ខេត្តកំពង់ឆ្នាំង ៖ បុរសម្នាក់ផឹកស្រវឹងបានចងកសម្លាប់ខ្លួននៅលើផ្ទះ តាំងពីយប់ព្រឹកឡើងទើបដឹងមានការភ្ញាក់ផ្អើល ដោយសារតែម្តាយឡើងលើផ្ទះដាស់កូនប្រុស តែបែរជាឃើញកូនរបស់ខ្លួន ចងកស្លាប់ សសរផ្ទះ ស្លាប់បាត់ទៅហើយ នៅម៉ោង៧និង៥០នាទីព្រឹក ថ្ងៃទី១៥ ខែ កុម្ភៈ ឆ្នាំ២០១៦ ដែលករណីនេះបានកើតឡើងនៅយប់ថ្ងៃទី១៤ ខែកុម្ភះ ឆ្នាំ២០១៦ នៅភូមិអណ្តូងរនុក ឃុំត្រងិល ស្រុកកំពង់លែង ។
លោក ប៉ាល់ ជឿន អធិការនគរបាលស្រុកកំពង់លែងបានអោយដឹងថាៈ បុរសដែលចងកសម្លាប់ខ្លួននេះមានឈ្មោះ លុយ រ៉ុន អាយុ៣៩ឆ្នាំ រស់នៅក្នុងភូមិ ឃុំ កើតហេតុខាងលើ ។ មុនការភ្ញាក់ផ្អើល នៅពេលព្រឹកម្តាយបានឡើងទៅលើផ្ទះបំណងដាស់កូន ស្រាប់តែឃើញកូនប្រុស ចងក នឹងខ្យែនីឡុង ជា
មួយសសរផ្ទះស្លាប់បាត់ទៅហើយ ទើបស្រែកឆោរឡោឡើងអោយគេជួយ ។
លោកបានបន្តថាៈ តាមសំដីប្រជាពលរដ្ឋជាអ្នកជិតខាងបានអោយដឹងថា នៅពេលល្ងាចគេឃើ ញបុរសរូបនេះផឹកស្រវឹងជាធម្មតា និងបានឡើងទៅដេកលើផ្ទះរបស់ខ្លួន តែនៅផ្ទះនេះពុំមានអ្នកណានៅនោះទេ ម្តាយនិងឪពុកបានទៅធ្វើចំការអស់ហើយ ។ លុះព្រឹកឡើងនៅវេលាម៉ោងជិត៨ព្រឹក ម្តាយបង្កើតបុរសរូបនេះ បានមកពីចំការហើយឡើងលើផ្ទះរកកូន ក៍ប្រទះឃើញកូនប្រុសរបស់គាត់ចងកនៅលើផ្ទះស្លាប់បាត់ទៅហើយ ។
លោកអធិការអោយដឹងថា ក្រោយពីសមត្ថកិច្ចធ្វើកោសល្យពិច្ច័យតាមបច្ចេកទេសបានដឹងថាៈ បុរសរូបនោះពិតជាបានចងកសម្លាប់ខ្លួនឯងពិតមែន ហើយសពជនរងគ្រោះត្រូវបានក្រោមគ្រួសារធ្វើបុណ្យតាមប្រពៃណី ។ចំណែកមូលហេតុវិញ សមត្ថកិច្ចដឹងថា បុរសរូបនោះ បានផឹកស្រារាល់ថ្ងៃស្ទើរក្លាយជាមនុស្សសសៃប្រាសាទទៅហើយ កន្លងមកបានបង្កហឹង្សាវាយប្រពន្ឋកូន និងធ្លាប់បានជាប់ពន្ឋនាគារខេត្តទៀតផង ៕