ខេត្តកំពង់ធំ.ជាការពិតណាស់.សម្ដេចតេជោហ៊ុនសែន.នាយករដ្ឋមន្រ្តី នៃព្រះរាជាណាចក្រកម្ពុជា បានគិតគូរ ពីសុខ សុវត្ថិភាពរបស់ប្រជាពលរដ្ឋ.ព្យាយាមដាក់ បទបញ្ជាយ៉ាងតឹងរ៉ឹងបំផុត.ឲ្យសមត្ថកិច្ចមូលដ្ឋាន.រាជធានី.ខេត្តក្រុងចូលរួមលុបបំបាត់ចូល កុំឲ្យមានល្បែងស៊ីសងជាដាច់ខាត ដើម្បីអនុវត្តឲ្យបាននូវគោលនយោបាយភូមិឃុំមានសុវត្ថិភាព។
តែគួរឲ្យសោកស្តាយបំផុត ចំពោះអនុសាសន៍ដ៏ខ្ពង់ខ្ពស់របស់សម្តេចអគ្គមហាសេនាបតីតេជោហ៊ុនសែន.ពុំត្រូវបានសមត្ថកិច្ច ខេត្តកំពង់ធំអនុវត្តនោះឡើយ មិនតែប៉ុណ្ណោះបែជា មិនខ្វល់ខ្វយនឹងល្បែងស៊ីសង ដែលកំពុងបង្វក់ ស្មារតីក្រុមអ្នកញៀនល្បែង ឲ្យចូលលេងជាចំហរទៅវិញ។
បនល្បែងស៊ីសងដ៏កក្រើកខេត្តកំពង់ធំ កំពុងមានការចាប់អារម្មណ៍ ពីសំណាក់អ្នកញៀនល្បែង.ស្កាត់មកគ្រប់ទិសទី ដើម្បីនាំលុយមកលេងក្នុងដើមផាន់រាប់រយលានរៀល និងរាប់ម៉ឺនដុល្លា ស្ថិតនៅផ្លូវវាងក្រុង200ម ចូលវត្តត្រពាំប្រលិត សង្កាត់ព្រៃតាហ៊ូ.ក្រុងស្ទឹងសែន ខេត្តកំពង់ធំ ដែលមានម្ចាស់បនល្បែងឈ្មោះមុំ ជាអ្នកចំណូលថ្មី និងម្ចាស់ផ្ទះឈ្មោះ គឿន ប្រពន្ធឈ្មោះលូត.បានផ្តល់ទីតាំងឲ្យចែមុំ ដែលជា បនល្បែង បើកអជីវកម្មល្បែងស៊ីសងខុសច្បាប់ ដោយមិនរំខានដល់សមត្ថកិច្ចឡើយ។
និងសូមបញ្ជាក់ផងដែរថា បនល្បែងស៊ីសងទាំងនេះ ស្ថិតក្រោមការគ្រប់គ្រងរបស់លោក អធិការក្រុងស្ទឹងសែន.តែលោកពុំមានសមត្ថភាពក្នុងការបង្រ្កាបនោះឡើយ ចំពោះល្បែងស៊ីសងដូចជាអាប៉ោង និងខ្លាឃ្លោក កំពុងតែធ្វើសកម្មភាពនៅផ្ទះលោកគឿន និងចែលូតនេះ ធ្វើឲ្យមានមហាជន ដាក់ការសង្ស័យថា ប្រហែលជា លោកអធិការដឹងដែរ តែមិនហ៊ានបង្រ្កាប ដោយសារហួសសមត្ថភាព។
ប្រជាពលរដ្ឋ បានទទូចដល់លោក ងួន រតនះ អភិបាលខេត្តកំពង់ធំ.និងជាប្រធានគណះបញ្ជាការឯកភាពរដ្ឋបាលខេត្ត និងលោក ម៉ែន លី.ស្នងការដ្ឋាននគរបាលខេត្តកំពង់ធំមេត្តាជួយលុបបំបាត់ល្បែងស៊ីសងទាំងនេះផង ដើម្បីផ្តល់ភាពសុខសាន្តដល់ប្រជាជន ក៏ដូចជាចូលរួមអនុវត្តគោលនយោបាយភូមិឃុំមានសុវត្ថិភាពទាំង7ចំនុចផងដែរ៕