ស្ទឹងត្រែង៖គណៈកម្មការចម្រុះថ្នាក់ខេត្ត ដឹកនាំដោយលោកជា ថាវរិទ្ធ នៅព្រឹកថ្ងៃទី១៥ខែគម្ភៈ២០១៦ នេះ បានដឹកនាំកម្លាំងចុះពិនិត្យការកាប់បំផ្លាញព្រៃឈើមួយកន្លែង ស្ថិតនៅភូមិវាលដេញ ឃុំអន្លុងជ្រៃ ស្រុកថាឡាបរិវ៉ាត់ដែលមានទំហំដីប្រមាណជាង៤០ហិចតា បានបែកធ្លាយរឿងដីព្រៃដីភ្នំរាប់រយហិចតាត្រូវបានលោកមា មិត្រកាប់ទន្ទ្រានដីព្រៃរបស់រដ្ឋធ្វើជាកម្មសិទ្ធផ្ទាល់ខ្លួន។
ទាក់ទងទៅនិងការចុះពិនិត្យដីព្រៃជាង៤០ហិចតា ពាក់ព័ន្ធនិងមនុស្ស៣នាក់បានធ្វើការកាប់ទន្ទ្រានដីព្រៃរបស់រដ្ឋធ្វើជាកម្មសិទ្ធមាន១ឈ្មោះផូ ផល ២ឈ្មោះស៊ូ ហ៊ា ៣ឈ្មោះផល ធា ពួកគេទាំង៣នាក់នេះបាននាំគ្នាធ្វើការកាប់ដីព្រៃរបស់រដ្ឋយកមកធ្វើជាកម្មសិទ្ធផ្ទាល់ខ្លួន។ក្រោមការចុះពិនិត្យ ស្រាវជ្រាវរបស់គណៈកម្មការចម្រុះបានបែកធ្លាយរឿង ដីព្រៃ៨៤០ហិចតា(ប្រាំបីរយសែសិបហិចតា)ភ្នំចំនួនប្រាំ ត្រូវបានលោកមាមិត្ររំលោភយកទាំងស្រុង។
លោកផូ ផល ដែលជាប់ពាក់ព័ន្ធនិងការកាប់ដីព្រៃជាង៤០ហិចតាបានបញ្ជាក់ថា នៅលើចំណុចដី៨៤០ហិចតារបស់លោកមា មិត្រ មានប្រជាពលរដ្ឋចំនួន៤២គ្រួសាររស់នៅដាំដំណាំដូចជា ដំឡូងមី សណ្ដែកសៀងសណ្តែកបាយ ល្ពៅជាដើម ដោយមានកិច្ចសន្យាផ្ដិតមេដៃ រវាងលោកមាមិត្រ និងប្រជាពលរដ្ឋក្នុងរយៈ៣ឆ្នាំគ្រប់កិច្ចសន្យានិងត្រូវប្រគល់ដីទៅអោយលោក មា មិត្រ វិញ។
លោក ផូ ផលបានឆ្លើយប្រាប់សមត្ថកិច្ចចម្រុះទៀតថា ក្រោយដល់កិច្ចសន្យា ត្រូវប្រគល់ដីជូនលោកមាមិត្រវិញ ពួកគាត់មិនមានដីបង្កង្កើនផល ក៏បាននាំគ្នាមកកាប់ដីព្រៃដើម្បីធ្វើការដាំដុះ ដោះស្រាយជីវភាពក្នុងគ្រួសារ ហើយរហូតមកដល់ពេលនេះក៏ត្រូវបានគណៈកម្មការចម្រុះពិនិត្យការកាប់ដីព្រៃរបស់រដ្ឋដោយមិនមានច្បាប់ទម្លាប់ត្រឹមត្រូវ ទើបលោកបានរាយការជូនដល់សមត្ថកិច្ចពាក់ព័ន្ធថា បើសិនជាគាត់កាប់ដីព្រៃនេះមានទោស សូមអោយពិនិត្យដីព្រៃ ដីភ្នំរាប់រាយហិចតា របស់លោមាមិត្រផង កាប់រាប់រយហិចតា គ្មានសមត្ថកិច្ចណាអើពើឡើយ។
