កំពង់ធំៈ ខ្នងផ្ទះទី៥៣ ដែលជាអំណោយដ៏ថ្លៃថ្លារបស់សម្ដេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ប្រធានសមាគមអតីតយុទ្ធជនកម្ពុជា ប្រគល់ជូនលោក ញឹប ញន ជាអតីតយុទ្ធជនពិការ ក្នុងសមរភូមិ ក្នុងសម័យសង្រ្គាម ត្រូវបានប្រមុខរាជរដ្ឋាភិបាល យកចិត្តទុកដាក់ និងជាការតបស្នងសង គុណចំពោះអតីតយុទ្ធជនគ្រប់រូប ដែលមានគុណបំណាច់លើប្រទេសជាតិ ។
នៅព្រឹកថ្ងៃទី ១៨ ខែមករា ឆ្នាំ ២០១៨ ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការ សឹករងកំពង់ធំ បានដឹកនាំសហការី ចុះប្រគល់ផ្ទះមួយខ្នង ដែលជាអំណោយរបស់សម្តេចតេជោ ហ៊ុន សែន តាមរយះឯកឧត្តម នាយឧត្តមសេនីយ៍ គន់ គីម អគ្គលេខាធិការសមាគមអតីតយុទ្ធជនកម្ពុជា និងបានសាងសង់ដោយ ប្រធានសមាគមអតីតយុទ្ធជនខេត្តកំពង់ធំ ។
ឯកឧត្តម ឧត្តមសេនីយ៍ត្រី សោម ស៊ុន បានមានប្រសាសន៍ថា អតីតយុទ្ធជនពិការឈ្មោះ ញឹម ញន កន្លង មកធ្លាប់បំរើការនៅអង្គភាពយោធាស្រុកស្ទោង ខេត្តកំពង់ធំ ក្រោយមកក៏បានទទួលរងគ្រោះក្នុងសម័យសង្រ្គាម និងបានពិការ បច្ចុប្បន្នរស់នៅ ភូមិព្រះនង្គ័ល ឃុំចំណាក្រោម ស្រុកស្ទោង ខេត្តកំពង់ធំ ដោយឡែក អតីតយុទ្ធជនដែលកំពង់តែរស់នៅក្នុងភូមិសាស្រ្តខេត្តកំពង់ធំ គឺត្រូវបានយកចិត្តទុកដាក់គ្រប់រូប ហើយបាន បន្តសកម្មភាពចុះសិក្សាស្វែងយល់ ពីជីវភាពរស់របស់អតីតយុទ្ធជន ទោះជានៅឆ្ងាយដាច់ស្រយ៉ាលក៏ដោយ ក៏ក្រុមការងារសមាគមយើង គីតថាវាមិនមែនជាឧបស័គ្គនោះទេ សំខាន់គឺចុះជួយបានទាន់ពេលវេលា ដែលអតីតយុទ្ធជន ឬប្រជាពលរដ្ឋទីទាល់ក្រ កំពុងតែជួបការលំបាក ដោយយោងតាមការណៃនាំ និង ចង្អុលបង្ហាញរបស់ ឯកឧត្តម នាយឧត្តមសេនីយ៍ គន់ គីម ឲ្យយកចិត្តទុកដាក់បំផុតចំពោះអតីតយុទ្ធជន។
នៅក្នុងពិធីប្រគល់ផ្ទះថ្មីមួយខ្នង ដែលសាងសង់អំពីឈើ ប្រកស័ង្ខី ក្រាលក្តា មានទំហំ ៤ម៉ែត្រ x ៦ មែ៉ត្រ ត្រូវចំណាយថវិកាក្នុងការសាងសង់ អស់ទឹកប្រាក់ ៦,២៤០,០០០ ៛ (គិតទាំងឈ្នួលជាងផង) ក្រុមការងារសមាគមអតីតយុទ្ឋជនកម្ពុជា ខេត្តកំពង់ធំ បានឧបត្ថម្ភជូន អង្ករចំនួន ៥០ គីឡូក្រាម មីចំនួន៣ កេស ទឹកត្រីទឹកស៊ីអ៊ីវពីរយួរ ប៊ីចេង២កញ្ចប់ អាវរងាចំនួនបី សាប៊ូបោកខោអាវចំនួន២ កញ្ចប់ សាប៊ូដុសខ្លួនមួយដប និងថវិកាចំនួន១០០,០០០ ៛ ។
អាជ្ញាធរឃុំ និងប្រជាពលរដ្ឋ រួមទាំងលោក ញឹប ញន និងគ្រួសារ បានថ្លែងអំណរគុណ ចំពោះសម្តេចតេជោ ហ៊ុន សែន ដែលបានបង្កើតឲ្យមានប្រធានសមាគម សម្រាប់ជួយដល់អតីតយុទ្ធជន ដែលកំពុងតែជួបការ លំបាក និងខ្វះខាត និងសូមអគុណក្រុមការងារសមាគមអតីតយុទ្ធជន ខេត្តកំពង់ធំ ដែលជានិច្ចជាកាល បានគិតគូរពីជីវភាពរស់នៅរបស់អតីតយុទ្ធជន ។
ដោយ ប៊ុន រដ្ឋា