កំពង់ធំៈ ក្រោមការដឹកនាំរបស់លោក តុប កក្កដា ប្រធានមន្ទីរបរិស្ថាន ក្រោយពីបានកាន់តំណែងនៃអណ្ណត្តិរបស់ខ្លួនបានបង្ហាញឲ្យឃើញមានភាពរីកចម្រើន យ៉ាងឆាប់រហ័ស ក្នុងការកាសាងនូវសមិទ្ធផលនានា នៅក្នុងមន្ទីរ ដូចជាសាងសង់អាគារមន្ទីរបរិស្ថាន និងអាគាររដ្ឋបាល ជាច្រើនទៀត និងបានធ្វើឲ្យមន្ទីរបរិស្ថាន បានប្រែមុខមាត់ថ្មី យ៉ាងឆាប់រហ័ស គឺដោយសារតែមានការប្រឹងប្រែងនិងយកចិត្តទុកដាក់ ។
ជាក់ស្តែងកាលពីថ្ងៃទី១៣ ខែកុម្ភះ ឆ្នាំ ២០១៦កន្លងមកនេះ នៅមន្ទីរបរិស្ថាន ខេត្តកំពង់ធំ បានប្រារព្វពិធី ក្រុងពាលី បើកការដ្ឋានសាងសង់អាគារ រដ្ឋបាលរបស់មន្ទីរបរិស្ថានខេត្តកំពង់ធំ ក្រោមអធិបតីភាព ឯកឧត្តមសែម សារឿន អគ្គនាយក នៃអគ្គនាយកដ្ឋានរដ្ឋបាល និងហិរញ្ញវត្ថុ ក្រសួបរិស្ថាន និងលោក តុប កក្តដា ប្រធានមន្ទីរបរិស្ថានខេត្តកំពង់ធំ និងមន្ត្រីក្រោមឳវាទ គ្រប់ស្រុកក្រុង និងលោកតា លោកយាយ ចូលរួមផងដែរ ។
លោក តុប កក្តដា ប្រធានមន្ទីរបរិស្ថានខេត្តកំពង់ធំដើម្បីតម្រូវការចាំបាច់ក្នុង ការបំរើការងារបរិស្ថាន ដែលមានជាច្រើនផ្នែកផងដែរនោះ ទើបមានការសាងសង់អាគារមួយខ្នង ដែលមានទំហំ១០ម គុណ២០ម កំពស់២ជាន់ មានចំនួន១០បន្ទប់ និងបន្ទប់សាសប្រជុំមួយ ដែលត្រូវបានចាប់ផ្តើមសាងសង់ នៅថ្ងៃ១៣កុម្ភះ ឆ្នាំ ២០១៦នេះ ក្រោយការចំណាយឧបត្ថម្ភដោយ ថវិការបស់ជាតិ ដើម្បីពង្រីក ការិយាល័យ តាមគោលនយោបាយរបស់ ក្រសួងបរិស្ថាន លើការងារផ្សព្វផ្សាយ និងការអភិរក្សជីវចម្រុះ និងការរស់នៅប្រកបដោយចេរភាព ក៏ដូចជាការជម្រុញឲ្យ មន្ត្រីក្រោមឳវាទសាងសង់ ស្នាក់ការឲ្យបានសមរម្យ រួមទាំងហេដ្ឋារចនាសម្ព័ន្ឋ តាមបណ្តាស្រុក ក្រុងផដែរ ។
ពិធីបញ្ចុះបឋមសិលានេះ ឯកឧត្តមសែម សារឿន អគ្គនាយក នៃអគ្គនាយកដ្ឋានរដ្ឋបាលនិងហិរញ្ញវត្ថុ និងលោក តុប កក្តដា ប្រធានមន្ទីរបរិស្ថានខេត្តកំពង់ធំ បាននាំយកអំណោយ ជូនដល់លោកយាយ លោកតា ចំនួន ៣០នាក់ ក្នុងម្នាក់ទទួលបាន សារ៉ុងមួយទុកជាវត្ថុកំដរដៃ នៃការចូលរួមក្នុងពិធីបញ្ចុះបឋមសិលានេះ។
ដោយ ប៊ុន រដ្ឋា
