កំពង់ធំៈ ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិត្តិការសឹករងកំពង់ធំ តំណាងឲ្យឯកឧត្តម សុខលូ អភិបាលខេត្តកំពង់ធំ បានដឹកនាំមេបញ្ជាការង នាយការិយាល័យ នាយផ្នែកព្រមទាំងសហការី ចុះសួរសុខទុក្ខក្រុមK72 នៃកងទ័ពវៀតណាមខេត្តប៊ីញភឿក ដែលកំពុងបំពេញភារកិច្ចជីករុករកអដ្ឋិធាតុកងទ័ពស្ម័គ្រចិត្តវៀតណាមដែលបានពលីជីវិតសម័យសង្រ្គាម នៅលើទឹកដីខេត្តកំពង់ធំ។
ពិធីសំណេះសំណាលសួរសុខទុក្ខ ដល់ក្រុមK72 នៃកងទ័ពវៀតណាមខេត្តប៊ីញភឿក ត្រូវបានធ្វើឡើងនៅថ្ងៃ៨ ខែមេសា ឆ្នាំ ២០១៧ ប្រតោភូបញ្ជាការតំបន់ប្រតិបត្តិការសឹករងកំពង់ធំ ដែលមានការចងចំណងសម្ព័ន្ឋ មេត្រីភាពជាមួយជាមួយនឹង បញ្ជាការយោធាខេត្តប៊ិញភឿក ក្នុងកិច្ចសហប្រតិបត្តិការជាមួយគ្នា ទៅវិញទៅមក ក្នុងកិច្ចសហការជីករុក រុកអដ្ឋិធាតុ កងទ័ពស្ម័គ្រចិត្តវៀតណាម ដែលបានពលីជីវិតក្នុងសម័យសង្រ្គាម ដើម្បីនាំយកអដិ្ឋធាតុទៅស្រុកកំណើត រៀបចំពិធីបុណ្យតាមប្រពៃណី មកដល់ពេលនេះអដ្ឋិធាតុកងទ័ពស្ម័គ្រចិត្តវៀតណាមដែលបានជីកយកបានបញ្ជូនទៅប្រទេសវៀតណាមហើយមានចំនួន ១០៣៦ អដ្ឋិធាតុរួចហើយ ។
ឯកឧត្តម សោម ស៊ុន តំណាងឯកឧត្តម សុខលូ អភិបាលខេត្តកំពង់ធំ បានមានប្រសាសន៍ថា ការដឹកនាំប្រតិភូទៅសួរសុខទុក្ខ ក្នុងឱកាសបុណ្យចូលឆ្នាំថ្មី ប្រពៃណីខ្មែរ ដែលនិងឈានមកដល់នៅពេលខាងមុខ ដើម្បីជាកិច្ចនៃការតបស្នង បាននាំយកនូវអំណោយមួយចំនួនដូចជា ស្រាបៀរអង្គរចំនួន២៤ កេស សាច់ជ្រូក១០គីឡូក្រាម សាច់គោ ៧គឺឡូក្រាម ទឹកក្រូច២កេស ទឹកបរិសុទ្ធ ៥ កេស និងបន្លែគ្រប់មុខចំនួន ២៥ គីឡូក្រាម ដើម្បីជាការអបអរទទួលឆ្នាំថ្មីទាំងអស់គ្នា។
ដោយ ប៊ុន រដ្ឋា
