ខេត្តព្រះសីហនុ ព្រឹកថ្ងៃទី២៩ ខែកក្កដា ឆ្នាម២០១៤ មន្ទីរទេសចរណ៌ខេត្តព្រះសីហនុបើកវគ្គបណ្តុះបណ្តាលគ្រូបង្គោលលើជំនាញ ស្តីពី បដិសណ្ឋាកិច្ច និងសុវត្ថិភាពចំណីអាហារ ជូនដល់ម្ចាស់ភោជនីយដ្ឋាន ផ្ទះសំណាក់ សណ្ឋាគារ អ្នកលក់ដូរនៅតាមឆ្មេរសមុទ្រ និងនិសិត្យសកលវិទ្យាល័យចូលរួមសរុបចំនួន ៦០នាក់ វគ្គនេះមានរយះពេល៣ថ្ងៃ គឺពីថ្ងៃទី២៩ ដល់ថ្ងៃទី៣១កក្កដា ឆ្នាំ២០១៤ ។ 
ក្រោមអធិបតីភាពឯកឧត្តម ឈិន សេងងួន អភិបាលរងខេត្តព្រះសីហនុ ។ លោក ឈិន សេងងួន បានមានប្រសាសន៌បើកវគ្គថា វគ្គបណ្តុះបណ្តាលគ្រូបង្គោលលើជំនាញ ពិតជានាំមកនូវបុព្វបទដ៌មានសារះប្រយោជន៌ ដើម្បីរួមចំណែកបង្កើនចំនួនភ្ញៀវទេសចរជាតិ និងអន្តរជាតិទៅតាមគោលដៅទេសចរណ៌សំខាន់ៗនិងទាក់ទាញការស្នាក់នៅឲ្យបានយូរ ដោយផ្តល់នូវភាពកក់ក្តៅ និងសេចក្តីស្រឡាញ់ពេញចិត្តដល់ភ្ញៀវទេសចរ សំដៅបង្កើនចំណូលដល់សេដ្ឋកិច្ចជាតិ ។
លោកបានបន្តទៀតថា ខេត្តព្រះសីហនុ ជាមជ្ឍមណ្ឌលតំបន់ឆ្មេរ កំពង់ផែសមុទ្រអន្តរជាតិ ជាច្រកសេដ្ឋកិច្ចដ៌សំខាន់នៃព្រះរាជាណាចក្រកម្ពុជា មានសក្តានុពលសេដ្ឋកិច្ចផ្នែកពាណិជ្ជកម្ម ឧស្សាហកម្ម ទេសចរណ៌ និងកសិកម្ម ។ រាជរដ្ឋាភិបាលបានចាត់ទុកខេត្ត ជាប៉ូលសំខាន់មួយ ក្នុងចំណោមប៉ូលទាំង៣នៃព្រះរាជាណាចក្រកម្ពុជា ដែលមានរាជធានីភ្នំពេញ សៀមរាប ។ លោកបានបញ្ជាក់ទៀតថា ខេត្តព្រះសីហនុ មានសក្តានុពលផ្នែកទេសចរណ៌ធម្មជាតិ ដែលមានឆ្មេរស្រស់ស្អាតប្រវែង១៧១.៦២គីឡូម៉ែត្រ មានកោះជាច្រើន មានឧទ្យានជាតិរាម រមណីយដ្ឋានទឹកធ្លាក់ រួមទាំងមានហេដ្ឋារចនាសម្ពន្ធ័រូបវន្ត័ផ្គត់ផ្គង់ និងប្រពន្ធ័គមនាគមន៌ដឹកជញ្ជូនផ្លូវគោក ផ្លូវទឹក ផ្លូវដែក និងផ្លូវអាកាសយ៉ាងល្អប្រសើរ ។ 
សក្តានុពលទាំងអស់នេះ ជាកត្តាដ៌សំខាន់ដែលបាននិងកំពុងទាក់ទាញភ្ញៀវទេសចរជាតិ និងអន្តរជាតិមកសំរាកកំសាន្តកាន់តែច្រើនឡើងជារៀងរាល់ឆ្នាំ ឆ្លើយតបទៅនឹងកំណើនភ្ញៀវទេសចរ គួរឲ្យគត់សម្គាល់រួមមាន សណ្ឋាគារ ផ្ទះសំណាក់ ប្រតិបត្តិករដឹកជញ្ជូន និងសម្បទាសេវាកម្មទេសចរណ៌ជាច្រើនទៀតកំពុងកើតឡើងជាលំដាប់ ។ ដូចនេះដើម្បីឲ្យវិស័យទេសចរណ៌កាន់តែរីកចំរើន យើងទាំងអស់គ្នាត្រូវយកចិត្តទុកដាក់ចំពោះបញ្ហាបដិសណ្ឋាកិច្ច និងអនាម័យចំណីអាហារ ធ្វើយ៉ាងណាឲ្យសមស្របទៅនឹងចលនាប្រឡងប្រណាំងរបស់ក្រសួងទេសចរណ៌ គឺទីក្រុងស្អាត រមណីយដ្ឋានស្អាត និងសេវាល្អ ។
លោក សេង ខា ប្រធានមន្ទីរទេសចរណ៌ខេត្តព្រះសីហនុ បានមានប្រសាសន៌ឲ្យដឹងថា វគ្គវបណ្តុះបណ្តាលគ្រូបង្គោល ស្តីពីបដិសណ្ឋាកិច្ច និងសុវត្ថិភាពចំណីអាហារមានគោលបំណង ដើម្បីឲ្យអ្នកប្រតិបត្តិករ ស្ថាប័នពាក់ពន្ធ័ក្នុងវិស័យទេសចរណ៌ ចូលរួមចំណែកអភិវឌ្ឍន៌ទេសចរណ៌ឲ្យកាន់តែរីកចំរើន និងក្លាយជាមាសបៃតងរបស់ប្រទេសកម្ពុជា ដើម្បីរួមចំណែកបង្កើនចំនួនភ្ញៀវទេសចរណ៌ជាតិ និងអន្តរជាតិនៅតាមតំបន់គោលដៅទេសចរណ៌ សំខាន់ៗនិងទាក់ទាញការស្នាក់នៅយូរ ដោយផ្តល់ភាពកក់ក្តៅ និងសេចក្តីពេញចិត្ត (សេវាកម្មល្អ និងចំណីអាហារមានសុវត្ថិភាព) ដល់ទេសចរ សំដៅបង្កើនចំណូលពីវិស័យទេសចរណ៌ដល់សេដ្ឋកិច្ចជាតិ និងកាត់បន្ថយភាពក្រីក្រប្រជាពលរដ្ឋ ហើយវិស័យទេសចរណគ្នានផ្សែងនេះ អាចរការងារធ្វើជូនប្រជាជនផងដែរ ៕