លោកផលបានបញ្ជាក់ថា នៅក្នុងការកាប់រានទន្ទ្រាន ដីព្រៃរបស់រដ្ឋដើម្បីយកមកធ្វើជាកម្ម សិទ្ធនោះ លោកមា មិត្របានជួលកម្មករមកពីខេត្តព្រះវិ ហារ កំពង់ធំ រួមទាំងរូបគាត់ផ្ទាល់បានកាប់ទន្ទ្រានយកដីព្រៃរបស់រដ្ឋ រាប់រយហិចតា និងភ្នំចំនួន៥កន្លែងទៀត នៅក្នុងចំណុចភូមិ វាលដេញ ឃុំអន្លុងជ្រៃ ស្រុកថាឡាបរិវ៉ាត់ស្ទឹងត្រែង។
ជំវិញការចោទប្រកាន់របស់លោក ផូ ផលនេះត្រូវបានលោក មា មិត្រ ឆ្លើយបដិសេធចោល ទាំងស្រុង ថាការនិយាយ របស់លោក ផូ ផលនេះមិនមានការពិតនោះទេ ពាក្យសម្ដីរបស់លោកផូ ផល នេះគឺមូលបង្កាច់ទាំងស្រុង ព្រោះលោក ផូ ផល មានការខឹងនិងគាត់មិនអោយនៅលើដីចំការបន្តទៀត ទើបរកល្បិចចោទប្រកាន់ទាំងគ្មានភស្ដុតាង។លោកមា មិត្រ បានបន្តថា នៅក្នុងតំបន់នេះលោក មាន ដីតែ៧ហិចតាជាងប៉ុណ្ណោះដែលមានប្លង់កាន់ស្របច្បាប់ត្រឹមត្រូវ។ដូចនេះសូមអស់លោក ឯកឧត្ដម ដែលបានមកពិនិត្យដីជាក់ស្ដែងក្នុងថ្ងៃ នេះជួយរកយុត្តិធម៍ផង។
ពាក់ព័ន្ធនិងករណីខាងលើនេះលោក ជា ថាវរិទ្ធអភិបាលរងខេត្តបានឲ្យដឹងថា ការដឹកនាំកម្លាំងសមត្ថកិច្ចចម្រុះចុះមកស្រាវជ្រាវ រកមុខអ្នកពាក់ព័ន្ធក្នុងការកាប់ទន្ទ្រានដីព្រៃ របស់រដ្ឋក្នុងថ្ងៃនេះ លោកបានដឹងនៅមុខសញ្ញាអ្នកកាប់ហើយ ដែលតាមរបាយការណ៏ និងការចុះមកពិនិត្យផ្ទាល់នេះគឺ ត្រឹមត្រូវហើយលោកបានអោយ ខាងមន្ត្រីរដ្ឋបាលព្រៃឈើធ្វើកំណត់ហេតុ កសាងសំណុំរឿងដាក់បន្ទុកទៅតាមផ្លូវច្បាប់។ ចំណែករឿងដីពាក់ព័ន្ធនិងលោក មា មិត្រដែលត្រូវបានលោក ផូ ផលចោទប្រកាន់ថាបានកាប់ទន្ទ្រានដីព្រៃ និងដីភ្នំចំនួន៥នោះ សមត្ថកិច្ចនៅបន្តធ្វើការចុះពិនិត្យនិងស្រាវជ្រាវរកការពិត ហើយរឿងនេះមិនអោយរួចខ្លួន ទេអ្នកដែលទន្ទ្រានដីព្រៃរបស់រដ្ឋនោះ បើសិនជារកឃើញថាមានការពាក់ព័ន្ធមែននោះនិងត្រូវចាត់វិធានការតាមផ្លូវច្បាប់៕