បន្ទាយមានជ័យ ះ តើក្រុមហ៊ុនប្រមូលសំរាមមានភារកិច្ចធ្វើអ្វីបានជាទុកអោយសំរាមនៅរាយប៉ាយពេញត្រងរង្វងមូលច្រកទ្វារអន្តរជាតិប៉ោយប៉ែតដែលជាទីភ្ញៀវទេសចរណ៍គ្រប់ប្រភេទទស្សនារហូតនៅព្រឹកថ្ងៃទី៣០ខែកក្កដាឆ្នាំ២០១៤នេះ កម្លាំងនគរបាលនៃអធិការដ្ឋានក្រុងប៉ោយប៉ែតដឹកនាំដោយ លោក អនុសេនីយ៍ឯក សៅ សារឿន នាយផ្នែកចរាចរបានចុះធ្វើការរៀបចំសណ្តាប់ធ្នាប់និងបោសសំអាតធ្វើអនាម័យ
ជំនួសវិញ។ លោក សៅ សារឿន បានអោយដឹងថា ដោយឃើញមានស្ថានភាពសំរាមនៅរាយប៉ាយគ្មានសោភ័ណភាពនិងអនុវត្តតាមការចង្អុលបង្ហាញពីឯកឧត្តមស្នងការខេត្ត អាត់ ខែមបាននិងដឹកនាំបញ្ជារដោយ លោកអធិការក្រុង កម្លាំងនគរបាលប្រមាណជាង១០នាក់បានចុះធ្វើអនាម័យបោសសំអាត់សំរាមនិងរៀបចំសណ្តាប់ធ្នាប់នៅចំនុចរង្វង់មូលមុខច្រកចេញនៃភ្ញៀវទេសចរគ្រប់ប្រភេទរហូតដល់ចំនុចមុខធនាគារអេសុីលីដា។
លោកបន្តថា ក្រុងប៉ោយប៉ែតបច្ចុប្បន្នកំណើននៃភ្ញៀវទេសចរណ៍ដែលចេញចូលតាមច្រកទ្វារអន្តរជាតិមានការកើនឡើងជារៀងរាល់ថ្ងៃ ដ្ូច្នេះការបោសសំអាតសំរាមនិងបាញ់ទឹកលាងដីនៅចំនុចរង្វង់មូលតាមទីសាធារណះគឺដើម្បីកុំអោយក្រុងមួយនេះមានភាពស្មោគរោគមានសំរាមហើរពាស់វាលពាស់កាលពិសេសការចោល ការទុកដាក់សំរាមមិនបានសមរម្យជាហេតុធ្វើអោយប៉ះពាល់ដល់មុខមាត់ក្រុងនិងខេត្តនិងប៉ះពាល់ដល់សុខភាពប្រជាពលរដ្ឋទូទៅដោយបូករួមទាំងសុខភាពភ្ញៀវទេសចរណ៍ផងដែរ។
ជាមួយនិងបោសសំអាតកម្លាំងក៏បានធ្វើការរៀបចំរបៀបរបបសណ្តាប់ធ្នាប់នៃការលក់ដូរ ការចតយានយន្តគ្រប់ប្រភេទដើម្បីកុំអោយមានការកកស្ទះលើដងផ្លូវសំរួលដល់ការធ្វើចរាចរណ៍របស់ភ្ញៀវជាតិ អន្តរជាតិ។ ជុំវិញសកម្មភាពនេះប្រជាពលរដ្ឋនៅក្នុងប៉ោយប៉ែតបានសាទរនិងចំនាត់ការរបស់លោកស្នងការខេត្តដែលបានចាត់អោយមន្ត្រីរបស់ខ្លួនចុះធ្វើអនាម័យនិងរៀបចំសណ្តាប់ធ្នាប់បែបនេះមិនថាតែក្រុងប៉ោយប៉ែតទេគឺអធិការស្ទើគ្រប់ស្រុកក្រុងបានចុះធ្វលអនាម័យគ្រប់កន្លែង។
ជាមួយនិងសកម្មភាពនេះក៍មានការិះគុណពីសំណាក់ប្រជាពលរដ្ឋថាអាជ្ញាធរក្រុងប៉ោយប៉ែតមិនបានគិតគូរដល់មុខមាត់ក្រុងរបស់ខ្លួនទេកន្លងមកដោយទុកអោយសំរាមនៅចំនុចរង្វង់មូលស្ថិតនៅពាស់វាលពាស់កាលគ្មានការទុកដាក់ក្នុងធុងសំរាមបានត្រឹមត្រូវ ។ដោយទ្បែកក្រុមហ៊ុនប្រមូលសំរាមវិញគឺមិនខ្វលអ្វីទ្បើយគិតតែចងទ្បើងថ្លៃឯសំរាមមិនប្រមូលទោះបីជាមានការព្រមានពីអាជ្ញាធរដក់អាជ្ញាប័ណ្ណយ៉ាងណាក៍ដោយ៕
