កំពង់ស្ពឺ ៖ ថវិការសប្បុរសធម៌ជិត១០ម៉ឺនដុល្លា ត្រូវបានប្រចូលរួមជាមួយកាកបាទក្រហម កម្ពុជាក្នុងឱកាស ប្រារពពិធីខួបលើទី១៥១ ទិវាពិភពលោកកាកបាទក្រមហ អធ្ឍចន្ទក្រមហ ថ្ងៃទី៨ ខែឧសភា ឆ្នាំ២០១៤ ក្រោមប្រធានបទ “ ខ្ញុំ និងកាកបាទក្រហម ” នៅទីរួមខេត្តកំពង់ស្ពឺ កាលព្រឹកថ្ងៃទី២៩ ខែឧសភា ឆ្នាំ២០១៤ ។
លោកតុង សេង ប្រធានគណៈកម្មាធិការ សាខាកាកបាទក្រហម បានធ្វើសន្ទរកថាស្វាគមន៏ និងរបាយការណ៏សង្ខេបការងារ ស្តីពីសមិទ្ធិផលនានារបស់សាខាអនុវត្តន៍រយៈ ពេល១ឆ្នាំគិតពី ថ្ងៃទី៨ ខែឧសភា ឆ្នាំ២០១៣ ដល់ថ្ងៃទី៨ ខែឧសភា ឆ្នាំ២០១៤ បានចុះជួយសង្គ្រោះប្រជាពលរដ្ឋ ដែលរងគ្រោះធម្មជាតិ គ្រោះអគ្កីភ័យ ជនងាយរងគ្រោះ ចាស់ជរាគ្មានទីពឹង កុមា និងអ្នកផ្ទុកមេរោគអេដស៍រាប់ពាន់គ្រួសារ ។ លោកអ៊ូ សំអួន អភិបាល ខេត្តកំពង់ស្ពឺ និងប្រធានកិត្តិយស សាខាខេត្តកំពង់ស្ពឺ បានអានសេចក្តីថ្លែងការណ៏ របស់សម្តេចកិតិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទ ក្រហមកម្ពុជាផងដែរ ។
លោឆាយ ថន ទេសរដ្ឋមន្ត្រី រដ្ឋមន្ត្រីក្រសួងផែនការ បានធ្វើកោតសរសើរ ដល់មន្ត្រីកាកបាទក្រហម ខេត្តគ្រប់លំដាប់ថ្នាក់ ព្រមទាំងសប្បុរសជន ដែលកន្លងមកបានលៈបង់ទាំងកម្លាំងកាយចិត្ត ទាំងស្មារតី សំភារៈ ថវិកា ផ្តល់ការគាំទ្រ យ៉ាងសកម្ម និងកិច្ចសហប្រតិបត្តិការយ៉ាងជិតស្និតដល់សកម្មភាពមនុស្សធម៌ ។
ទង្វើទាំងនោះបានស្តែងចេញពី វប្បធម៌ចែករំលែក ជួយគ្នាទៅវិញទៅមកដល់ជនរងគ្រោះ និងជនងាយរងគ្រោះ នៅគ្រប់ពេលវេលានៅគ្រប់ ទីកន្លែងក្នុងគ្រាអាសន្ន ដោយមិនប្រកាន់បក្សនយោបាយ ឬពូជសាសន៍ឡើយ ។ លោកបន្តថា បច្ចុប្បន្នសាខាកាកបាទក្រហម កម្ពុជា ខេត្តកំពង់ស្ពឺ បានកំពុងបំពេញតួនាទីរបស់ខ្លួនប្រកបដោយ ប្រសិទ្ធភាពខ្ពស់ ក្នុងបេសកកម្មសង្គ្រោះប្រជាជនរងគ្រោះ ក៏ដូចជាការឆ្លើយតប និងការត្រៀមបង្ការគ្រោះមហន្តរាយ ការការពារ ទប់ស្កាត់ការរីក
រាលដាលនៃជម្ងឺឆ្លងនានាដូចជា ៖ ជម្ងឺគ្រុនឈាម, ជម្ងឺផ្តាសាយបក្សី.. ការអប់រំ ថែទាំ សុខភាព សាធារណៈ, ការថែទាំអនាម័យតាមសហគមន៍, ការលើកកម្ពស់សុខភាពស្ត្រី និងកុមារ, ការលើកកម្ពស់គោលការណ៍គ្រឹះរបស់កាកបាទក្រហម អឌ្ឍច័ន្ទក្រហម និងតម្លៃមនុស្សធម៌,ការជួយសង្គ្រោះ បឋមជាមូលដ្ឋានក្នុងសហគមន៍, ការផ្តល់ទឹកស្អាត, ការអប់រំដើម្បី
កាត់បន្ថយអត្រាគ្រោះថ្នាក់ដោយសារ គ្រាប់មីន និងសុវត្ថិភាពចរាចរណ៍ជាដើម…។ សូមរំលឹកថា ក្នុងឱកាសប្រារព្ធពិធីខួបលើកទី១៥១ ទិវាពិភពលោកកាកបាទ ក្រហម អឌ្ឍច័ន្ទក្រហម ក្នុងទីលានលេងកីឡា ខេត្តកំពង់ស្ពឺនោះ មានការចូលរួមពីថ្នាក់ដឹកនាំរដ្ឋាភិបាល មន្ត្រីរាជាគ្រប់លំដាប់ថ្នាក់ជុំវិញខេត្ត ព្រះសង្ឍ លោកគ្រូ-អ្នកគ្រូ សិស្សានុសិស្ស យុវជនស្ម័កចិត្តកាកបាទក្រមកម្ពុជា តំណាងសាខាកាកបាទក្រហម ខេត្តឡុងវិញនៃប្រទេសវៀតណាមនិងសប្បុរសជនយ៉ាងច្រើនកុះក ។
ក្នុងពេលនោះកាកបាទក្រហមកម្ពុជា ទទួលបានថវិកាពីការចូលរួមចំណែក សកម្មភាពមនុស្សធម៌ របស់លោកឯកឧត្តម លោកជំទាវ លោក-លោកស្រីជាភ្ញៀវកិក្តិយស ជាបណ្តោះអាសន្នបានចំនួន៩៣៣០២៨ដុល្លា សម្រាប់ទ្រាំទ្រុង កាកបាទក្រហមកម្ពុជា យកទៅជួយសង្គ្រោះដល់ប្រជាពលរដ្ឋងាយរងគ្រោះ ដោយសារភ្លើងឆេះផ្ទះ ទឹកជំនន់ខ្សល់ព្យុះ អ្នកផ្ទុកមេរោគអេដស៍ កុមាកំព្រាំ ចាស់ជរា ជនរងគ្រោះដោយសារគ្រាប់មីនជាដើម ។
ជាចុងបញ្ចប់តាមរយៈ សកម្មភាពនានា របស់កាកបាទក្រហម កម្ពុជា សូមអំពាវនាវដល់សប្បុរសជនគ្រប់ទិសបន្តនូវការរួមចំណែក ផ្តល់ការគាំទ្រាំទាំងសម្ភារៈ ថវិកា កំលាំងកាយចិត្ត ដើម្បីជួយសង្គ្រោះដល់ជនងាយរងគ្រោះ ក្នុងសង្គមជាតិ និងពិភពលោកទាំងមូល ព្រមទាំងមានការបង្ហោះប៉េងបោងជានិមិត្តរូបផងដែរ ៕ 
