ឧត្តរមានជ័យ: នៅថ្ងៃទី១៩ ខែមករា ឆ្នាំ២០២២ ក្រុមការងាររដ្ឋបាលព្រៃឈើឧត្តរមានជ័យដឹកនាំដោយលោកស៊ុំ ស៊ីថា នាយរងផ្នែករដ្ឋបាលព្រៃឈើសំរោង សហការជាមួយក្រុមការងាររដ្ឋបាលខេត្តឧត្តរមានជ័យ អាជ្ញាធរមូលដ្ឋាន និងក្រុមហ៊ុន សាន ហ៊ាង បានចុះទៅពិនិត្យ និងទទួលដីពីប្រជាពលរដ្ឋ ចំនួន០៤គ្រួសារ មាន: ទី១-ឈ្មោះ ញិប ឡាក់ ភេទប្រុស ទី២-ឈ្មោះ វៃ បារាំង ភេទប្រុស ទី៣-ឈ្មោះយិប ផា ភេទស្រី និងទី៤-ឈ្មោះសំអាន ចំណាន ភេទប្រុស 
ដែលបានអាស្រ័យផលនៅលើដីរបស់រដ្ឋហើយស្ម័គ្រចិត្តប្រគល់ដីនោះជូនរដ្ឋវិញ ដោយឥតលក្ខខណ្ឌ។ផ្ទៃដីដែលប្រជាពលរដ្ឋទាំង៤គ្រួសារបានប្រគល់ជូនរដ្ឋវិញនោះសរុបមានចំនួន៣៨,៧៨ ហិកតា នៅចំណុចអូរដងឬស្សីស្លាប់ ក្នុងដីស្ថានីយ៍ផ្សព្វផ្សាយ និងស្តាព្រៃឈើសំរោង-កូនក្រៀល ស្ថិតក្នុងភូមិពុរ សង្កាត់សំរោង ក្រុងសំរោង ខេត្តឧត្តរមានជ័យ៕ដោយ:ចាន់ ធី
