ខេត្តបន្ទាយមានជ័យៈ ព្រឹកថ្ងៃទី២៦ខែមករាឆ្នាំ២០១៦ក្នុងបរិវេនសាលាក្រុងសិរីសោភ័ណ ឯកឧត្ដម សុនគន្ធររដ្ឋមន្ត្រីប្រតិភូអមនាយករដ្ឋមន្ត្រី លោកលីសារី អភិបាលរងខេត្តបន្ទាយមានជ័យ រដ្ឋបាលក្រុងសិរីសោភ័ណ មន្ត្រីរាជការលោកគ្រូអ្នកគ្រូ សិស្សនិងប្រជាពលរដ្ឋជាច្រើននាក់ទៀតបានចូលរួមបើកវេទិការសាធារណះដើម្បីបានបញ្ចេញមតិក្នុងក្តីកង្វល់និងយោបល់ផ្សេងៗក្នុងមូលដ្ឋានរបស់ខ្លួនដែលមានបញ្ហាប្រឈមរយះពេលកន្លងមក។
លោក លី សារី អភិបាលរងខេត្តបន្ទាយមានជ័យមាន្រសាសន៍ថា: ការបើកវេទិការសាធារណះនេះ គឺដើម្បីចង់ឲ្យប្រជាពលរដ្ឋក្នុងមូលដ្ឋានលើកជាសំនួររាល់ ការប្រឈមនិងក្តីកង្វល់របស់ខ្លួនក្នុងរយះពេលកន្លងមក។ ក្នុងនោះសិស្សសាលាវិទ្យាល័យអូរអំបិលម្នាក់ឈ្មោះរឿង សារឿន បានសំណូមពរដលវេទិការនេះ ឲ្យជួយយកផ្ទាំងប៉ាណូស្រាបៀមួយផ្ទាំងដាក់កាត់ទទឹងផ្លូវជាតិលេខ៥ ត្រង់ ចំណុចមុខសាលាវិទ្យាល័យសម្តេចឪចេញពីមុខសាលាសម្តេចឪព្រោះការដាក់ផ្ទាំងប៉ាណូស្រាបៀនៅមុខសាលាយ៉ាងដូច្នេះវាធ្វើឲ្យប៉ះពាល់ដល់សតិអារម្មណ៍សិស្សសាលាប្រជាពលរដ្ឋយ៉ាងខ្លាំងដែលបានធ្វើដំណើរឆ្លងកាត់នៅទីនោះ។
ប្អូនបានសំណូមពរដល់នគបាលចរាចរណ៍ក្នុងការចុះបំពេញភារះកិច្ចក្នុងការនិយាយស្តីដល់ប្រជាពលរដ្ឋសូមមេត្តាឲ្យមានសីលធម៍ល្អផងក្នុងការផាកពិន័យកុំអាមឹងនិងជេរប្រមាថដល់ពួកគាត់ឲ្យសោះ។
ក្នុងនោះក៏មានប្រពលរដ្ឋជាច្រើននាក់បានលើកជាសំនួរដូចជាបញ្ហា ផ្លូវដ៏សែនមហា លំបាកនៅតាមមូលដ្ឋានរបស់ពួកគាត់ បញ្ហាខែប្រាំងខ្លាចជួបប្រទះគ្មានទឹកប្រើប្រាស់ព្រោះសព្វថ្ងៃមានម៉ាសីុនបូមទឹករាប់រយគ្រឿងកំពុងនាំគ្នាបូមទឹកចេញពីស្ទឹងដាក់ស្រែប្រាំងយ៉ាងអាណាធិបតេយ្យធ្វើឲ្យស្ទឹងសិរីសោភ័ណនិងស្ទឹងមង្គលបូរីរីងទឹកស្ទើរដល់បាតស្ទឹង។
សំណូមពរនិងសំនួរទាំងអស់ដែលសិស្សនិងប្រជាពលរដ្ឋបានលើកឡើងក្នុងវេទិការសាធារណះនេះ ឯកឧត្ដម សុន គន្ធរនិងពាំនាំយកទៅពិភាគក្សាជាមួយថ្នាក់លើដើម្បីដោះស្រាយ ជូនពួកគាត់ឲ្យបានសមរម្យនៅពេលខាងមុខ៕ដោយ:ឃិន គន្ធា