សៀមរាប : វគ្គ បំប៉នជំនាញនគរបាលព្រហ្មទ័ណ្ឌខាងលើនេះបានរៀបចំធ្វើឡើងកាលពីព្រឹកថ្ងៃទី០៦ខែមិថុនាឆ្នាំ២០១៤នេះនៅស្នងការដ្ឋាននគរបាលខេត្តសៀមរាប រយះពេល១ថ្ងៃ ។ ក្រោមវត្តមានប្រកាសបើកវគ្គបណ្តុះបណ្តាលពី សំណាក់ លោកវរសេនីយ៍ឯក ថង សាគុណ ស្នងការរងនិងជាប្រធានការិយាល័យកណ្តាលនគរបាលព្រហ្មទ័ណ្ឌនៃស្នងការដ្ឋាននគរបាលខេត្តសៀមរាប ។
លោកវរសេនីយ៍ឯក ថង សាគុណ បានមានប្រសាសន៍បញ្ជាក់ដល់សិក្ខាកាមទាំងអស់ថាវគ្គបំប៉នជំនាញនគរបាលព្រហ្មទ័ណ្ឌដែលយើងបានរៀបចំធ្វើឡើងនាពេលនេះក្រោមការយកចិត្តទុកដាក់ខ្ពស់ជាប្រចាំពីសំណាក់ ឯ.ឩ ឃឹម ប៊ុនសុង ប្រធានគណះបញ្ជាការឯកភាពខេត្តនិងជាអភិបាលនៃគណះអភិបាលខេត្តសៀមរាបក៏ដូចជាលោក ឩត្តមសេនីយ៍ទោ សត ណាឌី
ស្នងការនគរបាលខេត្តសៀមរាបទើបក្នុងនាម ការិយាល័យកណ្តាលនគរបាលព្រហ្មទ័ណ្ឌបានរៀបចំឲ្យមានវគ្គបំប៉ននេះឡើងថ្វីត្បិតតែមានរយះពេលខ្លីក៏ពិតមែនតែវាមានសារសម្ខាន់ណាស់សម្រាប់ការបំពេញបន្ថែមនូវចំណុះខ្វះខាតរបស់យើងម្នាក់ៗជាកងកម្លាំងក្នុងការ ការពារថែរក្សាសន្តិសុខ សុវត្ថិភាព និងសណ្តាប់ធ្នាប់សង្គមជូនដល់ប្រជាពលរដ្ឋក៏ដូចជាភ្ញៀវ
ទេសចរណ៍ដែលតែងតែមកស្នាក់នៅនិងដើរកំសាន្តក្នុងខេត្តសៀមរាបដែលជាតំបន់ទេសចរណ៍ឲ្យកាន់តែមានសុវត្ថិភាពថ្វេដងស្របតាមការអនុវត្តនូវគោលនយោបាយភូមិឃុំមានភាព ។
លោកបានបន្តប្រសាសន៍ទៀតថាបន្ទាប់ពីនគរបាលព្រហ្មទ័ណ្ឌដែលជាសិក្ខាកាមមកពីបណ្តាក្រុងស្រុកទាំង១២ចំណុះ ស្នងការដ្ឋាននគរបាលខេត្តសៀមរាបបានទទួលវគ្គបំប៉នសិក្សារៀនសូត្រនូវជំនាញរបស់ខ្លួនហើយនោះពេលវិញត្រឡប់ទៅអង្គភាពរៀងៗខ្លួនវិញត្រូវខិតខំយកចិត្តទុកដាក់ក្នុងការបំពេញនូវតួនាទីភារះកិច្ចស្នូលរបស់ខ្លួននិងត្រូវកំណត់មុខសញ្ញា
ពិសេសគឺករណីដែលនៅសេសល់បន្តិចបន្តួចត្រូវធ្វើការបង្ក្រាបឲ្យអស់និងត្រូវបន្តចលនាក្នុងការបំផុតបំផុលឲ្យប្រជាពលរដ្ឋចូលរួមក្នុងការ អនុវត្តនូវគោលនយោបាយភូមិឃុំមានភាព ឲ្យបានមួយរយភាគរយទើបយើងអាចធានាបាននូវការ ការពារថែរក្សាសន្តិសុខ សុវត្ថិភាព និងសណ្តាប់ធ្នាប់សង្គមជូនដល់ប្រជាពលរដ្ឋក៏ដូចជាភ្ញៀវទេសចរណ៍ប្រកបដោយតម្លាភាព ៕ ដោយ លោក ខេង ខេមរា