កំពង់ឆ្នាំង៖ ក្នុងកិច្ចធានាអោយបាននូវសន្តិសុខ សុវត្ថិភាព និងសណ្តាប់ធ្នាប់សាធារណៈ របៀបរៀបរយ ជូនដល់គណៈមេប្រយោគ លោកគ្រូអ្នកគ្រូជាអនុរក្ស បេក្ខជន និងអាណាព្យាបាល ក្នុងសម័យប្រឡងសញ្ញាប័ត្រមធ្យមសិក្សាទុតិយភូមិនៅក្នុងខេត្តកំពង់ឆ្នាំង ចាប់ពី
ថ្ងៃទី២៤ដល់២៦ ខែសីហា ឆ្នាំ២០១៥នេះ អោយមានដំណើរការល្អ ទាំងពេលប្រឡង និងពេលស្នាក់នៅ ស្នងការដ្ឋាននគរបាលខេត្ត បានសហការជាមួយបញ្ជាការដ្ឋានកងរាជអាវុធហត្ថខេត្ត ដាក់កម្លាំងសមត្ថកិច្ចសរុបចំនួន១៦១នាក់នៅគ្រប់គោលដៅ ទៅតាមគោលការណ៍របស់ឯកឧត្តម ឈួរ ច័ន្ទឌឿន អភិបាលខេត្ត និងជាគណៈបញ្ជាការឯកភាពខេត្តកំពង់ឆ្នាំង ។ លោកឧត្តមសេនីយ៍ត្រី ប្រាក់ វុទ្ធី ស្នងការនៃស្នងការដ្ឋាននគរបាលខេត្តបានថ្លែងអោយដឹងនៅល្ងាចថ្ងៃទី២៤ខែសីហា០១៥ថា៖សម័យប្រឡងសញ្ញាប័ត្រមធ្យមសិក្សាទុតិយភូមិឆ្នាំនេះ ស្នងការដ្ឋាននគរបាលខេត្ត និងបញ្ជាការដ្ឋានកងរាជអាវុធហត្ថខេត្តបានប្រើប្រាស់កម្លាំងរុបចំនួន១៦១នាក់ក្នុងនោះកម្លាំងកងរាជអាវុធហត្ថមាន៤០នាក់ ក្នុងការការពារសន្តិសុខ សណ្តាប់ធ្នាប់ របៀបរៀបរយនៅមណ្ឌលប្រឡងទាំង៥ និងកន្លែងស្នាក់នៅទាំង៧កន្លែងជូនដល់គណៈមេប្រយោគ
ប្រឡង ការធ្វើអាជីវកម្មអីនធើណែតនិងគ្រឿងអេឡិចត្រូនិក។ ការពារមិនអោយចេញចូលក្នុងមណ្ឌលប្រឡងដោយគ្មានការចាត់តាំង។ការពារមិនអោយមានការគប់បោះ ឬបញ្ចេញវិញ្ញាសារមកខាងក្រៅ ការពារមិនអោយមានក្រុមធ្វើកំណែរវិញ្ញាសារនៅក្នុង និងក្រៅមណ្ឌលប្រឡង។ឆ្នាំនេះសន្តិសុខ សណ្តាប់ធ្នាប់តាមមណ្ឌលប្រឡងនីមួយៗមានការរឹតបណ្តឹងខ្លាំងជាងឆ្នាំកន្លងទៅ ដែលគេរំពឹងគិតថា នៅក្នុងរយៈពេលប្រឡង៣ថ្ងៃនេះ គឺវិញ្ញាសារក្នុងមណ្ឌលប្រឡងមិនអាចធ្លាយចេញមកខាងក្រៅបានឡើយ«គឺអ្នកចេះគឺជាប់ អ្នកមិនចេះគឺធ្លាក់»ដើម្បីជ្រើសរើស យកអ្នកដែលមានចំណេះពិតប្រាកដ ក្នុងការប្រែក្លាយធនធានមនុស្សនៅកម្ពុជាយើងអោយរឹត តែមានគុណភាពល្អទ្វេឡើងថែមទៀត៕
