បន្ទាយមានជ័យ៖ថ្ងៃទី០៤មិថុនាឆ្នាំ២០១៤ស្រីថៃម្នាក់បានស្លាប់នៅក្នុងកាស៊ីណូព្រីនសេសជាន់ទី០៣កាលពីវេលម៉ោង០៦និង០០នាទីព្រឹក ស្រីថៃដែលបានស្លាប់នោះមានឈ្មោះផយអាយុប្រមាណជា៣៥ឆ្នាំ មានដើមកំណើតនៅប្រទេសថៃ ។ ប្រភពពីអ្នកញៀនល្បែងកាស៊ីណូបានបង្ហើបឲ្យដឹងថា៖ ស្រីជនជាតិថៃដែលបានស្លាប់នោះគឺជាភ្ញៀវប្រចាំនៅកាស៊ីណូហ្គោលឌិនក្រោន ព្រីនសេស និងហ៊ូវ៉ាហ្គេនទីង ជាយូឆ្នាំមកហើយប្រភពបានបន្តទៀតថា៖
ពីមុនស្រីរូបនោះគេមានលុយច្រើនរាប់លានបាតប្រាក់ថៃ ប៉ុន្តែក្រោយមកបានចាញ់ល្បែងកាស៊ីណូអស់ប្រាក់ពីខ្លួន ក៏ស្នាក់នៅក្នុងបន្ទប់ជួលកាស៊ីណូតែម្តងមិនទៅផ្ទះវិញទេព្រោះនាងបានលក់កេរអាករអស់ហើយ ។ ចំណែកប្រភពមួយបានបញ្ជាក់ថា៖អ្នកដែលចាញ់បនល្បែងកាស៊ីណូនៅក្រុងប៉ោយប៉ែនេះភាគច្រើនក្លាយជាជនប្រើប្រាស់គ្រឿងញៀននិងវិកលចថ
រិកជាដើមជាក់ស្តែងកាលពីព្រឹកមិញនេះបន្ទាប់ពីការស្លាប់ស្រីថៃខាងលើសមត្ថកិច្ចនគរបាលនៃអធិការដ្ឋានក្រុងប៉ោយប៉ែតបានកោះហៅជនសង្ស័យចំនួន០៣នាក់ទៅសួរនាំនៅអធិការនគរបាលក្រុងបុរសទាំងបីនាក់ដែលសមត្ថកិច្ចបានសួរនាំនោះមានឈ្មោះ១ ឡៅ ស៊ុនលាងភេទប្រុសអាយុ៤០ឆ្នាំជនជាតិមាឡេស៊ី ២ឈ្មោះ វ៉ង់ ម៉ាន់ ភេទប្រុសអាយុ៥៥ឆ្នាំជនជាតិស៊ីងហ្គាពូនិងទី៣ឈ្មោះ លឿងហ៊ូវហុងភេទប្រុសអាយុ៤៩ឆ្នាំជនជាតិវៀតណាម ។
ដោយមានការសង្ស័យជុំវិញការប្រើប្រាស់គ្រឿងញៀនសមត្ថកិច្ចបានឲ្យបុរសទាំងបីនាក់នោះនោមដាក់ដបហើយពិនិត្យទឹមភ្លាមនោះបានរកឃើញម្នាក់ក្នុងចំណោម០៣នាក់ មានផ្ទុកសារជាតិញៀននៅក្នុងទឹកនោម គឺជាជនជាតិវៀតណាមឈ្មោះលឿង ហ៊ូវហុង ។ នៅព្រឹកមិញនេះឈ្មោះ លឿង ហ៊ូវហុង បាននិយាយថា៖ រូបគេបានមកលេងល្បែងនៅកាស៊ីណូខាងលើជាង១០ឆ្នាំមកហើយជាងនេះទៅទៀតនោះ ស្ត្រីជនជាតិថៃដែលបានស្លាប់នោះគឺជាមិត្តភក្ត័ស្គាល់គ្នាក្នុងគ្រាលេងល្បែង
ប្រមាណជាង០៧ខែហើយដែរ លឿង ហ៊ូវហុង បានប្រាប់ថា៖ នាង ផយ មានជម្ងឺរប្រចាំកាយនិយាយមិនចេញប្រមាណជាបីទៅបួនថ្ងៃមកហើយ ពោលគឺនាងតែងតែបញ្ចេញកាយវិការថា៖ឈឺកយាងណាក៏ដោយពេលសមត្ថកិច្ចឆេកបន្ទប់ដែលស្ត្រីរងគ្រោះស្នាក់នៅជាន់ទី០៣ក្នុងកាស៊ីណូព្រីនសេសនោះ បានរកឃើញឧបករណ៏សេពគ្រឿងញៀន ស្រោមអានាម័យ
រួមទាំងថ្នាំកែរោគជាច្រើនមុខទៀតផងតែយើងមិនទាន់ដឹងនៅឡើយថា៖តើសមត្ថកិច្ចសនិដ្ឋានលើករណីស្លាប់ របស់ស្រីថៃរូបនោះជាយ៉ាងនោះទេ ។ ពាក់ពន្ធ័ករណីស្លាប់ស្រីថៃអ្នកញៀនបនល្បែងកាស៊ីណូខាងលើ លោកអ៊ុំ សុផល អធិការនគរបាលក្រុងប៉ោយប៉ែតបានប្រាប់យ៉ាងខ្លីកាលពីវេលាម៉ោង១២ថ្ងៃទី០៤មិថុនា២០១៤ថា៖ស្លាប់ដោយជម្ងឺខ្យល់គ
តែម្យ៉ាងប៉ុណ្ណោះ ។ គួររំលឹកផងដែរថាស្រីថៃដែលបានស្លាប់ក្នុងកាស៊ីណូនោះនាងមានផ្ទៃពោះជាច្រើនខែមកពេលនេះសាកសពរបស់នាងត្រូវបានក្រុមហ៊ុនកាស៊ីណូដឹកយកទៅទុកនៅក្នុងវត្តស្រះត្រាចស្ថិតនៅភូមិក្បាលស្ពាន១សង្កាត់និងក្រុងប៉ោយប៉ែត រងចាំសាច់ញាតិ្តនាំយកទៅប្រទេសថៃវិញ ។ 
