ឧត្ដរមានជ័យ ហេដ្ឋារចនាសម្ព័ន្ធនានា ជាពិសេសផ្លូវថ្នល់ត្រូវបានរាជរដ្ឋាភិបាល បាននិងកំពុងសាងសង់ជាបន្តបន្ទាប់សំដៅបង្កលក្ខណៈងាយស្រួលដល់ប្រជាពលរដ្ឋក្នុងការធ្វើដំណើរ។ ជាក់ស្ដែង ផ្លូវលំមួយខ្សែប្រវែង ៧,១៥០ម ដែលជាអំណោយរបស់លោក សថាវី អភិបាលខេត្តឧត្តរមានជ័យ តភ្ជាប់ពីផ្លូវជាតិលេ១៧១ត្រង់ចំណុចភូមិទួលស្វាយ ឆ្ពោះទៅភូមិទំនប់ថ្មី ឃុំត្រពាំងតាវ ស្រុកអន្លង់វែង ត្រូវបានសម្ពោធដាក់ឲ្យប្រើប្រាស់ជាផ្លូកវការនៅថ្ងៃទី៦ ខែមិថុនា ឆ្នាំ២០១៤ នេះ ក្រោមអធិបតីភាពលោក ស ថាវី អភិបាល នៃគណៈអភិបាលខេត្តឧត្ដរមានជ័យ។
ក្នុងរបាយការណ៍ស្វាគមន៍របស់លោក យឹម ផាន់ណា អភិបាលស្រុកអន្លង់វែង លើកឡើងថាៈផ្លូវនេះមានសារសំខាន់ណាស់សម្រាប់ប្រជាពលរដ្ឋក្នុងឃុំនេះ គឺងាយស្រួលក្នុងការធ្វើដំណើរ ដឹកជញ្ជូនកសិផល លឿន ចំណេញពេលវេលា និងផ្លូវនេះក៏បានតភ្ជាប់ទីប្រជុំជនឃុំលំទងដែលជាតំបន់រមណីយ៍ដ្ឋានទេសចរណ៍ប្រវត្តិសាស្ត្រមួយ ក្នុងចំណោមតំបន់ទេសចរណ៍ដ៏ទៃទៀតក្នុងស្រុកអន្លង់វែង។
មានប្រសាសន៍សំណេះសំណាលនាពេលនោះ លោក ស ថាវី អភិបាល នៃគណៈអភិបាលខេត្តឧត្ដរមានជ័យ បានពាំនាំនូវការនឹករលឹក និងសួរសុខទុក្ខ ពីសំណាក់សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រី និង សម្ដេចកិត្តិព្រឹទ្ធបណ្ឌិត។ លោក លើកឡើងថា រាជរដ្ឋាភិបាលកម្ពុជា នឹងបានយកចិត្តទុកដាក់កសាងហេដ្ឋារចនាសម្ព័ន្ធនៅគ្រប់ទីកន្លែង ជាពិសេសផ្លូវថ្នល់ ។ បើទោះបីជាយើងបានសាងសង់ និងសម្ភោធដាក់ឲ្យប្រើប្រាស់ជាបន្តបន្ទាប់ក៏ដោយ ក៏ផ្លូវថ្នល់នៅតែមិនទាន់គ្រប់គ្រាន់តាមត្រូវការរបស់ប្រជាពលរដ្ឋយើងនៅឡើយ។
ដូច្នេះរាជរដ្ឋាភិបាលកម្ពុជា ដែលមានសម្ដេតេជោហ៊ុន សែន ជានាយករដ្ឋមន្ត្រី នៅតែបន្តសាងសង់ទៀតដើម្បីបង្កលក្ខណៈងាយស្រួលដល់ប្រជាពលរដ្ឋក្នុងការធ្វើដំណើរ និងដឹកជញ្ជូនកសិផលទៅលក់នៅទីផ្សារ បានលឿន ចំណេញពេលវេលា ជាពិសេសប្រជាពលរដ្ឋដែលរស់នៅតាមតំបន់ដាចស្រយាលឆ្ងាយៗ។
ក្នុងឧិកាសនោះដែរ លោក ថាវី ក៏បានជម្រុញឲ្យអជ្ញាធរ កម្លាំងសមត្ថកិច្ច យ្រូវបន្តសហការគ្នាអនុវត្តគោលនយោបាយភូមិឃុំមានសុវត្ថិភាព រក្សាសន្តិសុខ សុវត្ថិភាព និងបង្ក្រាបបទល្មើសនានាដែលកើតមានឡើងឲ្យបានទាន់ពេលវេលា ដូចជា បទល្មើសព្រៃឈើ នេសាទ និងការរុករានដីខុសច្បាប់។ល
។ក្នុឧកាសនោះផងដែរលោក ក៏បានចែកនូវវត្ថុអនុស្សាវរីយ៍ដែលជាអំណោយរបស់សម្ដេតេជោហ៊ុន សែន ជានាយករដ្ឋមន្ត្រី និងលោកជំទាវ ជេកជូនដល់សិស្សានុសិស្ស លោកគ្រូ អ្នកគ្រូ និងប្រជាពលរដ្ឋផងដែរ។ 
