កំពង់ស្ពឺ ៖ ដើមរាំងភ្នំចំនួន២ដើម ដែលត្រូវបានលោកនាយកសាបឋមសិក្សាស្រះស្រង់ ទើបឡើងកាន់ដំណេងថ្មីឃុបឃិតគ្នា លក់ឱ្យឈ្មួញនោះ ត្រូវបានលោកហង្ស គឹមញ៉េនអភិបាល ស្រុកសំរោងទង ចុះទៅធ្វើស្រាវជ្រាវដល់ទីកន្លែង សួរនាំអាជ្ញាធរឃុំសែនដី និងហាមដាច់ខាត់មិនអនុញ្ញតឱ្យចេញ ទោះបីមានការជីកជុំវិញគល់កាត់ឬស្សអស់ខ្លះក៍ដោយនោះ ។
ប្រភពពីមន្ត្រីសាលាស្រុកសំរោងទង បានប្រាប់ឱ្យដឹង កាលពីព្រឹកថ្ងៃទី០៧ ខែមិថុនា ឆ្នាំ២០១៤នេះថា ក្រោយពីមានសារព័ត៌មានចុះពីសកម្មភាព នាយកសាលាបឋមសិក្សា ស្រះស្រង់លួចលក់ដើមរាំងភ្នំចំនួន២ដើម ដែលគណៈកម្មកាវត្ត និងប្រជាសហគមន៍បាននាំគ្នាដាំ ក្នុងសាលារៀនជាច្រើនឆ្នាំកន្លងមកហើយនោះ ។
ប្រភពបន្តថា ដោយសារមើលឃើញ ទង្វើរមិនប្រក្រតីរបស់គ្រូបែបនេះ កាលពីថ្ងៃទី០៦ ខែមិថុនាលោកអភិបាលស្រុកបានចុះទៅដល់ទីតាំងនោះ ហើយបានសាកសួរព័ត៌មានពីអាជ្ញាធរឃុំសែនដី ហើយអាជ្ញាធរបានប្រាប់ថា រឿងលក់ដូរដើមរាំងភ្នំពួកគាត់មិនបានដឹងឭទេ ប៉ុន្តែប្រហែលជាលោកនាយកសាលាទាក់ទងតាមខ្សែររយៈរបស់គាត់មានការិយាល័យអប់រំស្រុក ដល់មន្ទីរអប់រំខេត្តក៍មិនដឹង ព្រោះគ្រូមិនបានប្រាប់អាជ្ញាធរពីរឿងនេះដែរ ។
ប្រភពបានបញ្ជាក់ថា លោកអភិបាលស្រុកហាមដាច់ខាត់ មិនអនុញ្ញាគាស់ដើមរាំងភ្នំទាំង២ដើមនោះខាច់ខាត់ ទោះបីជាបានជីក្រឡឹងជុំវិញគល់រួចរាល់ក៍ដោយ គឺវានៅត្រង់ណាទុកត្រង់នោះ ដែលចំណាត់ការរបស់លោកចៅហ្វាយស្រុកធ្វើឱ្យប្រជាសហគមន៍មានការគ្រាំជាជាខ្លាំង ។
សូមរំលឹកថា កាលពីពេលថ្មីៗកន្លងមកនេះ លោកសារិទ្ធជា នាយកសាលាទើបឡើងកាន់ដំណែង មិនទាន់បានអភិវឌ្ឍន៍ក្នុងទីធ្លាសាលាផង បែជាថ្លើមធំហ៊ានលក់ដើមឈើដ៍កម្រជាសម្បត្តិសាធារណៈយ៉ាងរំភើយ ។ បន្ទាប់ប្រជាសហគមន៍ ក្នុងភូមិស្រះស្រង់ មានប្រតិកម្មយ៉ាងខ្លាំងព្រោះ ដើមរាំងភ្នំចំនួន២ខាងលើត្រូវ គណកម្មការវត្តស្រះស្រង់ និងប្រជាពលរដ្ឋ
នាំគ្នាដាំក្នុងសាលារៀន ដើម្បីទុកសម្រាប់កូនចៅជំនាន់ក្រោយបានស្គាល់ ព្រោះវាជិតដាច់ពូជរហូតលូតលាស់មានទំហំមុខកាត់ប្រមាណ០,៣០ម៉ែត មានអាយុជាង១០ឆ្នាំមកហើយនោះ ត្រូវបានរិទ្ធនាយកសាលាលក់ទៅឱ្យឈ្មួញ ក្នុងតម្លៃជិត២០០០ដុល្លា ហើយក្រុមឈ្មួញបានកក់ប្រាក់មួយចំនួនទៀតផង ។
ក្រោយពីមានការផ្សាយតាមរយៈសារព័ត៌មាន អំពីរឿងរ៉ាវលោកនាយកសាលាលួចលក់ដើមរាំងភ្នំទាំង២ដើមនេះភ្លាម លោកហង្ស គឹមញ៉េអភិបាល ស្រុកសំរោងទងចុះទៅដល់ធ្វើការហាមឃាត់មិនឱ្យមានការលក់ដូរដាច់ខាត់ គឺត្រូវទុកវានៅកន្លែងដរដែល ៕
