កំពង់ធំៈ លោកវរសេនីយ៍ទោយ៉ង សំ អធិការនគរបាលស្រុកស្ទោងនិងជាប្រធានសមាគមន៍អតីតយុទ្ធជន កម្ពុជាស្រុកស្ទោង ព្រមទាំងក្រុមការងារស្ថិតក្នុងគណកម្មាធិការសមាគមអតីតយុទ្ធជនកម្ពុជាស្រុកស្ទោងព្រមទាំងសប្បុរសជន និងព្រះសង្ឃ បាននាំយកថវិការចំនួន73មឺន អង្ករ50kg និងសំភារៈមួយចំនួន យកទៅចូលរួមបុណ្យសព គ្រួសារអតីតយុទ្ធជនកាលពីថ្ងៃទី ១៩ ខែមករា ឆ្នាំ ២០១៦។
តាមការឲ្យដឹងពី លោក វរៈសេនីយ៍ទោយ៉ង សំ អធិការនគរបាលស្រុកស្ទោងនិងជាប្រធានសមាគមន៍អតីតយុទ្ធជន កម្ពុជាស្រុកស្ទោង បាឲ្យដឹងថា សពដែលបានពលីឈ្មោះគុយ បី ភេទស្រី អាយុ66ឆ្នាំ ដែលបានមរណៈភាព កាលពីថ្ងៃទី១៧ ខែមករា ឆ្នាំ ២០១៦ វេលាម៉ោង ១៣.០០នាទី ដោយជំងឺរលាកសន្លាក់ នៅភូមិចេក ឃុំកំពង់ចិនជើង ស្រុកស្ទោង ខេត្តកំពង់ធំ ៕
សាច់ញ្ញាតិក្រុមគ្រួសារសព បានអគុណចំពោះគណៈកម្មការសមាគមន៍ អតីតយុទ្ធជន ដែលបានគិតគូរដល់ ទុក្ខធុរៈ ព្រមទាំងនាំយកអំណោយនិងសម្ពារៈ ចែកជូនដល់ គ្រួរសាររបស់ខ្ញុំបាទ ដែលបានធ្វើឲ្យគ្រួសាររបស់យើងខ្ញុំមានភាពជឿជាក់ និងរំភើប នៅពេលដែលបានឃើញការយកចិត្តទុកដាក់របស់ថ្នាក់ដឹកនាំ មានការចុះសួរសុខទុក្ខ ដល់អតីតយុទ្ធជន និងសូមអគុណយ៉ាងខ្លាំងបន្ថែមទៀត។
លោក វរៈសេនីយ៍ទោយ៉ង សំ ប្រធានសមាគមន៍អតីតយុទ្ធជន កម្ពុជាស្រុកស្ទោង បានឲ្យដឹងថា ដោយយោងតាមការចង្អុលបង្ហាញពីសំណាក់ ឯកឧត្តម អ៊ុត សំអន អភិបាលខេត្តកំពង់ធំ និងមានការណែនាំពី ឧត្តមសេនីយ៍ត្រី សោម ស៊ុន ប្រធានសមាគមន៍អតីតយុទ្ធជនកម្ពុជា ខេត្តកំពង់ធំ ឲ្យជម្រុញឲ្យតាមមូលដ្ឋាន មានការយកចិត្តទុកដាក់បំផុត ចំពោះក្រុមគ្រួសារអតីតយុទ្ធជន និងគ្រួសារចូលនិវត្ត និងជនពិការ ដោយបាន ផ្តោតទៅលើការប្រកបមុខរបរចិញ្ចឹមជីវិត និងភាពខ្វះខាត ដែលប្រឈម និងសុំឲ្យមានការចុះជួយតាម លទ្ធភាព និងផ្សាភ្ជាប់ចំណងមិត្តភាពរវាងអតីតយុទ្ធជន ដើម្បីដកស្រង់នូវបទពិសោធន៍ខ្លះដើម្បីជាផលប្រយោជន៍អនុវត្តន៍នៅក្នុងសង្គម។
ដោយ ប៊ុន រដ្ឋា
