ខេត្តរតនគិរីៈ ម៉ូតូឌ្រីមសង់បុកជាមួយម៉ូតូស្កុបពី បណ្តាលអោយរបួសធ្ងន់ទាំងសងខាង ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៧និង៤០នាទីយប់ ថ្ងៃទី៤ ខែមិនា ឆ្នាំ២០១៥ស្ថិតក្នុងភូមិជ័យជំនៈ សង្កាត់ឡាបានសៀក ក្រុងបានលុង ខេត្តរតនគិរី ។ភ្លាមៗនោះដែរសមត្ថកិច្ចមូលដ្ឋាន និងប្រជាពលរដ្ឋ បញ្ជូនជនរងគ្រោះទៅមន្ទីរពេទ្យបង្អែកខេត្តរតនគិរី ។
សាក្សីក្បែរកន្លែងកើតហេតុប្រាប់ឲ្យដឹងថាពួកគាត់បានឃើញម៉ូតូឌ្រីមសង់ធ្វើដំណើរពីជើងទៅត្បូង ម៉ូតូស្កុបពីធ្វើដំណើរពីត្បូងមកជើងក្នុងទិដៅបញ្ច្រាស់ទិសគ្នាមកដល់ចំណុចកើតហេតុខាងលើក៏បុកគ្នាពេញទំហឹងតែម្តង។
សមត្ថកិច្ចមូលដ្ឋានប្រាប់ឲ្យដឹងថាអ្នកជិះម៉ូតូឌ្រីមសង់ ពណ៌ខ្មៅ ពាក់ស្លាកលេខភ្នំពេញ 1BH-7097 អ្នកបើកបរឈ្មោះ ថន កុសល ភេទប្រុស អាយុ២៥ឆ្នាំ ជនជាតិខ្មែរ មានទីលំនៅភូមិ២ សង្កាត់កាចាញ ក្រុងបានលុង ខេត្តរតនគិរី មានមុខរបរជាកសិករ បុកជាមួយម៉ូតូស្កុបពី ពណ៌ស ពាក់លេខ រតនគិរី1B-0987 អ្នកបើកបរឈ្មោះ ជួ គីមឡុង ភេទស្រី អាយុ៣២ឆ្នាំ ជនជាតិខ្មែរមុខរបរអាជីវករលក់គ្រឿងសង្ហារឹម នៅក្នុងភូមិឃុំកើតហេតុខាងលើ។
សមត្ថកិច្ចមូលដ្ឋានប្រាប់បន្តទៀតថាករណីគ្រោះថ្នាក់ចរាចរណ៍នេះបណ្តាលមកពីស្ត្រីជិះម៉ូតូស្កុបពីខាងលើបត់ចូលផ្ទះមិនក្រលេកមើលក្រោយដោយខ្វះការប្រុងប្រយ័ត្ន ខណៈពេលដែលអ្នកជិះម៉ូតូឌ្រីមសង់ជិះក្នុងល្បឿនលឿនជាន់ហ្វ្រាំងមិនទាន់ក៏បុកពេញទំហឹងតែម្តង បណ្តាលអោយដួលបោកក្បាលទៅលើថ្នល់សន្លប់ទាំងសងខាង។ ក្រោយពីធ្វើការវាស់វែងរួចវត្ថុតាងម៉ូតទាំង២គ្រឿងយកទៅរក្សាទុកនៅស្នងការនគរបាលខេត្ត ដើម្បីរងចាំធ្វើការដោះស្រាយនៅពេលក្រោយ។ គូរបញ្ជាក់ផងដែរ នៅថ្ងៃដដែលទី០៤ ខែមិនា ឆ្នាំ២០១៥ ដោយសារស្ថានភាពស្ត្រីជិះម៉ូតូស្កុបពីមានសភាពធ្ងន់ធ្ងរត្រូវបានក្រុមគ្រួសារបញ្ជូនទៅសម្រាកព្យាបាលនៅមន្ទីរពេទ្យប្រទេសវៀតណាមផងដែរ៕