ខេត្តតាកែវ ដើម្បីធ្វើជាគំរូល្អ សម្រាប់ឲ្យប្រជាពលរដ្ឋយកតម្រាប់តាម អភិបាលខេត្តតាកែវ ឯកឧត្តម ឡាយ វណ្ណៈ នៅព្រឹកថ្ងៃព្រហស្បត្ត៏ ទី៥ ខែមិថុនា ឆ្នាំ២០១៤ បន្ទាប់ពីបានចូលរួមពិធីទិវាបរិស្ថានជាតិ បរិស្ថានពិភពលោក០៥ មិនា ឆ្នាំ២០១៤ ដែលប្រារពធ្វើនៅវិមានឯករាជ ដែលស្ថិតនៅកណ្ដាលក្រុងដូនកែវ ឯកឧត្តមបានដឹកនាំមន្ត្រីរាជការគ្រប់មន្ទីរស្ថាប័ន ចំណុះឲ្យខេត្ត និងសិស្សសានុសិស្ស ដើររើសសំរាម និងប្រមូលសំរាមនៅក្នុងក្រុងដូនកែវ ក្នុងគោលបំណង សំអាតទីក្រុងនេះ ឲ្យមានភាពស្រស់បំព្រង។
ឯកឧត្តម ឡាយ វណ្ណៈ អភិបាលខេត្តតាកែវ បានថ្លែងឲ្យដឹងថា ការប្រារពពិធីទិវាបរិស្ថាននេះឡើងនិងការដឹកនាំមន្ត្រីរាជការ និងសិស្សានុសិស្ស ដើរប្រមូលសំរាម នៅក្នុងក្រុងដូនកែវ នៅពេលនេះ គឺមានគោលបំណងជាចំបង គឺរួមចំណែកអនុវត្តន៏ ឲ្យកាន់តែមានប្រសិទ្ធភាព ចំពោះបញ្ហាអនាម័យបរិស្ថាន និងម្យ៉ាងទៀត ដើម្បីបំផុសចលនាអប់រំប្រជាពលរដ្ឋ សិស្ស និស្សិត ព្រះសង្ឃ កងកំលាំងប្រដាប់អាវុធ និងមន្ត្រីរាជការគ្រប់ជាន់ថ្នាក់ ឲ្យមានការចូលរួមទាំងស្មារតី សម្ភារៈ និង
កំលាំងកាយចឹត្ត ក្នុងទិសដៅបំបាត់ឲ្យបាននូវភាពកខ្វក់ ដើម្បីប្រែក្លាយបរិស្ថាន នៅក្នុងក្រុងដូនកែវ ក៏ដូចជានៅក្នុងព្រះរាជាណាចក្រកម្ពុជា ឲ្យស្អាតផូផង់រួមចំណែកលើកស្ទួយកិត្យានុភាពជាតិថែមទៀតផង ។ ឯកឧត្តម ឡាយ វណ្ណៈ ក៏បានចាត់ទុកទិវាបរិស្ថាន និងសកម្មភាពនៅថ្ងៃនេះ វាក៏បានដាស់ស្មារតីប្រជាពលរដ្ឋគ្រប់ស្រទាប់វណ្ណៈ ឲ្យយល់កាន់តែច្បាស់ នូវភាពគ្រោះថ្នាក់ ដែលបណ្ដាលមកពីការបំពុលបរិស្ថាន របស់មនុស្សផងដែរ ៕
