមិត្រាចាន ឃុំព្រះប្រឡាយ ស្រុក
ត្រពាំងប្រាសាទ ខេត្តឧត្តរមានជ័យ។
សមត្ថកិច្ចប៉ូលិសស្រុកបានឲ្យដឹងថា ជនរងគ្រោះក្នុងហេតុការគ្រោះថ្នាក់ចរាចរណ៍នោះត្រូវបានគេស្គាល់១/ឈ្មោះជីប៉ា ភេទប្រុស អាយុ១៨ឆ្នាំ រងរបួសបាក់ដៃខាងស្តាំ រស់នៅភូមិត្រាំចាន ឃុំព្រះប្រឡាយ ស្រុកត្រពាំងប្រាសាទ ខេត្តឧត្តរមានជ័យ បើកម៉ូតូហុងដាទ្រីម២០១៤គ្មានផ្លាកលេខ ២/ឈ្មោះសុន សុង ភេទប្រុស អាយុ២១ឆ្នាំ រងរបួសជើង រស់នៅភូមិទំនប់ដាច់ ឃុំទំនប់ដាច់ ស្រុកត្រពាំងប្រាសាទ ខេត្តឧត្តរមានជ័យ ជនរងគ្រោះទាំង២ត្រូវបញ្ជូនទៅមន្ទីរពេទ្យ។.រីឯម្ចាស់គោយន្តកន្ត្រៃ មានឈ្មោះហៀប តុលា ភេទប្រុសអាយ២០ឆ្នាំ រស់នៅភូមិសែនសំ ឃុំអូរស្វាយ ស្រុកត្រពាំងប្រាសាទ ខេត្តឧត្តរមានជ័យ ជាអ្នកបើកគោយន្តកន្ត្រៃ។នៅពេលបច្ចុប្បន្ន ម៉ូតូនិងគោយន្ត ត្រូវបានកម្លាំងជំនាញយកទៅរក្សាទុកនៅអធិការដ្ឋាននគរបាលស្រុក រងចាំដោះស្រាយគ្នាទៅតាមច្បាប់៕
