ខេត្តពោធិ៍សាត់ នៅថ្ងៃទី ១៨ ខែឧសភា ឆ្នាំ២០១៤ ឯកឧត្តម ម៉ៅធនិន អភិបាលនៃគណអភិបាលខេត្ត ពោធិ៍សាត់ដែលអមដំណីរដោយឯកឧត្តមអភិបាលរងខេត្តនិងលោកប្រធានមន្ទីរឧស្សាហកម្មនិងសិប្បកម្មខេត្តពោធិសាត់បានអញ្ជើញចុះពិនិត្យមើលសង្វាក់ផលិកម្មនៃការផ្តល់ទឹកស្អាតនៅអង្គ ភាពរដ្ឋករទឹកស្វយ័តខេត្តពោធិ៍សាត់ដែលបាននិងកំពុងដំណោះរការចែកចាយនិងផ្គត់ផ្គង់ទឹកជូនប្រជាពលរដ្ឋ និង អតិថិជន អ្នកប្រើប្រាស់ ។
ឯកឧត្តម បានជំរុញឲ្យអង្គភាពរដ្ឋករទឹកស្អាត ត្រូវខិតខំធ្វើយ៉ាងណាដើម្បីពង្រីកបណ្តាញឲ្យបានច្រើន ដើម្បីបានបំរើទៅតាមសំណូមពររបស់ ប្រជាពលរដ្ឋ ក្នុងការលើកកម្ពស់សុខភាព និងអនាមយ័សំដៅកាត់បន្ថយនូវជម្ងឺដង្កាត់ផ្សេងៗ ដែលបង្ករឡើងដោយកាទទួលទានទឹកមិនស្អាតដែលបណ្តាលជាជម្ងឺរាគរូសទាំងនេះគឺជាការរួម ចំណែកក្នុងការកាត់បន្ថយបាននូវភាពក្រីក្រជូនប្រជាពលរដ្ឋយើងដែលជាគោលនយាបាយមួយដ៏ត្រឹមត្រូវរបស់សម្តេចអគ្គមហាសេនាបតីតេជោហ៊ុនសែននាយករដ្ឋមន្ត្រីនៃព្រះរាជាណាចក្រ កម្ពុជា។
ជាការឆ្លើយតបលោកកែវសារ៉ាប្រធានអង្គភាពរដ្ឋករទឹក ខេត្តពោធិសាត់បានជំរាបជូនថា ក្នុងឆ្នាំ២០១៥ខាងមុខនេះអង្គភាពមានគម្រោងពង្រីកបន្ថែមបណ្តាញប្រវែង២០០០ម៉ែត្របន្ថែមទៀតក្នុងឆ្នាំ២០១៤ នេះ អង្គភាពបានផ្គត់ផ្គង់និងផតល់សេវាទឹកស្អាតជូនបងប្អូនប្រជាពលរដ្ឋ ៣ស្រុកស្មើនិង១១ឃុំសង្កាត់ដែលមានប្រជាពលរដ្ឋចូលរួមក្នុងការប្រើប្រាស់ទឹកស្អាតចំនួន៦ពាន់ខ្នងផ្ទះ ចំពោះកូណភាពទឹកមានកំរិតស្តង់ដាទឹកផឹកថ្នាក់ជាតិ ។
