ខេត្តបន្ទាយមានជ័យ៖ កលាំងអធិការដ្ឋាននគបាលក្រុងសិរីសោភ័ណបានចុះល្បាតនៅចំណុចមុខដេប៉ូឈើផ្សារហ៊ុយឡេងបានប្រទះឃើញមុខសញ្ញាកំពុងជួញដូរគ្រឿងញៀននិងឃាត់ខ្លួនជនសង្ស័យបានម្នាក់និងដកហូតវត្ថុតាងថ្នាំញៀនបានមួយថង់តូចនិងគ្រឿងជក់មួយចំនួនធំនិងម៉ូតូ១គ្រឿងទៀតផង។ការឃាត់ខ្លួនជនសង្ស័យនេះនៅវេលាម៉ោង៩ព្រឹកថ្ងៃទី២៧ខែកក្កដាឆ្នាំ២០១៥នៅចំណុចមុខដេប៉ូឈើផ្សារហ៊ុយឡេងភូមិគោរដ្ឋានសង្កាត់អូអំបិល ក្រុងសិរីសោភ័ណ ខេត្តបន្ទាយមានជ័យ។លោកវរះសេនីយ៍ត្រីសីុវសុជាតិអធិកានគបាលក្រុងសិរីសោភ័ណបានឲ្យដឹងថាជនជួញដូរគ្រឿងញៀននោះមានឈ្មោះស៊ិន សុភារម្យ ភេទ ប្រុស អាយុ២៣ឆ្នាំទីលំនៅភូមិព្រហូតសង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ។លោកជាតិបាននិយាយបន្តថាមុនពេលកើតហេតុកំលាំងនគបាលក្រុងសិរីសោភ័ណមួយក្រុមកំពុងល្បាតស្រាប់តែប្រទះឃើញជនសង្ស័យកំពុងតែចែកចាយថ្នាំញៀនជាមួយគូកនត្រូវបានកំលាំងនគបាលបានធ្វើការឃាត់ខ្លួននិងដកហូតវត្ថុតាងមានម្សៅក្រាមពណ៌សថ្លា១កូនថង់
បំពង់ទែម៉ូម៉ែត្រ២ដែកកេះ២ ដបឆ្នៃសំរាប់ជក់ថ្នាំ១បំពង់បឺត២ និងម៉ូតួ១គ្រឿងម៉ាកអាយខន ពណ៌កាប់ស្តាំងគ្មានផ្លាកលេខកំពុងសាកសួរនៅអធិការដ្ឋាន។នៅមុខនគបាលជនសង្ស័យបានឆ្លើយសារភាពថាខ្លួនពិតជាបានយកគ្រឿងញៀនទៅលក់ឲ្យគូកននៅចំណុចកើតហេតុ ពិតប្រាកដម៉ែន។ជនសង្ស័យត្រូវបានកំលាំងនគបាលកសាងសំនុំរឿងបញ្ជូនទៅសាលាដំបូងខេត្តដើម្បីចាត់ការទៅតាមនិតិវិធីច្បាប់៕
