ខេត្តមណ្ឌលគិរី:ឈើប្រណីតធ្នង់សុទ្ធជាង៤០០កំណាត់ខុសច្បាប់ស្តុកទុកនៅភូមិស្រែជង ឃុំ សុខសាន្ត ស្រុក កោះញែកត្រូវបានសមត្ថកិច្ចបង្ក្រាបកាលពីថ្ងៃទី ២៩ ០៤ ២០១៤ ដឹកនាំការ បង្ក្រាបករណីបទល្មើសទ្រង់ទ្រាយធំខាងលើនេះដោយលោក សួស ប៊ុនលី ប៉ូលីសប្រឆាំងបទល្មើស សេដ្ឋកិច្ចក្រសួង ផ្ទៃ ស្នងការដ្ឋាននគរបាលខេត្តរួមសហការជាមួយនគរបាលស្រុកកោះញែក។តាម ប្រភពព័ត៍មានពី ពលរដ្ឋបានរាយការណ៍ ប្រាប់អោយដឹងថាមានឈើប្រណីតធ្នង់យ៉ាងច្រើន
សន្ធឹកសន្ធាប់នេះគឺជាឈើរបស់ឈ្មោះ វ៉ុន និងឈ្មោះ យាង ដោយ ឈ្មោះ យាង ជាអ្នកចំណាយលុយអោយឈ្មោះវ៉ុន ដាក់បង្រាយកូនចៅរាប់រយនាក់អោយដាក់ម៉ាស៊ីនត្រង់ស៊ីន័រចូលកាប់រំលំ អារ និងដឹកញ្ជូននៅក្នុងតំបន់ស្នូលនៃដីព្រៃដែនជំរកសត្វព្រៃភ្នំព្រេចគ្រប់គ្រងដោយក្រសួងបរិស្ថាននៅក្នុងខេត្តគឺគ្រប់់គ្រងដោយមន្ទីបរិស្ថានជាអ្នកទទួលបន្ទុក។មហាជនទូរទៅបានសំដែងនូវការព្រួយបារម្ភយ៉ាងខ្លាំងចំពោះឈ្មោះ យាង និងឈ្មោះ វ៉ុន ទាំងពីរនាក់នេះជើងខ្លាំងខាងកាប់បំផ្លាញព្រៃឈើនៅក្នុងតំបន់ហាមឃាត់ព្រៃបំរុងអចិន្ត្រៃយ៍របស់រដ្ឋ កាប់បំផ្លាញព្រៃឈើក្នុងដែនព្រៃការពារមណ្ឌលគិរីនិង
កាប់បំផ្លាញដែនដីព្រៃជំរកសត្វព្រៃរាល់តំបន់ហាមឃាត់របស់រដ្ឋខាងលើនេះត្រូវបានជើងខ្លាំងទាំងពីររូបនេះធ្វើព្យុះភ្លៀងបានដោយសេរីគ្មានការរំខានពីសមត្ថកិច្ចនិងជំនាញណាម្នាក់សោះឡើយ ជាក់ស្ដែងដូចជាបទល្មើសព្រៃឈើនៅស្រុកកោះញែកកំពុងកើតមានពេញបន្ទុកតើលោក ឈួន សេរីវឌ្ឍន៍នាយផ្នែករដ្ឋបាលព្រៃឈើស្រុកកោះញែក កំពុងធ្វើអ្វី? ឬមួយនាយផ្នែករូបនេះសង្ងំទទួលលាភសការះ យ៉ាងក្រាសក្រៃហើយទេដឹងបានជាស្ងាត់ឈឹងបែបនេះ។
