ក្រុងប៉ោយប៉ែត៖ មកដល់ពេលនេះ សន្ទុះពលកចំណាក់ស្រុកនៅតែបន្តសំរុកមកយ៉ាងគំហុកមកស្រុកកំណើតវិញតាមរយះនៃកាចាប់បញ្ជូនពីសម្ថកិច្ចថៃ ដែលនៅតែបន្តប្រមូលពលរដ្ឋខ្មែរដែលកំពុងរកស៊ីទទួលទាននៅក្នុងដីថៃអោយមកស្រុកកំណើតវិញ ដោយមិនអោយលើសពីចំនួនរយះពេល៣ខែ គឺចាប់ពីខែមិថុនា ត៏ទៅក្រៅពីនោះគេនិងប្រើច្បាប់អាជ្ញាសឹក ដោយខានមិនបានមកលើពលរដ្ឋខ្មែរនោះ។
សូមបញ្ជាក់ដែលថា ចាប់ពីថ្ងៃទី៧ ដល់ថ្ងៃទី១១ ខែមិថុនា ឆ្នាំ២០១៤នេះ គេបានសង្គេតឃើញ កាធ្វើមាតុភូមិនិវត្ត័ដ៏តក់ក្រហល់របស់ពលរដ្ឋខ្មែរជាង៣ម៉ឺនអ្នក បានមកដល់ស្រុកកំណើតវិញតាមច្រកទ្វារអន្តរជាតិប៉ោយប៉ែត ទាំតយប់ទាំងថ្ងៃដូចទឹកបាក់ទំនប់ បង្កអោយមានការកកស្ទះចរាចពី១ថ្ងៃទៅ១ថ្ងៃ នៅចំណុចរង្វង់មូលក្រុងប៉ោយប៉ែត មកដល់ពេលនេះគឺមិនទាន់ស្ងប់ស្ងាត់នៅឡើយទេ ហើយគេក៏សង្គេតឃើញដែរថា មានមន្ត្រីប៉ូលិសជាង១០០អ្នកបានមកធ្វើអន្តាគម៏នៅចំណុចកើតហេតុខាងលើនោះផងដែរ។
ថ្មីៗនេះមានអង្គកា IOMប្រចាំនៅកម្ពុជាបានចំណាយថវិកាផ្ទាល់ខ្លួនជួយចេញសាហ៊ុយឡានចំនួន១៧គ្រឿង សំរាប់ដឹកជញ្ជូនពលកទៅស្រុកកំណើតតាមបណ្តាខេត្តនីមួយៗ នៅក្នុងប្រទេសកម្ពុជាសព្វថ្ងៃនេះ ហើយអង្គកាដូចខាងលើនោះ ក៏បានជួយចេញថ្លៃព្យាបាលនិងសាហ៊ុយចាយវាយ មួយចំនួនជួយដល់ពលរដ្ឋខ្មែរ ដែលត្រូវសម្ថកិច្ចថៃបញ្ជូនមកសព្វថ្ងៃនេះ ហើយនិងបន្តត្រៀមរថយន្តជាច្រើនគ្រឿងទៀតសំរាប់ដឹកជញ្ជូនពលរដ្ឋដូចខាងលើដោយឥតគិតថ្លៃទៀតផង ។
លោកនុត សំអុល តំណាងអោយអង្គកាIOMបានបញ្ជាក់ថា ខាងអង្គការបស់លោកបានជួលរថយន្តប្រភេទ១២កៅអី ដោយក្នុង១គ្រឿងមានតម្លៃចាប់ពី១លានរៀលឡើងទៅ អាស្រ័យទៅលើខេត្តឆ្ងាយរឺ ជិតប៉ុណ្ណោះ ធ្វើយ៉ាងណាឲ្យពលរដ្ឋរបស់យើងបានទៅដល់ស្រុកកំណើតរៀងៗខ្លួនបានដោយសុវត្ថិភាព លោកបានបន្តទៀតថា សំរាប់ថ្ងៃទី១១នេះ គឺលោកជួលរថយន្តបានចំនួន១៧គ្រឿងសំរាប់ដឹកពលករបស់យើងប៉ុន្តែដោយមើលឃើញជាក់ស្តែងគឺមានពលកច្រើនលើសលប ប៉ុន្តែ
លោកត្រូវតែសុំយោបល់ពីថ្នាក់លើរបស់លោកថាតើត្រូវជួលរថយន្តបន្ថែមទៀតបែបណានោះគឺលោកមិនទាន់ដឹងទេ ហើយសំរាប់ចាប់់ពីថ្ងៃទី១២តទៅមុខទៀត មិនដឹងថាអង្គភាពរបស់លោកចំណាយថវិកាជួលរថយន្តដូចថ្ងៃនេះដែររឺអត់ លោកក៏មិនដឹងដែរ ដោយឡែកក៏មានកាទប់ស្កាត់តម្លៃរថយន្តរបស់អាជ្ញាធរ ក្រុងប៉ោយប៉ែត បាននិងកំពុងធ្វើសកម្មភាពទប់ស្កាត់តម្លៃរថយន្តមិនឲ្យឡើងថ្លៃ ខណះដែលពលកកំពុងសំរុកមកខ្លាំងហើយមានជនឈ្លាតឧកាស់តំឡើងថ្លៃរថយន្តនោះ៕