កំពង់ធំ៖ ពិធីសំណេះសំណាល មហាគ្រួសារគណបក្សប្រជាជនកម្ពុ មានសមាជិកសមាជិកាគណបក្សប្រជាជនកម្ពុជា ជាង២០០នាក់ ឯកឧត្តម គង់ វិមាន បានថ្លែងអំណរគុណដល់សមាជិកគណបក្សប្រជាជន និងកោតសរសើរ ដែលផ្តល់នូវការគាំទ្រ រួមសុខរួមទុក្ខនិងផ្តល់នូវការជឿជាក់ ជួយជ្រោមជ្រែងដល់គណបក្សប្រជាជនកម្ពុជា ដោយសារតែបានឃើញនូវទង្វើនិងសកម្មភាពរបស់គណបក្សប្រជាជនកម្ពុជា បានក៏សាងហេដ្ឋារចនាសម្ព័ន្ឋ ផ្លូវថ្នល់ សាលារៀន មន្ទីរពេទ្យ វត្តអារាម និងប្រព័ន្ឋធារាសាស្រ្ត ព្រមទាំងសមិទ្ធិផលជាច្រើនទៀត ដែលបានបញ្ជាក់ពីការខិតខំប្រឹងប្រែង របស់គណបក្សប្រជាជនកម្ពុជា។
ពិធីនេះត្រូវបានចូលរួមដោយ ឯកឧត្ត គង់ វិមាន តំណាងឯកឧត្តម សុខ លូ អភិបាលខេត្តកំពង់ធំ និងជាសមាជិកគណកម្មាធិការបក្សខេត្ត និងជាក្រុមការងារបក្សចុះជួយស្រុកស្ទោង អមដំណើរដោយ ឯកឧត្តម ហង្ស ថុល ប្រធានក្រុមការងារចុះជួយឃុំម្យាក្រង ព្រមទាំងប្រតិភូ បានអញ្ជើញ ចុះសំណេះសំណាលជាមួយសមាជិកបក្ស នៅឃុំម្សាក្រង ស្រុកស្ទោង ខេត្តកំពង់ធំ កាលពីព្រឹកថ្ងៃទី ២១ ខែ វិច្ឆិកា ឆ្នាំ ២០១៧ ។
នៅក្នុងពិធីសំណេះសំណាល មានធ្វើការផ្សព្វផ្សាយបីមូលហេតុ ដែលគណបក្សសង្រ្គោះជាតិ ត្រូវបានតុលាការកំពូល សម្រេចរំលាយគណបក្សសង្រ្គោះជាតិ …គឺបណ្តាលមកពីមេដឹកនាំរបស់គណបក្សសង្រ្គោះ ជាតិ គឺលោក គឹម សុខា មានការឃុបឃិត ទទួលបទបញ្ជាពីជនបរទេស ឲ្យបង្គាប់បញ្ជារឿងកិច្ចការនយោបាយរបស់ប្រទេស ដែលវាបានផ្ទុយនឹងច្បាច់រដ្ឋធម្មនុញ្ញ ដែលត្រូវបានចាត់ទុកជាជនក្បត់ជាតិ ក្បត់ប្រជាជនជាតិសាសខ្លួនឯង និងព្យាយាមទាញឲ្យសភាពការប្រទេសជាតិ ធ្លាក់កក្នុងជ្រោះមរណៈ ឬគុគអត់ជញ្ជាំងដែល កម្ពុជាទើបតែឆ្លងផុត ក្រោមការដឹកនាំដោយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃ ព្រះរាជាណាចក្រកម្ពុជា ធ្វើឲ្យយើងមានថ្ងៃនេះ ប្រជាជនខ្មែរទូទាំងប្រទេសជ្រកក្រោមម្លប់សន្តិភាព និងការអភិវឌ្ឍន៍។
នៅក្នុងឳកាសជាមួយគ្នានោះដែរ ក៏មានសមាជិកក្រុមប្រឹក្សាឃុំម្យាក្រង ចំនួន៣នាក់អតីតគណបក្សសង្រ្គោះជាតិ ដែលបានសុំចុះចូល រួមរស់ជាមួយជីវភាពនយោបាយ គណបក្សប្រជាជនកម្ពុជា ដែលដឹកនាំដោយសម្តេចតេជោ ហ៊ុន សែន ជាប្រធានគណបក្សប្រជាជនកម្ពុជា បន្ទាប់ពីលោកទាំង៣នាក់ បានឃើញទង្វើរបស់មេដឹកនាំគណបក្សសង្រ្គោះជាតិ ឃុបឃិតជាមួយបរទេស ដែលជាទង្វើក្បត់ជាតិ ដែលពួកគាត់ពុំអាចទទួលយកបាន ដោយកន្លង មកនេះគឺជាការយល់ច្រឡំ នឹកស្មានថាការតស៊ូ និងព្យាយាមទាំងឡាយកន្លងមក ស្មានតែស្នេហាជាតិដើម្បី ប្រជាជនខ្មែរ ដើម្បីប្រទេសជាតិ ដោយមិននឹកស្មានថា មេដឹកនាំសង្រ្កោះជាតិដឹកនាំដើម្បីបរទេស និងដើម្បីគ្រួសារឯងតែប៉ុណ្ណោះ ។ ដោយ ប៊ុន រដ្ឋា
