កំពង់ឆ្នាំង៖ ជនសង្ស័យ២នាក់ដែលជាសិស្សវិទ្យាល័យរួមនិងឧបករណ៍ជក់គ្រឿងញៀន ត្រូវបានសមត្ថកិច្ចនគរបាលក្រុងកំពង់ឆ្នាំងសហការជាមួយនគបាមន្ត្រីនគរបាលការិយាល័យប្រឆាំងគ្រឿងញៀននៃស្នងការនគបាលខេត្ត ស្ទាក់ចាប់បាន ខណះពេលដែលសិស្សវិទ្យាល័យទាំង២នាក់នោះជិះម៉ូតូចូលទៅផ្ទះដែលជាមុខសញ្ញាជក់គ្រឿងញឿន។
ប្រតិបត្តិការបង្ក្រាបករណីនេះបានធ្វើឡើង នៅវេលាម៉ោង៤និង១០នាទីល្ងាចថ្ងៃទី៦ ខែមិថុនា ឆ្នាំ២០១៤ ស្ថិតក្នុងចំណុចផ្ទះមួយកន្លែង នៅក្នុងភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង។ សមត្ថកិច្ចដែលបានបង្ក្រាបករណីនេះបានអោយដឹងថា៖ នៅមុនការបង្ក្រាបក្រុមជក់ថ្នាំញៀនខាងលើនេះត្រូវកំលាំងនគបាលបានតាមដានមុខសញ្ញាជក់ថ្នាំញៀនម្នាក់ ដែលបានជិះម៉ូតូចូលទៅផ្ទះដែលជាមុខសញ្ញាជនសង្ស័យជាអ្នកជក់គ្រឿងញៀន ខណះសមត្ថកិច្ចនគរបាលនោះ
ក៏បានសហការគ្នាស្ទាក់ឃាត់បានភ្លាមៗដើម្បីធ្វើការត្រួតពិនិត្យ និងឆែកឆេរជនសង្ស័យ ដកហូតបានម៉ូតូ១គ្រឿងម៉ាកស្មាស់ពណ៍ខ្មៅពាក់ស្លាកលេខ កំពង់ឆ្នាំង១E0395 ទូរសព្ទ័ដៃ២គ្រឿង រួមនិងសំភារះជក់គ្រឿងញៀនមួយថង់និងគ្រឿងញៀនប្រភេទម៉ាទឺកកកមួយកញ្ចប់តូចផងដែរ។
សមត្ថកិច្ចបានអោយដឹងបន្ថែមទៀតថា៖ ក្រុមក្មេងជក់គ្រឿងញៀនខាងលើនេះ ១ឈ្មោះ ឆាយទ្រី អាយុ១៧ឆ្នាំ នៅក្នុងភូមិម៉ុងបារាំង សង្កាត់ប្អេរ ជាម្ចាស់ផ្ទះហើយក៍ជាអ្នកជក់ និងជាសិស្សថ្នាក់ទី១២Hវិទ្យាល័យព្រះបាទសុរាម្រិត ២ឈ្មោះ យី ហុងលី អាយុ១៦ឆ្នាំ អតីតសិស្សថ្នាក់ទី១០Eរស់នៅក្នុងភូមិក្តីត្នោត ឃុំស្រែថ្មី ស្រុករលាប្អៀរ។
នៅចំពោះមុខសមត្ថកិច្ចជនសង្ស័យទាំង២នាក់បានសារភាពថាពួកគេបានទិញថ្នាំញៀនខាងលើនេះពីឈ្មោះ វី រស់នៅភូមិព្រៃខ្មែរ ក្នុងតម្លៃ១០ម៉ឺនរៀលក្នុងមួយកញ្ចប់ខណះដែលគេខ្ចីម៉ូតូមិត្តភក្ត័ជិះម៉ូតូមកយកគ្នាគេម្នាក់ទៀតបំរ៉ុងទៅជក់នៅផ្ទះសំណាក់សាន់ដេរ២ក៍ត្រូវសមត្ថកិច្ចឃាត់ខ្លួនបានតែម្តង។
ក្រោយពេលឃាត់ខ្លួនបានជនសង្ស័យទាំង២នាក់រួមនិងវត្ថុតាងខាងលើនេះត្រូវបានសមត្ថកិច្ចបញ្ជូនមកស្នងការនគបាលខេត្ត និងបើកការស្រាវជ្រាវរកមុខមេក្លោងចែកចាយថ្នាំញៀនបន្តទៀត។ ដោយឡែកជនសង្ស័យទាំង២នាក់ខាងលើត្រូវបានសមត្ថកិច្ច កសាងសុំណុំរឿងនិងបញ្ជូនខ្លួនទៅសាលាដំបូងខេត្តនៅថ្ងៃស្អែកនេះហើយ៕ 
