កំពង់ស្ពឺ៖ នៅរសៀលថ្ងៃទី ០៨ ខែតុលា ឆ្នាំ២០១៦ លោក វ៉ី សំណាង អភិបាលខេត្តកំពង់ស្ពឺបានប្រកាស ជូនដំណឹងដល់បងប្អូនប្រជាពលរដ្ឋដែលរស់នៅតំបន់មួយចំនួនដូចជា
ស្ទឹងក្រាំងពន្លៃ ខាងក្រោមទំនប់អូរខ្យា ចាន់ថ្នាល អូក្រាំងអំបិល ត្រូវយកទុកដាក់ទៅលើ ក្មេងៗ ចាស់ជរា និង សត្វពាហៈនៈ ឲ្យបានខ្ពស់បំផុត ។យោងតាមការបង្ហោៈពត៏មានក្នុងផេកហ្វេស្បុក ជាផ្លូវការរបស់អភិបាលខេត្តបានអំពាវនាដល់បងប្អូនប្រជាពលរដ្ឋថាសូមឲ្យមានការប្រុងប្រយត្ន័ខ្ពស់ ពីព្រោះពេលនេះទឹកបានហក់ខ្លាំង ដែលអាចបណ្តាលឲ្យមាននូវបញ្ហាផ្សេងៗ។
ជាងនេះទៅទៀត អាជ្ញាធរដែនដី ស្រុក ឃុំ ភូមិ ត្រូវតាមដានសភាការណ៏ទឹកនេះឲ្យបានជាប់ជាប្រចាំ ក្នុងករណីត្រូវសង្រ្គោះបន្ទាន់ ប្រញាប់រាយការណ៏មកខេត្ត ដើម្បីមានវិធានការ ៕
