( រូបភាពវីដេអូ ) សាកសពជនរងគ្រោះ១១៨នាក់ ត្រូវ បានគេរកឃើញនៅទីកន្លែងដែលរងការ វាយប្រហារគ្រាប់បែកអន្ដរជាតិឋិតនៅ ទីក្រុងJosភាគកណ្ដាលប្រទេសនីហ្សេរីយ៉ា កាលពីថ្ងៃទី២០ ខែឧសភា ឆ្នាំ២០១៤។ គ្រាប់បែក ទី១បានផ្ទុះឡើងនៅកណ្ដាល ទីផ្សារដែលមានមនុស្សកកកុញ ចំណែក គ្រាប់បែកទី២បានផ្ទុះនៅមុខមន្ទីរពេទ្យ ក្បែរនេះ ក្រោយពេលអ្នករងរបួសក្នុងការ វាយប្រហារទី១បានបញ្ជូនទៅមន្ទីរពេទ្យ ហើយនៅមុខមន្ទីរពេទ្យមានមនុស្សកក កុញរង់ចាំដំណឹងពីសាច់ញាតិរបស់ខ្លួន។
ពេលនេះ មិនទាន់មានក្រុមណាមួយ ចេញមុខទទួលស្គាល់ថាជាសកម្មភាព វាយប្រហាររបស់ខ្លួននៅឡើយ ប៉ុន្ដែមជ្ឈ ដ្ឋានទូទៅបានសន្និដ្ឋានថា សកម្មភាព វាយប្រហារទាំងនោះធ្វើឡើងដោយក្រុម Boko Haram ដោយសារតែក្រុមនោះ ជាប់ពាក់ព័ន្ធនឹងការវាយប្រហារសម្លាប់ មនុស្សជាច្រើនក្នុងប្រទេសនីហ្សេរីយ៉ា រយៈកាលកន្លងមក ។ លោក Muhammed Abdulsalam មន្ដ្រីគ្រប់គ្រងគ្រោះអាសន្ននីហ្សេរីយ៉ា បានឱ្យដឹងថា មកទល់ពេលនេះមាន សាកសព១១៨នាក់ត្រូវបានគេរកឃើញ ពីគំនរបាក់បែក ហើយសកសពជាច្រើន មិនអាចកំណត់អត្ដសញ្ញាណបានឡើយ។
លោក Addulsalam បន្ដទៀតថា ក្រោយហេតុការណ៍បំផ្ទុះគ្រាប់បែកទាំង ២លើក បង្កឱ្យមានភាពចលនាចលកើត ឡើង ហើយពលរដ្ឋមិនហ៊ានប្រមូលផ្ដុំ គ្នាទៀតឡើយ ខ្លាចមានការវាយប្រហារ ជាលើកទី៣កើតឡើង ។ ប្រធានាធិបតីនីហ្សេរីយ៉ា លោក Goodluck Jonathan បានថ្កោលទោស យ៉ាងខ្លាំងដល់សកម្មភាពវាយប្រហារ យ៉ាងសាហាវព្រៃផ្សៃខាងលើ ។ លោកក៏ បានប្ដេជ្ញាជាមួយប្រជាពលរដ្ឋនីហ្សេរីយ៉ា ថានឹងយកជ័យជម្នះក្នុងសង្គ្រាមប្រយុទ្ធ ប្រឆាំងភេរវកម្មក្នុងប្រទេសនេះ ។
ក្នុងពេល ជាមួយគ្នានោះដែរ សហ គមន៍អន្ដរជាតិដែលមានអាមេរិក និង អង់គ្លេសបានសន្យាជួយដល់រដ្ឋាភិបាល ប្រទេសនេះក្នុងការប្រយុទ្ធប្រឆាំងក្រុម ភេរវកម្ម ពិសេសការវាយប្រហារទៅ លើក្រុមឧទ្ទាមបូកូហារ៉ាមដែលចាប់ សិស្ស និស្សិតស្រីនីហ្សេរីយ៉ារាប់រយនាក់ នាពេលកន្លងមក ។ ប្រសិនបើមិនទប់ ស្កាត់ទេនោះ ក្រុមបូកូហារ៉ាមនៅតែ ជាការគំរាមកំហែងដដែលដល់សន្ដិសុខ ស្ថិរភាពរបស់ប្រទេសនេះ ៕
