កំពង់ធំៈ លោក ហែម សំអាង មេបញ្ចាការកងរាជអាវុធហត្ថក្រុងស្ទឹងសែន ដឹកនាំកំលាំងចុះបង្ក្រាបនិងឃាត់ខ្លួនជនសង្ស័យចំនួន ៤នាក់ ពាក់ព័ន្ឋប្រើប្រាស់គ្រឿងញៀន ក្រោមការបញ្ជាផ្ទាល់របស់លោក អ៊ិត សុធា ព្រះរាជអាជ្ញាសាលាដំបូងខេត្តកំពង់ធំ ។
ការចុះបង្ក្រាបជនសង្ស័យទាំង៤នាក់ ត្រូវបានធ្វើឡើងនៅ ឃ្លោងទ្វា ក្លឹបអ៊ីវ៉ូ ស្ថិតនៅក្នុងភូមិ កំពង់ធំ ឃុំកំពង់រទេះ ក្រុងស្ទឹងសែនខេត្តកំពង់ធំ សមត្ថកិច្ចបានរឹបអូសបាន ម៉ូតូ២គ្រឿង ថ្នាំញៀន ៣កញ្ចប់តូច និងជនសង្ស័យទី១ឈ្មោះ ឃាន វណ្ណសាក់ ភេទប្រុស អាយុ ១៦ឆ្នាំជាសិស្សវិទ្យាល័យកំពង់ធំ ថ្នាក់ទី១០B រស់នៅភូមិអាចារ្យលាក់ សង្កាត់អាចារ្យលាក់ ក្រុងស្ទឹងសែន ខេត្តកំពង់ធំទី២ ផល សុផារិទ្ធ ភេទប្រុស អាយុ ១៧ឆ្នាំ ទី៣ ឈ្មោះ ឌុច ចាន់លីដា ប្រុស អាយុ២៥ឆ្នាំ និងទី៤ឈ្មោះ សុត ផារិទ្ធ ប្រុស អាយុ ២៩ ទាំង៣នាក់រស់នៅក្នុងភូមិ ព្រៃពន្លិច សង្កាត់ អាចារ្យលាក់ ក្រុងស្ទឹងសែន ខេត្តកំពង់ធំ ។
លោក អ៊ិត សុធា ព្រះរាជអាជ្ញាសាលាដំបូងខេត្តកំពង់ធំ បានឲ្យដឹងថា ក្រោយពីសាកសួរដើមហេតុរួចមក និងធ្វើកំណត់ហេតុ នៅសាលាដំបូងខេត្តកំពង់ធំ នៅថ្ងៃទី ១៩ ខែមករា ឆ្នាំ ២០១៦ គឺបានបញ្ជាក់ថា ជនសង្ស័យទាំង៤នាក់ គឺជាជនរងគ្រោះដោយសារឥតទ្ធិពលនៃគ្រឿងញៀន ដោយមានជនមិនស្គាល់មុខ បានញ៉ុះញ៉ង់ ឲ្យប្រើប្រាស់គ្រឿងញៀន ក្នុងនោះមានសិស្សកំពុងតែបន្តការសិក្សាផងដែរ ហើយបានអប់រំណែនាំ ដើម្បីឲ្យចៀសផុតពីគ្រឿងញៀន បញ្ឈប់ការពាក់ព័ន្ឋ និងគ្រឿងញៀន ដោយធ្វើកិច្ចសន្យាប្រគល់ឲ្យអាណាព្យាបាលបញ្ជូនទៅមណ្ឌល់កែប្រែ បន្សាបគ្រឿងញៀន ។
ដោយ ប៊ុន រដ្ឋា