ខេត្តក្រចេះ៖ មនុស្សប្រុសស្រីចំនួន ១៣នាក់ ត្រូវកម្លាំងនគរបាលស្រុកស្នួលធ្វើការឃាត់ខ្លួនបណ្តោះអាសន្ន ក្នុងករណីប្រើប្រាស់និងជួញដូគ្រឿងញៀននៅស្រុកស្នួល និងបានបញ្ជូនមកកាន់ការិយាល័យប្រឆាំងគ្រឿងញៀននៃស្នងការកានគរបាលខេត្តក្រចេះ កាលពីថ្ងៃទី២៤ ឧសភា ដើម្បីមានវិធានការបន្ត ។
វកាលពីថ្ងៃទិ២៣ឧសភា កម្លាំងនគរបាលស្រុកស្នួលបានឲ្យដឹងថាបន្ទាប់ពីកម្លាំងជំនាញបានចុះល្បាតក្នុងភូមិសាស្ត្រចំណុចគីឡូម៉ែត្រលេខ១១៧ ស្ថិតក្នុងភូមិជើងឃ្លេ ឃុំ ២ធ្នូ ស្រុកស្នួល ចាប់ឃាត់ខ្លួនជនមុខសញ្ញាជួញដូរ ប្រើប្រាស់គ្រឿងញៀន ចំនួន ៨នាក់ ស្រី ៥នាក់ និងដកហូតបានម្ស៉ៅក្រាមពណ៌សចំនួន៥កញ្ជប់តូច ពី ជនសង្ស័យជាស្ត្រីម្នាក់ឈ្មោះ សំ ពៅ ក្នុងចំណោមជនសង្ស័យប្រុសស្រីទាំង៨នាក់ ។
នគរបាលការិយាល័យប្រឆាំងគ្រឿងញៀនខេត្ត បានឲ្យដឹងថាបន្ទាប់ពីទទួលបានចំឡើយសារភាពពី ស្ត្រី ឈ្មោះសំ ពៅ រួចមកនោះ ព្រះរាជអាជ្ញារងអមសាលាដំបូងខត្ត លោក ធុច បញ្ចៈសន្តិភាព បានដឹកនាំកម្លាំងសមត្ថកិច្ចការិយាល័យប្រឆាំងគ្រឿងញៀននិងនគរបាលស្រុកស្នួល ធ្វើការឃាត់ខ្លួនមុខសញ្ញាប្រើប្រាស់គ្រឿងញៀនប្រុស ស្រី ចំនួន៥នាក់ទៀត នៅវេលាម៉ោង ១១និង០០នាទី ថ្ងៃទី ២៤ ឧសភា នៅផ្ទះ ឈ្មោះ សឿន ចន្ថា ភេទស្រី អាយុ ៣២ឆ្នាំ រស់នៅចំណុចគីឡូម៉ែត្រលេខ ១២៣ ភូមិស្រែថ្មី ឃុំឃ្សឹម ស្រុកស្នួល និងបានឆែកឆេរកឃើញមានម្ស៉ៅក្រាមពណ៌សចំនួន ៤កញ្ចប់ធំ ទូរសព្ទ័ដៃ១គ្រឿងនិងសម្ភារៈសម្រាប់ជួញដូរនិងប្រើប្រាស់មួយចំនួនទៀត ។
លោកវរៈសេនីយ៏ទោ កង សុវណ្ណី នាយរងការិយល័យកណ្តាលយុត្តិធម៌ បានបញ្ជាក់ថា នៅព្រឹកថ្ងៃទី២៥ឧសភា ម្សិលមិញនេះ កម្លាំងជំនាញបានធ្វើកោសលវិច្ឆួ័យទៅលើម្ស៉ៅក្រាមពណ៌សទាំង៩កញ្ចប់ធំតូច គឺរកឃើញថា សុទ្ធសឹងជាសារជាតិញៀន ប្រភេទមេតំហ្វេតាមីន ។ គួបញ្ជាក់ថាៈ ជនសង្ស័យប្រុស ស្រីទាំង ១៣នាក់ និង វត្ថុតាងថ្នាំញៀន និងសម្ភារៈប្រើប្រាស់ ជួញដូរ ត្រូវបានកម្លាំងការិយាល័យនគរបាលប្រឆាំងគ្រឿងញៀន កសាងសុំណុំរឿង បញ្ជូនទៅកាន់ស្ថាប័នអយ្យការអមសាលាដំបូងខេត្តក្រចេះ ដើម្បីចាត់វិធានការបន្តតាមផ្លូវច្បាប់ នៅរសៀល ថ្ងៃទី២៥ឧសភានេះហើយ ។![yama.m2t_snapshot_00.26_[2014.05.26_11.17.07]](https://i0.wp.com/www.khemaradaily.com/wp-content/uploads/2014/05/yama.m2t_snapshot_00.26_2014.05.26_11.17.07.jpg?resize=448%2C336)
![yama.m2t_snapshot_00.01_[2014.05.26_11.16.26]](https://i0.wp.com/www.khemaradaily.com/wp-content/uploads/2014/05/yama.m2t_snapshot_00.01_2014.05.26_11.16.26.jpg?resize=448%2C336)
