ទីបញ្ជាការតំបន់ប្រតិបត្រិការសឹករងកំពង់ឆ្នាំងបានបើកវគ្គហ្វឹកហ្វឺននិងបំប៉នពង្រឹងរៀបរយដល់នាយទាហានពលទា
ហានក្រោមអធិបតីភាពឯកឧត្ដម ឧត្ដម
សេនីយ៍ទោ ធន ធឿ
កំពង់ឆ្នាំង: ព្រឹកថ្ងៃព្រហស្បតិ៍ ១២កើត ខែពិសាខ ឆ្នាំច សំរឹទ្ធិស័ក ព.ស២៥៦១ ត្រូវនឹងថ្ងៃទី២៦ ខែមេសា ឆ្នាំ២០១៨ នៅទីបញ្ជាការតំបន់ប្រតិបត្រិការសឹករងកំពង់ឆ្នាំង បានបេីកវគ្គហ្វឹកហ្វឺន បំប៉នពង្រឹងរៀបរយ ដល់នាយទាហាន ពល
ទាហាន ក្រោមអធិបតីភាព ឯកឧត្តម ឧត្តមសេនីយ៍ទោ ធន ធឿន មេបញ្ជាការរងយោធភូមិភាគពិសេស មេបញ្ជាការតំបន់ប្រតិបត្តិការសឹករងកំពង់ឆ្នាំង ដែលមានការអញ្ជេីញចូលរួមពីលោកមេបញ្ជាការរង, លោកនាយសេនាធិការង, នាយ-នាយរងការិយាល័យ-ផ្នែកចំណុះ, មេបញ្ជាការ- មេបញ្ជាការរង វរសេនាតូចលេខ១, ផ្នែកសឹករងក្រុងស្រុកទាំង៨ រួមនឹងសិក្ខាកាម សរុបចំនួន ១២៥ នាក់។
បន្ទាប់ពីលោកឧត្តមសេនីយ៍ត្រី នូរ សំរិទ្ធិ មេបញ្ជាការរង និងជាប្រធានគណៈកម្មការគ្រប់គ្រងវគ្គហ្វឹកហ្វឺន អានរបាយការណ៍ និងផែនការហ្វឹកហ្វឺនបំប៉នពង្រឹងរៀបរយប្រចាំឆ្នាំ២០១៨ រួចមក ឯកឧត្តម មេបញ្ជាការ បានមានមតិសំណេះសំណាល និងបានមានប្រសាសន៍ទៅកាន់សមាជិកអង្គពិធីថា យេីងជាកងទ័ពត្រូវតែហ្វឹកហ្វឺនរៀនសូត្រឲ្យបានជាប់ជាប្រចាំ ទាំងយុទ្ធវិធីបច្ចេកទេស ទាំងការហ្វឹកហាត់ជាក់ស្តែងនៅលេីទីលាន, ការអប់រំរៀនសូត្រចិត្តសាស្រ្ត ព្រមទាំងកិច្ចការងារគ្រប់គ្រង និងការងាររដ្ឋបាល ធ្វេីយ៉ាងណា សម្រេចឲ្យបានតាមផែនការប្រចាំឆ្នាំហេីយឲ្យមានគុណភាព និងប្រសិទ្ធិភាព ពីព្រោះការងារហ្វឹកហ្វឺនរៀនសូត្រ គឺជាកិច្ចការងារចំបង របស់កងទ័ព ប្រសិនបេីយេីង មិនបានពង្រឹងនូវការងារទាំងអស់នេះទេ យេីងមិនអាចយកប្រៀបខ្លាំង ប្រៀបឈ្នះទៅលេីសត្រូវគ្រប់កាលៈទេសៈបាននោះទេ ។
ឯកឧត្តម បានមានប្រសាសន៍បន្ថែមទៀតថា យេីងជាកងទ័ព ត្រូវមានភាពស្មោះត្រង់ ចំពោះជាតិមាតុភូមិ ហេីយចូលរួមអនុវត្តន៍នូវបទបញ្ជាការពារជាតិ របស់រាជរដ្ឋាភិបាល របស់ក្រសួងការពារជាតិ កងទ័ពជេីងគោក យោភូមិភាគពិសេស ក៏ដូចជាគណៈបញ្ជាការឯកភាពរដ្ឋបាលខេត្ត និងចូលរួមអនុវត្តនូគោលនយោបាយភូមិឃុំមានសុវត្ថិភាព ពិសេសត្រូវរក្សាឲ្យបាននូវសុខសន្តិភាព ដែលយេីងកំពុងមាននៅពេលបច្ចុប្បន្ន ក្រោមការដឹកនាំដ៏ឈ្លាសវៃ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ។ យេីងដឹងហេីយថា ទម្រាំបានដូចសព្វថ្ងៃនេះ ប្រទេសជាតិយេីងបានឆ្លងកាត់នូវសង្រ្គាមដ៏រាំរ៉ៃ ធ្វេីឲ្យមនុស្សស្លាប់រាប់មិនអស់ និងពិការរហូត
ដល់សព្វថ្ងៃ ដូច្នេះយេីងត្រូវតែប្តេជ្ញារក្សាឲ្យបាន នូវសមិទ្ធិផលមួយនេះ ។