កំពង់ធំៈ ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានយកចិត្តទុកដាក់ ពីសុខទុក្ខរបស់យោធពលខេមរភូមិន្ទ ចំណុះឲ្យតំបន់ប្រតិបត្តិការសឹករងកំពង់ធំ និងក្រុមគ្រួសារកងទ័ព នៅតាមវរសេនាតូច និងផ្នែកសឹករងស្រុកក្រុង ឲ្យរឹតបន្តឹងការពារទប់ស្កាត់ ការឆ្លងរាលដាលរបស់ជម្ងឺផេ្សងៗ ដែលអាចកើតក្នុង រដូវរំហើយនេះ ជាពិសេសជម្ងឺគ្រុនចាញ់ គ្រុនឈាម ។
ក្នុងនោះក៏បានសំណូមពរឲ្យកងកម្លាំងទាំងអស់ ចូលរួមថែរក្សាសុខភាព អានាម័យ ជុំវិញបន្ទាយនិងគេហដ្ឋាន លុបបំបាត់ភក់ជ្រំា សំបកកង់ឡាន កាប់ឆ្កាព្រៃ ដើម្បីកំចាត់ទីតាំងរបស់មូសដែកគោល ព្រមទាំងលាង សំអាតដង្កូវទឹក ហើយហើយមានការសង្ស័យថាមានជំងឺគ្រុនចាញ់ ត្រូវប្រញាប់ពិនិត្យសុខភាព ដើម្បីចាក់វ៉ាក់សាំងការពារ ដែលជាយុទ្ធសាស្រ្តរបស់រាជរដ្ឋាភិបាល ក្នុងការលុបបំបាត់ជំងឺគ្រុនចាញ់ ចាប់តាំងពីឆ្នាំ២០១២ដល់ឆ្នាំ២០២៥។
ទើបក្នុងថ្ងៃនេះ មានការប្រជុំផ្សព្វផ្សាយការរាតត្បាតជំងឺឆ្លងពីសត្វមូស មកមនុស្ស ដល់កងកម្លាំងវរសេនាតូចលេខ១នៃតំបន់សឹករងកំពង់ធំ ស្ថិតនៅភូមិតាឡែកថ្មី ឃុំសាលាវិស័យ ស្រុកប្រសាទបល្ល័ង្ក ខេត្តកំពង់ធំ ព្រឹកថ្ងៃទី១៣/១២/២០១៦ ដើម្បីអប់រំសុខភាពស្តីពីជម្ងឺគ្រុនចាញ់ ជូនយោធិនចំនួន១០៥នាក់ ស្ថិតក្រោមអធិបតីភាពឧត្តមសេនិយត្រី សោម ស៊ុន មេបញ្ជាការតំបន់សឹករងកំពង់ធំ និងលោកវរសេនិយឯក សូម៉ារី នាយឯកទេសសុខាភិបាលយោធភូមិភាគទី៤ ។
លោកអនុសេនីយ៍ឯក លី ស៊ីណា នាយគិលានដ្ឋានតំបន់សឹករងកំពង់ធំ បានបញ្ជាក់ពីរបាយការណ៍ ជម្ងឺគ្រុនចាញ់គឺចម្លងមកមនុស្សដោយសារមូសដែកគោលញីខាំ ក្នុងនោះដែរក៍បានបញ្ជាក់ជូនពីប្រភេទរោគសញ្ញាធ្ងន់ស្រាលនៃជម្ងឺគ្នចាញ់ និងវិធាការការពារកុំឲ្យមូសដែកគោលញីខាំផងដែរ សូមបញ្ជាក់ថា កន្លងមកនេះ ផ្នែកសុខាភិបាលតំបន់ប្រតិបត្តិការសឹករងកំពង់ធំបានចែកមុងជ្រលក់ថ្នាំជូនយោធិននិងក្រុមគ្រួសារបាន១០០%រួចហើយ ដើម្បីប្រើប្រាស់និងការពារជំងឺគ្រុនចាញ់។
ដោយ ប៊ុន រដ្ឋា