សៀមរាប : កិច្ចប្រជុំខាងលើត្រូវបានរៀបចំធ្វើឡើងកាលព្រឹកថ្ងៃទី១៨ខែសីហាឆ្នាំ២០១៤នេះនៅស្នងការដ្ឋាននគរបាលខេត្តសៀមរាបក្រោមវត្តមានលោក ឩត្តមសេនីយ៍ត្រី ញ៉ឹក កែវ ស្នងការរងនិងជាប្រធានការិយាល័យកណ្តាលសន្តិសុខ នៃ ស្នងការដ្ឋាននគរបាលខេត្តសៀមរាប ។ មានប្រសាសន៍ក្នុងកិច្ចប្រជុំនាឱកាសនោះលោក ឩត្តមសេនីយ៍ត្រី ញ៉ឹក កែវ បានបញ្ជាក់ថាកិច្ចប្រជុំនេះគឺយើងធ្វើឡើងដើម្បីចង់ដឹងនិងស្តាប់ការរាយការណ៍តាមបណ្តាអស់លោកជានាយ នាយរង ការិយាល័យជំនាញនិងអស់លោកជាអធិការរងនៃអធិការដ្ឋាននគរបាលក្រុងស្រុកទាំង១២ចំណុះស្នងការដ្ឋាននគរបាលខេត្តសៀមរាប ។
ដើម្បីរិះរកអោយឃើញនូវចំណុចខ្លាំងនិងចំណុចខ្សោយ ក្នុងការបំពេញនូវតួនាទីភារះកិច្ចស្នូលរបស់ខ្លួនជាកងកម្លាំងក្នុង ការ ការពារថែរក្សា សនិ្តសុខ សុខវត្ថិភាព និង សណ្តាប់ធ្នាប់សង្គមជូនថ្នាក់ដឹកនាំនិងប្រជាពលរដ្ឋក្នុងខេត្តសៀមរាបឲ្យកាន់តែមានសុវត្ថិភាពថ្វេរដង ។ដោយ លោក ឩត្តមសេនីយ៍ត្រី ញ៉ឹក កែវ ស្នងការរងនិងជាប្រធានការិយាល័យកណ្តាលសន្តិសុខ នៃ ស្នងការដ្ឋាននគរបាលខេត្តសៀមរាប បានបន្ត
ប្រសាសន៍កោតសរសើរនិងធ្វើការផ្តាំផ្ញើរដល់អស់លោកជានគរបាលទទួលបន្ទុកសន្តិសុខទាំងអស់ចំណុះស្នងការដ្ឋាននគរបាលខេត្តសៀមរាបឲ្យខិតខំយកចិត្តទុកដាក់បំពេញនូវតួនាទីភារះកិច្ចស្នូលរបស់ខ្លួនបន្ថែមទៀតពិសេសគឺរក្សា ឲ្យបាននូវសាមគ្គីភាពផ្ទៃក្នុងទើបយើងអាចសម្រេចបាននូវកិច្ចការដែលថ្នាក់លើប្រគល់ជូនឲ្យស្របទៅនិងការអនុវត្តនូវគោលនយោបាយភូមិឃុំមានសុវត្ថិភាពឲ្យកាន់តែទទួលបាននូវប្រសិទ្ធភាពខ្ពស់ ៕ លោក ខេង ខេមរា
