សៀមវាប សំណាងល្អក្នុងមួយពាន់គ្រោះថ្នាក់ សម្រាប់មហាជនដែលបានប្រើប្រាស់ ផ្លូវថ្នល់មួយខ្សែនេះ តែក៏បានធ្វើឲ្យអ្នកបើកបរ ព្រលឹងចុងសក់ ដោយសារតែ ការខ្វះចន្លោះនិងគ្មានការប្រុងប្រយ័ត្នរបស់តៃកុងឡាន និងបណ្តោយឲ្យប្រព័ន្ឋហ្វ្រាងខុសប្រកតី បង្ករឲ្យក្រឡាប់ផ្ងាពោះព្រោះតែដឹកធ្ងន់។
ហេតុការដែលមិនគិតទុកជាមុននេះ បានកើតឡើងនៅលើកំណាត់ផ្លូវជាតិលេខ៦ ដែលលាតសន្ធឹងពីក្រុង សៀមរាប ឆ្ពោះទៅខេត្តកំពង់ធំ រថយន្តសណ្តោងមួយគ្រឿង ដែលមានប្រវែងជាង១០ម៉ែត្រ បានប្រវ៉ាក់ និងរថយន្តមួយគ្រឿង ដែលកំពុងតែបើកបរ ក្នុងទិសដៅបញ្ជ្រាស់ទិសគ្នា តៃកុងរថយន្តបង្ករហេតុបានព្យាយាម ជាន់ហ្វ្រាងយ៉ាងខ្លាំងដើម្បីបន្ថយល្បឿន តែពុំត្រូវបានរថយន្តយក្យនេះទទួលបញ្ជានោះទេ ព្រោះហ្វ្រាងអត់ ញ៉ាំតែសំណាងល្អ គ្រោះថ្នាក់ចរាចរណ៍ មិនបង្ករឲ្យមានគ្រោះថ្នាក់ដ៏អ្នកដ៏ទៃនោះទេ ដោយសារតែចង្កូតរថយន្ត បាននាំរថយន្តទៅក្រឡាប់ក្បែរចិញ្ចើមផ្លូវ។
ហេតុការនេះបានកើតឡើងនៅវេលាម៉ោង ១២.៣០នាទី ថ្ងៃទី ២៩ ខែមិថុនា ឆ្នាំ ២០១៤ ក្រោយពីកើតហេតុ សមត្ថកិច្ចបាន ជួយធ្វើអន្តរាគមន៍ ដើម្បីឲ្យកកស្ទះចរាចរ ចំណែកតៃកុងរថយន្ត ដែលបណ្តែតបណ្តោយឲ្យ មានការក្រឡាប់រថយន្ត ដោយសារតែការធ្វេសប្រហែស ក្នុងការគ្រប់គ្រងបច្ចេកទេសយានយន្ត មហាជន បានសំណូមពរឲ្យ លោក សត ណាឌី ស្នងការនគរបាល ខេត្តសៀមរាប ធ្វើការអប់រំ ណែននាំដើម្បីចៀសវាងការកើតហេតុ បង្ករគ្រោះថ្នាក់ដល់អ្នកដ៏ទៃ។ ដោយ ប៊ុត សាម