ក្រចេះ ៖ ជនសង្ស័យចំនួន៥នាក់ក្នុងចំណោមបក្សពួកគេ៧ត្រូវបានកម្លាំងអធិការដ្ឋានស្រុកឆ្លូង ចាប់ឃាត់បានកាលពីព្រឹកថ្ងៃទី១៧ ខែកក្តដា ឆ្នាំ២០១៥នេះ នៅចំណុចកំពង់ឈើទាល ភូមិរលៀក ឃុំកំពង់ដំរី ស្រុកឆ្លូង ខេត្តក្រចេះ ។កាចាប់ខ្លួនជនសង្ស័យទាំង៥នាក់ខាងលើនេះ ធ្វើឡើងបន្ទាប់ពីពួកគេបានធ្វើសកម្មភាពវាយតាប់ និងចាក់គ្នាបណ្តាលអោយជនរងគ្រោះម្នាក់ស្លាប់ខណះកំពង់បញ្ជូនទៅសង្គ្រោះនៅមន្ទីពេទ្យបង្អែកខេត្ត ។មន្ត្រីនគរបាលនៃអធិការរដ្ឋាននគរបាលស្រុកឆ្លូង បានអោយដឹងថា ហេតុការនេះបានកើតឡើងខណះដែលជនសង្ស័យកំពង់អង្គុយផឹកស៊ីជុំគ្នា រាំធុងបាស់ក្នុងពីធីភ្ជាប់ពាក្យអ្នកភូមិខាងលើ ប៉ុន្តែមិនទាន់ដឹងពីមូលហេតុច្បាស់ថាដើមហេតុបណ្តាលមកពីអ្វីនោះទេ ។សមត្ថកិច្ចបន្តរថា ជនសង្ស័យមានគ្នាចំនួន៧នាក់ ដែលមានទីលំនៅក្នុងភូមិកើតហេតុដោយជនសង្ស័យ៥នាក់ត្រូវបានកម្លាំងសមត្ថកិច្ចចុះទៅធ្វើការស្រាវជ្រាវចាប់ឃាត់បាន ដោយឡែក២នាក់ផ្សេងទៀតត្រូវបានរត់គេចខ្លួនបាត់ ប៉ុន្តែសមត្ថកិច្ចអាចកំណាត់មុខសញ្ញារបានហើយកំពុងព្យាយាមតាមចាប់ខ្លួន ។ជនរងគ្រោះមានឈ្មោះ ទូច តឿន ភេទប្រុស អាយុ២០ឆ្នាំ ដែលមានស្រុកកំណើតនៅ ភូមិត្រពាំងព្រីង ឃុំត្រពាំងព្រីង ស្រុកដំបែរ ខេត្តត្បូងឃ្មុំ ហើយជនរងគ្រោះបានស្លាប់នៅតាមផ្លូវខណះកំពង់បញ្ចូនទៅសង្គ្រោះនៅមន្ទីពេទ្យ ហើយសាកសព្វត្រូវបានសាច់ញ្ញាតិដឹកយកត្រឡាប់ទៅស្រុកវីញ ។បច្ជុប្បន្ននេះជនសង្ស័យទាំង៥នាក់ ត្រូវបានឃុំខ្លួនបណ្តោះអាសន្ត នៅអធិការរដ្ឋានស្រុកឆ្លូង ដើម្បីធ្វើការសាកសួរនិងកសាងសំណុំរឿងចាត់កាទៅតាមនិតិវិធីច្បាប់ ។