ខេត្តកំពង់ធំ:មានករណីគ្រោះថ្នាក់ចរាចរណ៍មួយបានកើតឡើង បណ្តាលឲ្យមានមនុស្សស្លាប់ រវាងរថយន្តនិងម៉ូតូរ៉ឺម៉ក កាលពីថ្ងៃទី18ខែមេសាឆ្នាំ2023កន្លងមកនេះ នៅត្រង់ចំណុច.រង្វង់មូលតោ៨ ស្ថិតនៅក្នុងសង្កាត់អាចារ្យលាក់.ក្រុងស្ទឹងសែនខេត្តកំពង់ធំកាលពីវេលាម៉ោងប្រមាណ១១ជាង។
យោងតាមប្រភពព័ត៌មានបានឲ្យដឹងថា.ជនរងគ្រោះដែលបានស្លាប់ក្នុងហេតុការណ៍គ្រោះថ្នាក់ចរាចរណ៍នេះ.មានឈ្មោះ យ៉ុង សៀង ភេទប្រុសអាយុ៤១ឆ្នាំ មានមុខរបរជា មេជាងសំណង់ បច្ចុប្បន្នរស់នៅ.ភូមិស្វាយឃ្លោក. ឃុំព្រៃគុយ ស្រុកកំពង់ស្វាយខេត្តកំពង់ធំ។
តាមស្រាវជ្រាវបឋម បានឲ្យដឹងថា.ករណីគ្រោះថ្នាក់ចរាចរណ៍នេះ បណ្តាលមកពី ជនរងគ្រោះបើកបររ៉ឺម៉កម៉ូតូ.មកដល់ចំណុចកើតហេតុ.ស្រាប់តែបែកកង់ម៉ូតូ ហើយរ៉េចង្កូតទៅបុកឡាន ដោយចូលទៅខាងផ្លូវអតិភាពរបស់ រថយន្ត ខណៈពេលកំពុងបើកក្នុងល្បឿនមធ្យម បណ្តាលឲ្យបុកស្លាប់តែម្តង។
លោក ហម ហុន បានឱ្យដឹងតាមទូរស័ព្ទថា នេះមិនមែនជាកំហុស ខាងរថយន្តនោះទេ គឺដោយសារតែ រ៉ឺម៉កម៉ូតូរ៉េចង្កូតមកបុកឡាន ហើយថែមចូលមកគំនូសខាងផ្លូវអតិភាពរថយន្តទៀត តែដោយហេតុ គ្រោះថ្នាក់ចរាចរណ៍.បានធ្វើឲ្យបាត់បង់ជីវិត នោះក្នុងនាម មនោសញ្ចេតនា ជួយដល់គ្រោះសារជនរងគ្រោះ លោកបានជួយបុណ្យសព ១០លានរៀល សម្រាប់ប្រារព្ធពិធីបុណ្យសព។
សូមបញ្ជាក់ថា.ក្រោយពីកើតហេតុ.សមត្ថកិច្ចបានធ្វើការ វាស់វែង.ដើម្បីដោះស្រាយតាម នីតិវិធីចំណែកសាកសព.ត្រូវបានប្រគល់ជូនគ្រួសារសាច់ញាតិទទួលយកទៅធ្វើបុណ្យតាមប្រពៃណី៕ ដោយប៊ុនរដ្ឋា