ខេត្តសៀមរាប ប្រជាពលរដ្ឋនៅក្នុងក្រុងសៀមរាប ព្រមទាំងមន្ត្រីរាជការបានធ្វើការរិះគុនយ៉ាងខ្លាំងចំពោះរថយន្តដឹកសំម្រាមរបស់ក្រុមហ៊ុនសិនទ្រីខេត្តសៀមរាបថា នៅពេលពួកគេមកប្រមូលសំម្រាមនៅតាមផ្ទះប្រជាពលរដ្ឋ ក៏ដូចនៅតាមផ្ទះសំណាក់ និងសណ្ឋាគារ គួកគេតែងតែធ្វើចរឹកនិងកាយវិការមិនសូវល្អ ហើយនៅពេលពួកគេប្រមូលសំម្រាមដាក់នៅលើរថយន្តពេញហើយនោះ ពួកគេមិនមានការគ្របអោយបានជិតនោះទ្បើយ ហើយនៅពេលបើករថយន្តចាក់ចេញទៅនោះវាធ្វើអោយជះស្អុយពៀសពេញតាមដងផ្លូវជាតិស្ទើទ្រាំពុំបាន ហើយមិនតែប៉ណ្ណោះវាធ្វើអោយប៉ះពាល់យ៉ាងខ្លាំងទៅនាក់ធ្វើដំណើរនៅតាមដងផ្លូវនោះតែម្តង។ជាក់ស្តែងដូចកាលពីរវេលាម៉ោង២សៀលក្នុងថ្ងៃទី០៤ ខែកម្ភះ ឆ្នាំ២០១៦នៅលើកំណាត់ផ្លូវជាតិស្ពាននាគ រថយន្តបើកដឹកសំម្រាមពេញហើយមិនមានការគ្របនោះទេមកពីទិសខាងលិចមកកើតបើកយ៉ាងលឿនបណ្តោលអោយធ្លាក់សំម្រាមតាមផ្លូវជាតិបង្ករអោយការគ្រោះថ្នាក់ចរាចរណ៏មួយបានកើតទ្បើងបន្ទាប់ពីរថយន្តពីរគ្រឿងបើកតាមពីក្រោយ ក៏ធ្វើអោយរថយន្តពីរគ្រឿងនោះបានបុកបន្តកន្ទុយគ្នាយ៉ាងពេញទំហឹងតែសំណាងល្អពុំមាននណាម្នាក់បានរងរបួសនោះទេ។
១ រថយន្តម៉ាក់រីហ្វ ពណ័សំបកឪទ្បឹក ពាក់លេខភ្នំពេញ២R ៩៦ ៥១ បានបើកមកពីទិសខាងលិចស្របទិសគ្នា បានកិនសំម្រាមដែលរថយន្តក្រុមហ៊ុនសិនទ្រី ដឹកធ្លាក់ ហើយក៏ត្ររថយន្តមួយគ្រឿងទៀតដែលបើកស្របទិសគ្នានោះបានបុកពីក្រោយពេញហឹងបន្តទៀតបណ្តាលអោយរថយន្តរបស់លោកមេប៉ុស្ត៏គោកចកខូចខាតយ៉ាងតំនំ ។ នេះហើយដែលធ្វើអោយមានរិះគុនពីប្រជាពលរដ្ឋក៏ដូចមន្ត្រីរាជការ ថាលោកមន្ទីរបរិស្ថានបណ្តែតបណ្តោយអោយក្រុមហ៊ុនសិនទ្រីខេត្តសៀមរាប នៅពេលដឹកសំម្រាមដោយមិនមានការគ្រប ទើបវាបណ្តាលអោយមានករណីបែបនេះបានកើតទ្បើង។ទាក់ទិនទៅនិងការដឹកសំម្រាមតាមរថយន្តមិនគ្របដែលធ្វើអោយប៉ះពាល់ក៏ដូចបង្ករការភ័យព្រួយដល់នាក់ធ្វើដំណើរនៅតាមដងផ្លូវនេះដែរកម្ពុជាថ្មី បានទូរស័ព្ទសុំការបំភ្លឺទៅលោកប្រធានមន្ទីរបរិស្ថាន
ជុំវិញការរិះគុនពីប្រជាពលរដ្ឋពីបញ្ហារថយន្តដឹកសំម្រាមរបស់ក្រុមហ៊ុនសិនទ្រីសៀមរាបដែលមិនគ្របនេះដែរ តែទូរស័ព្ទរបស់មិនអាចសុំការទំនាក់ទំនងបាននោះទេ។
លោកគឹមឆៃហៀង អភិបាលរងខេត្តសៀមរាបបានអោយដឹងថាបញ្ហារថយន្តដឹកសំម្រាមរបស់
ក្រុមហ៊ុនសិនទ្រីដែលដឹកសំម្រាមមិនគ្រមដែលធ្វើប៉ះពាល់យ៉ាងខ្លាំងដល់បរិស្ថាននេះចាំលោកនិងអោយលោកប្រធានមន្ទីរបរិស្ថានខេត្តសៀមរាបនិងធ្វើចំណាត់ដល់ក្រុមហ៊ុនសំម្រាមនេះ ហើយនិងអោយការកោះប្រជុំជាបន្ទាន់ផងដែរ។