ខេត្តបន្ទាយមានជ័យ៖កម្លាំងនគរបាលប្រឆាំងគ្រឿងញៀននៃស្នងការដ្ឋាននគរបាលខេត្តបន្ទាយមានជ័យ បានឆ្នក់ចាប់ខ្លួនជនសង្ស័យ មុខសញ្ញាជួយញដូរគ្រឿងញៀនប្រុសស្រី៤នាក់ ខណះពួកគេកំពុងធ្វើសកម្មភាព ចរាចរណ៍ថ្នាំញៀនឲ្យម៉ូយនៅ ក្នុងភូមិសាស្ត្រីក្រុងប៉ោយប៉ែត កាលពីវេលា
ម៉ោង៥ល្ងាច ថ្ងៃទី១៨ ខែធ្នូ ឆ្នាំ២០១៤ លើកំណាត់ផ្លូវលំមួយកន្លែង ក្រោយវត្តមុងចិន ក្នុងភូមិគីឡូម៉ែត៤ សង្កាត់ផ្សារកណ្តាល។
លោក ធិន ស៊ិនដេត នាយការិយាល័យនគរបាលប្រឆាំងគ្រឿងញៀនបានឲ្យដឹងនៅថ្ងៃទី១៨ ខែធ្នូ ឆ្នាំ២០១៤នេះ ថាជនសង្ស័យទាំង៤នាក់ដែលសមត្ថកិច្ចចាប់ខ្លួនរួមមាន រួមមានទី១ ឈ្មោះហុក ស្រៀង ភេទប្រុស អាយុ៤៣ឆ្នាំ មុខរបររត់ម៉ូតូឌុប មានស្រុកកំណើត នៅ ភូមិសោប ឃុំសោប ស្រុកព្រែកប្រសព្វ ខេត្ដក្រចេះ ហើយបច្ចុប្បន្នស្នាក់នៅភូមិ បាលិលេយ្យ២ សង្កាត់-ក្រុង ប៉ោយប៉ែត ។
ទី២ ឈ្មោះសំ សុផាត ហៅរ៉ា ភេទប្រុស អាយុ៣១ឆ្នាំ មុខ របរបុគ្គលិកកាស៊ីណូ ស្រុកកំណើតនៅខេត្ដ កំពង់ស្ពឺ ហើយបច្ចុប្បន្នរស់នៅភូមិអូរអំបិល សង្កាត់អូរអំបិល ក្រុងសេរីសោភ័ណ្ឌ ទី៣ ឈ្មោះវិន ម៉ាឡា ភេទស្រី អាយុ២៦ឆ្នាំ មុខ របរជានារីបម្រើនៅខារ៉ាអូខេ ប៉ោយ ប៉ែតផាស មានស្រុកកំណើត នៅភូមិចង្ហា ឃុំចង្ហា ស្រុកអូរជ្រៅ ហើយបច្ចុប្បន្នស្នាក់នៅក្រុងប៉ោយប៉ែត និងទី៤ ឈ្មោះរត្ន័ បញ្ញា ភេទស្រី អាយុ១៧ឆ្នាំ មុខរបរនារីបម្រើនៅខារ៉ាអូខេ CVR ស្រុកកំណើតនៅភូមិ ឃុំចង្ហា ស្រុកអូរជ្រៅ ហើយបច្ចុប្បន្នស្នាក់នៅក្រុង ប៉ោយប៉ែត ។និងដកហូតថ្នាំញៀនទាំង៣៨កញ្ចប់ កម្លាំងសមត្ថកិច្ច ក៏បានដកហូត ទូរស័ព្ទដៃ ចំនួន៥គ្រឿង និងឧបករណ៍សម្រាប់ជក់គ្រឿងញៀនមួយចំនួនផងដែរ។
លោក ធិន ស៊ិនដេត បានបន្តថា ប្រតិបត្តិការបង្ក្រាបនេះគឺធ្វើឡើងក្រោយពីសមត្ថកិច្ចយើងទទួលបាន ពត៌មានថា មុខសញ្ញាបានធ្វើសកម្មភាពនៅគោលដៅខាងលើ ទើបក្រោយស្រាវជ្រាវក៏ឈានដល់ការ ចាប់ខ្លួនពួកគេជាបន្តបន្ទាប់យកមកសួរនាំ។តាមបញ្ជា្ របស់លោក អាត់ ខែម ស្នងការនគរបាលខេត្ត និងលោក ផាន់ ភីរម្យ ព្រះរាជអាជ្ញារងអមសាលាដំបូងខេត្តបន្ទាយមានជ័យ។
បច្ចប្បន្នជសសង្ស័យទាំង៤នាក់ និងវត្ថុតាងថ្នាំញៀន ត្រូវបាននគរបាលឃុំខ្លួនបណ្តោះអាសន្នដើម្បី សួរនាំ និងកសាងសំណុំរឿងបញ្ជូនទៅតុលាការចាត់ការតាមច្បាប់៕
