បាវិត៖ នាយប៉ុស្តិ៍អន្តោប្រវេសន៍ច្រកទ្វារព្រំដែនអន្តរជាតិបាវិត ត្រូវបានធ្វើពីធីប្រកាស់ផ្លាស់ផ្តូផ្ទេរភារកិច្ចមុខ តំណែង នៅសាលប្រជុំមាត់ច្រកទ្វាព្រំដែន អន្តរជាតិបាវិត ក្រោមវត្តមាន ឯកឧត្តម ឧត្តមសេនីយ៍ឯក ពិន ពិសិដ្ឋ អគ្គរងប៉ុស្តិ៍អន្តោប្រវេសន៍ក្រសួងមហាផ្ទៃ ។
លោកវរៈសេនីយ៍ឯក អ៊ឹង សុងយូ ត្រូវបានផ្ទេភារកិច្ចទៅបម្រើការនៅនាយកដ្ឋាននគបាលអន្តោ ប្រវេរសន៍ក្រសួងមហាផ្ទៃ រងចាំទទួលភារកិច្ចថ្មី និងបានតែងតាំងលោកវរៈសេនីយ៍ឯក ខាត់ សារ៉ាត់ អតីត នាយប៉ុស្តិ៍នគបាលអន្តោប្រវេសន៍ច្រកទ្វារព្រំដែនអន្តរជាតិក្អមសំណរ ស្រុកលើកដែក ខេត្តកណ្តាល ជានាយ ប៉ុស្តិ៍ថ្មីច្រកទ្វារព្រំដែនអន្តរជាតិបាវិត ។
គួរបញ្ជាក់ថា នៅក្នុងអាណត្តិរបស់លោក អ៊ឹង សុងយូ កាន់តំណែងជានាយប៉ុស្តិ៍ ចាប់តាំងពីថ្ងៃទី២៥ ខែធ្នូ ឆ្នាំ២០១១ រហូតមកដល់ថ្ងៃដែលលោកត្រូវបានធ្វើការផ្លាស់ផ្តូរផ្ទេភារកិច្ច លោកបានបន្សល់ទុកនៅស្នាដៃ សមិទ្ធផលទាំងក្នុង ទាំងក្រៅអង្គភាព ជួយដល់ជនក្រីក្រ ចាស់ជរាគ្មានទីពឹង ការសាមគ្គីភាពផ្ទៃក្នុង ការរៀបចំបែបបទភ្ញៀវចេញចូលមិនមានការរាំងស្ទះ
ហើយពិសេសជាងនេះទៅទៀត លោក អ៊ឹង សុងយូ តែងតែផ្តល់អនុសាសន៍ជាច្រើន ដល់មន្ត្រីក្រោមឱវាទនៅក្នុងអង្គភាព ឲ្យធ្វើអំពើល្អ ហើយលោកក៏ជាក្រុមការងារដ៏សកម្មមួយរូប ចុះជួយភូមិចាជ្រុំ ភូមិក្តឿងរាយ ឃុំក្តឿងរាយ ស្រុកកញ្ជៀច ខេត្តព្រៃវែង ។
ទោះបីជាយ៉ាងណាក៏ដោយ មជ្ឈដ្ឋានទូទៅ បានរងចាំមើលអំពីចំណាត់ការរបស់នាយប៉ុស្តិ៍ ដែល ទើបតែឡើងថ្មីនេះ តើមានការរីកចំរើនអភិវឌ្ឍន៍អ្វីលើសពីនេះទៀតដែរឬទេ? ៕
