ក្រុមអ្នកប្រើប្រាស់គ្រឿងញៀនចំនួន៧នាក់ត្រូវបានកម្លាំងស្នងការនគរបាលខេត្តព្រះវិហារដឹកនាំដោយលោកឧត្តមសេនីយ៍ត្រី ស៊ី គីរី និង មន្ត្រីក្រោមឱ្យវាទរបស់លោកបើកប្រតិបត្តិការឡោមព័ទ្ធហើយឈានទៅធ្វើការចាប់ខ្លួនរួមទាំងដកហូតថ្នាំញៀនចំនួន១៦កញ្ចប់តូច ជាវត្ថុតាងបញ្ជូនមកសមត្ថកិច្ចនគរបាលក្រុងព្រះវិហារដែលមានលោក វរៈសេនីយ៍ទោ គង់ គា
អធិការដ្ឋាននគបាលក្រុងព្រះវិហារ ដើម្បីធ្វើការសាកសួរនិង ចងក្រងសំណុំរឿង បញ្ជូនទៅតុលាការខេត្តចាត់ការបន្ត ។ ប្រតិបត្តិការចុះ ឃាត់ខ្លូនអ្នកប្រើប្រាស់គ្រឿងញៀនទាំង៧នាក់នេះ បានធ្វើឡើងនៅរសៀលម៉ោង ៣.៤៥នាទី ថ្ងៃទី ២៧ ខែ មករា ឆ្នាំ ២០១៥ កន្លងទៅនេះស្ថិតនៅក្នុងផ្ទះជួលមួយកន្លែងក្នុងភូមិឡឥដ្ឋ សង្កាត់កំពង់ប្រណាក ក្រុងព្រះវិហារ ខេត្តព្រះវិហារ ។
លោកឧត្តមសេនីយ៍ត្រី ស៊ី គីរី ស្នងការនគរបាលខេត្តព្រះវិហារ បានឱ្យដឹងថា សមត្ថកិច្ចបានបើកធ្វើការឡោមព័ទ្ធលំនៅស្ថានផ្ទះជួលមួយកន្លែងខាងលើ ហើយឈានទៅធ្វើការឃាត់ខ្លួន ជនសង្ស័យចំនួន ៧នាក់ក្នុងនោះ ប្រុស ៦នាក់ និង ស្រីម្នាក់ ដែលជាអ្នកប្រើប្រាស់គ្រឿងញៀន ហើយសកម្មភាពចុះបង្ក្រាបនេះយើងបានដាក់កម្លាំងតាមដានជាយូរមកហើយទើបសមត្ថកិច្ចឈានទៅបង្ក្រាបបានដោយជោគជ័យ។
លោកវិរៈសេនីយ៍ទោ គង់ គា អធិការដ្ឋាននគបាលក្រុងព្រះវិហារបានឱ្យដឹងថា ក្រុមអ្នកប្រើប្រាស់គ្រឿងញៀន ប្រុស ៦នាក់ និង ស្រី១នាក់ដែលបានឃាត់ខ្លួននាពេលនេះ ព្រមទាំងដកហូតម៉ូតូបាន ចំនួន ៣គ្រឿង ទូរស័ព្ទដៃ ចំនួន ៨គ្រឿង ថ្នាំញៀន ប្រភេទ មេតំហ្វេតាមីន ហៅម៉ាទឹកកក ចំនួន ១៦កញ្ចប់តូច ដែលមិនទាន់ប្រើប្រាស់ និង ១២ កញ្ចប់តូចទៀតដែលបានប្រើប្រាស់រួចហើយ ថវិកាមួយចំនួន និង ឧបករណ៍ប្រើប្រាស់គ្រឿងញៀនមួយចំនួនទៀតផងដែរ ។លោកអធិការដ្ឋាននគរបាលក្រុងបានបន្តរថា ក្រុមអ្នកប្រើប្រាស់គ្រឿងញៀនទាំងនេះរួមមានឈ្មោះ ដូចខាងក្រោម ១ លីន ដារ៉ាអែនឌី ភេទប្រុសអាយុ ១៨ឆ្នាំ ២ ហេង ភ័ក្រនាត ភេទប្រុស អាយុ១៥ឆ្នាំ ៣ រី យ៉ុងឈឺ ភេទប្រុស អាយុ ១៧ឆ្នាំ ៤. ថោ សុភារុណអាយុ ១៨ឆ្នាំ រស់នៅភូមិកណ្តាលសង្កាត់កំពង់ប្រណាក ក្រុងព្រះវិហារ ខេត្តព្រះវិហារ ៥ ស៊ុយ ចំណាត់ អាយុ ១៧ឆ្នាំ រស់នៅភូមិ ដំណាក់ សង្កាត់គំពង់ប្រណាក ក្រុងព្រះវិហារ ខេត្តព្រះវិហារ អ្នកទាំង៥នាក់ ជាសិស្សវិទ្យាល័យជាស៊ីមត្បែងមានជ័យ ទី៦ ឈ្មោះ ណាល់ វណ្ណេត ភេទប្រុស អាយុ ១៨ឆ្នាំជាកសិករដាំម្រេច រស់នៅភូមិ ហ្មរសែត សង្កាត់ប៉ាលហាល ក្រុងព្រះវិហារ
ខេត្តព្រះវិហារ និង ទី ៧ ឈ្មោះ ព្រំ លីហួយ ភេទស្រី អាយុ ១៧ ឆ្នាំ មុខរបរមិនពិតប្រាកដ រស់នៅភូមិ ថ្មី សង្កាត់កំពង់ប្រណាក ក្រុងព្រះវិហារ ។ ក្រោយពីធ្វើការឃាត់ខ្លួន សមត្ថកិច្ចកំពុងកសាងសំណុំរឿង បញ្ជូន ជនសង្ស័យទាំង ៧នាក់ ខាងលើ រួមទាំងវត្ថុតាង ទៅសាលាដំបូងខេត្ត ដើម្បីចាត់ការបន្តរ ។