តាមប្រភពព័ត៍មានពីមហាជននានាកំពុងរង់ចាំមើលយ៉ាងអន្ទះសាបំផុតអំពីករណីនេះពីព្រោះចាប់តាំងពីការចុះបង្ក្រាបបទល្មើសទ្រង់ទ្រាធំយ៉ាងនេះហាក់បីជំនាញខ្លះមានការអល់ឯកខ្លាចប៉ះចំឈើអ្នកមានអំណាច។ប៉ុន្តែបើទោះបីយ៉ាងណាក៏ដោយឆន្ទះរបស់ប្រជាពលរដ្ឋបានសំណូមពរដល់អាជ្ញាធ័រមានសមត្ថកិច្ចគួរតែតាមចាប់ឃាត់ខ្លួនឈ្មោះ វ៉ុន និង ឈ្មោះយាងទាំងពីរអ្នកខាងលើត្រូវបានគេដាក់រហ័សនាមថាមេខ្លោងខាងបំផ្លាញព្រៃឈើនៅខេត្តមណ្ឌលគិរី។
ប្រតិបត្តិការខាងលើនៃការបង្ក្រាបឈើប្រណីតទ្រង់ទ្រាយធំនេះលោក សួស ប៊ុនលី មន្ត្រីប៉ូលីសប្រឆាំងបទល្មើសសេដ្ឋកិច្ចរបស់ក្រសួងមហាផ្ទៃដឹកនាំការបង្ក្រាបនេះបានប្រាប់អ្នកយកព័ត៍មានយើងថា បើទោះបីការបង្ក្រាបពីក្រុមសមត្ថកិច្ចរបស់លោកនៅកន្លែងបទល្មើសជាក់ស្តែងរយ:ពេល២ថ្ងៃទៅហើយប៉ុន្តែខាងជំនាញរដ្ឋាបាលព្រៃឈើហាប់បីដូចជាមានកាយឺយ៉ាវក្នុងការចូលរួមសហការប៉ុន្តែលោកសួស ប៊ុនលី បានប្រាប់ថាមកពីជំនាញមានការជាប់រវល់។
លោកបានបញ្ចាក់បន្ថែមថាឈើប្រណីតចំនួនជាង៤០០ កំណាត់ឡាំង៤ជ្រុងលាយឈើនាងនួនតិចតួចព្រមទាំងរថយន្តសំរាប់ស្ទូចនិងរថយន្តបែននៅព្រោងព្រាតសមត្ថកិច្ចកំពុងធ្វើកំណាត់ហេតុប្រគល់ ទទួល។មហារជននានាកំពុងរង់ចាំមើលចំណាត់ការរបស់អជ្ញាធ័រមានសមត្ថកិច្ចនិងមន្ត្រីជំនាញតើការស្រាវជ្រាវអាចឈានទៅដល់ការចាប់ឃាត់ខ្លួនអ្នកដែលជាប់ពាក់ព័ន្ធករណីបទល្មើសខាងលើនេះយកមកផ្តន់ទាទោសបានឬទេ ?ឬមួយនៅតែយកពាក្យដោះសារដដែលៗថាជា(អញតិ
ជន)។ទាក់ទងការចោទប្រកាន់ខាងលើនេះអ្នកយកព័ត៍មានយើងបានសុំការបំភ្លឺពីឈ្មោះ យាង និង ឈ្មោះ វ៉ុន នៅព្រឹកថ្ងៃទី៣០ ០៤ ២០១៤ នេះនៅវេលាម៉ោង ៧និង៥៨នាទីឈ្មោះ យាង បានឆ្លើយដាក់ឈ្មោះ វ៉ុន រីឯ ឈ្មោះវ៉ុនឆ្លើ់យដាក់ឈ្មោះ យាង។ប្រជាពលរដ្ឋសង្ឃឹមថាអជ្ញាធ័រមានសមត្ថកិច្ចខេត្តមណ្ឌលគិរីតាមឃាត់ខ្លួនឈ្មោះទាំងពីរខាងលើ នេះជាមិនខានដើម្បីស្រាវជ្រាវរកអោយឃើញអ្នកជាប់ពាក់ព័ន្ធពិតប្រាកដ៕
