ភ្នំពេញ៖ បុរសម្នាក់ជិះម៉ូតូម៉ាកហងុដាឌ្រីមសេ១២៥មួយគ្រឿងក្នុងស្ថានភាពស្រវឹងក្នុងល្បឿនលឿននៅលើបណ្តោយផ្លូវបេតុងវេងស្រេងលុះមកដល់ចំណុចកើតហេតុដោយនៅលើផ្លូវមានរបាំងថ្មការដ្ឋានសាងសង់ផ្លូវដាក់សម្រាប់ហាមរថយន្តធន់ធំបើកចេញចូលខណះនោះបុរសស្រវឹងនោះក៏ជិះទៅបុកចំពេញទំហឹងបណ្តាលឱ្យប៉ើងហោះ១០មែត្ររងរបួសធ្ងន់បែកមុខបែកមាត់ដេកស្តូកនៅនិងកន្លែង។ ហេតុការណ៍នេះបានកើតឡើងកាលពីវេលាម៉ោង០៧និង៤០នាទីយប់ ថ្ងៃទី៣ ខែមីនា ឆ្នាំ២០១៥ នៅលើបណ្តោយផ្លូវបេតុងវេងស្រេង ស្ថិតក្នុងសង្កាត់ចោមចៅ ខណ្ឌពោធិ៍សែនជ័យ។
ប្រភពពត៌មានពីកន្លែងកើតហេតុបានឱ្យដឹងថានៅពេលកើតហេតុគេបានឃើញបុរសម្នាក់ជិះម៉ូតូម៉ាកហុងដាឌ្រីមសេ១២៥មួយគ្រឿងពណ៌ខ្មៅពាក់ស្លាកលេខភ្នំពេញ 1AO-6225 តាមបណ្តោយផ្លូវ បរតុងវេងស្រេងក្នុងទិសដៅពីត្បូងទៅជើងជិះក្នុងល្បឿនលឿនលុះមកដល់ចំណុចកើតហេតុ ដោយសារតែនៅក្នុងខ្លួនបុរសនោះមានផ្ទុកជាតិស្រវឹងផងក៏ជិះទៅបុកនិងរបាំងថ្មដែលការដ្ឋាន សាងសង់ផ្លូវដាក់សម្រាប់ហាមរថយន្តធន់ធំបើកចេញចូលនៅលើផ្លូវនេះបុកចំពេញទំហឹងបណ្តាលឱ្យបុរសនោះប៉ើងហោះ១០មែត្ររងរបួសធ្ងន់បែកមុខបែកមាត់ដេកសន្លប់ស្តូកនៅនិងកន្លែង។
ក្រោយពេលកើតហេតុបុរសស្រវឹងនោះត្រូវបានបងប្អូនហៅរ៉ឺម៉កកង់បីដឹកយកទៅសង្គ្រោះនៅ មន្ទីរពេទ្យខណះនោះសមត្ថកិច្ចបានមកដល់បានធ្វើការត្រួតពិនិត្យថាបុរសនោះជិះដួលដោយខ្លួនឯងមិនបានបង្កអោយមាននរណាម្នាក់រងរបួសនោះឡើយក៏សម្រចចិត្តប្រគល់ម៉ូតូទៅអោយបងប្អូនរបស់បុរសនោះយកទៅផ្ទះវិញ៕
