ស្ទឹងត្រែង៖ក្នុងសកម្មភាពរុះរើស្ថានីយប្រេងឥន្ធនៈនៅថ្ងៃទី១៥កុម្ភៈឆ្នាំ២០១៦នេះគណៈកម្មការថ្នាក់ខេត្តចាប់ផ្តើមរៀបចំសោភណ្ឌភាពទីក្រុងស្អាតដើម្បីត្រៀមលក្ខណៈធ្វើជាម្ចាស់បុណ្យទន្លេនៅដើមឆ្នាំ២០១៧សំរាប់ទាក់ទាញភ្ញៀវទេសចរណ៏ឲ្យចាប់អារម្មណ៍និងនាំគ្នាមកលេង
ខេត្តស្ទឹងត្រែងឲ្យបានច្រើនក្នុងពេលដ៍ឆាប់ខាងមុខនេះ។
លោកប៊ុនណារីអភិបាលក្រុងស្ទឹងត្រែងមានប្រសាសន៍ថា៖នេះជាសមកម្មភាពជាក់ស្តែង ដែលអាជ្ញាធរបានជួយសំរួលដល់ការរុះរើស្ថានីយប្រេងឥន្ធនៈដែលម្ចាស់បានយល់ព្រមចាកចេញដោយប្រើគ្រឿងចក្រគាស់កម្ទេចចោល ដើម្បីឈានទៅរៀបចំទីក្រុងឲ្យបានស្អាត។
លោកអភិបាលក្រុងបញ្ជាក់ថា៖ កាលពីឆ្នាំ២០១៥ស្ថានីយប្រេងចំនួន៤កន្លែង នៅក្រុងស្ទឹងត្រែង ត្រូវអាជ្ញាធរខេត្ត ចេញសេចក្តីជូនដំណឹងស្នើសុំឱ្យម្ចាស់ផ្លាស់ប្តូរទីតាំង ដើម្បីគណៈកម្មការខេត្តកែលំអរសោភណ្ឌភាពក្រុងយកទីតាំង រៀបចំធ្វើសូនច្បារត្រៀម ទទួលធ្វើជាម្ចាស់បុណ្យទន្លេនៅឆ្នាំ២០១៧នេះ ជាកិច្ចការចាប់ផ្តើមដំបូង របស់ក្រុមការងារ ឱ្យគាត់ចូលរួមសហការក្នុងការរើស្ឋានីយ អញ្ចឹងរដ្ឋហ្នឹងកែលំអរឲ្យទៅជាសួនច្បាទៅជារម្មណីយដ្ឋានផ្សេងៗសំរាប់ការកំសាន្តរបស់យើងនិងភ្ញៀវទេសចរណ៏។
លោកដែង.ភិរម្យម្ចាស់ស្ថានីយប្រេងនៅមុខរង្វង់មូលសាលាខេត្ត ដែលត្រូវរុះរើចេញដែរនោះបានអះអាងថា៖លោកយល់ព្រមជាមួយអាជ្ញាធរខេត្តរួចហើយចំពោះការរុះរើនេះតែលោកកំពុងប្រឹងប្រែងធ្វើស្ថានីយដោះដូរឲ្យបានរួចរាល់នៅក្នុងខែមិនាខាងមុខនេះដើម្បីផ្លាស់ប្តូទីតាំងឲ្យបានឆាប់ពីព្រោះនេះវាជាភារកិច្ចរបស់យើងទាំងអស់គ្នាធ្វើឲ្យទីក្រុងស្អាត វាអាចខែ២ឬចុងខែបីនេះហើយ ឥឡូវខ្លាចមិនទុកចិត្ដរុះរើដំបូលចេញ អស់រលីងហើយ វាសំខាន់សោភណ្ឌភាពក្រុងហ្នឹងហើយ វាធម្មតាទេទាំងអស់គ្នាទេមិនមែនតែយើងម្នាក់ទេបើយើងផលប្រយោជន៏តែយើង ក្រុងទាំងមូលគេដូចជាមិនសប្បាយចិត្ត ជាមួយយើងប៉ុន្មានទេ ព្រោះកន្លងមកក្រុងវាអត់ទាន់រីកដល់ប៉ុណ្ណឹង អត់មានផលប៉ះពាល់ឥឡូវក្រុងវារីកចំរើនហើយ។
លោកឈាងឡាក់អភិបាលរងខេត្តចុះពិនិត្យគ្រឿងចក្រ កម្ទេចស្ថានីយប្រេងឥន្ធនៈ ក្រុងស្ទឹងត្រែងលោកមិនបានប្រាប់ពីគម្រោងផែនការរៀបចំសោភណ្ឌភាពក្រុងនេះទេ តែ លោកប្រាប់ថា ពាក់ព័ន្ធរឿងនេះ សុំឱ្យអ្នកសារព័ត៌មានសាកសួរ ទៅអ្នកនាំពាក្យសាលាខេត្តវិញ។
ជាមួយនេះលោក ម៉ែងគុងអ្នកនាំពាក្យសាលាខេត្តនិងជានាយករង បានអះអាងថា ៖សសរគ្រឹះស្ថានីយណា មានលក្ខណៈរឹងមាំ ខាងអាជ្ញាធរអាចយកគ្រឿងចក្រ របស់មន្ទីរសាធារណការ និងដឹកជញ្ជូនខេត្ត មកជួយរុះរើបានបើសិនជាភាគីម្ចាស់ស្ថានយស្នើសុំនោះ។
លោកថា អាជ្ញាធរខេត្តព្យាយាមសម្របសម្រួលពន្លឿនដល់ម្ចាស់ស្ថានីយចំនួន៤ ត្រូវរុះរើចេញឱ្យបានឆាប់បំផុតតបតាមលិខិតជាគោលការណ៏របស់ក្រសួងមហាផ្ទៃក្នុងនោះស្ថានីយដែលមានឈ្មោះ គង់ មន្ថា, និង គាងសុធី បានកំពុងរុះរើ និងស្ថានីយប្រេងដែងភិរម្យ, កំពង់ចម្លង សេកុងរងចាំ ធ្វើលើទីតាំងថ្មី ហើយនៅខែមិនានេះ។
សូមបញ្ជាក់ថា៖កន្លងមកគណៈកម្មការកែលំអរសោភណ្ឌភាពខេត្តបានណែនាំដល់បងប្អូនប្រជាពលរដ្ឋឲ្យចូលរួមរៀបចំលំនៅដ្ឋានស្អាត ដូចជាការកាត់សំយ៉ាបផ្ទះដែលលយមកលើចិញ្ចើមផ្លូវលាបថ្នាំពរណ៌របងហើយខណៈនេះខេត្តក៏បានរុះរើស្ថានីយនេះបន្ថែមទៀត៕
