ព្រះរាជអាជ្ញាទទួលបន្ទុកបទល្មើស អន្ដរជាតិ កាលពីថ្ងៃទី១០មិថុនា បាន ប្រកាសឱ្យដឹងថា ប្រធានាធិបតីស៊ីរី បាសា អាល់អាសាដ ឈរកំពូលតារាង ដោយមានករណីចោទប្រកាន់រហូតដល់ ២០ករណីពីបទល្មើសឧក្រិដ្ឋកម្មសង្គ្រាម សម្លាប់ជាតិសាសន៍ឯង ។ លោក David Crane អតីតព្រះរាជ អាជ្ញាតុលាការពិសេសស្ដីពីបទឧក្រិដ្ឋកម្ម សង្គ្រាម បច្ចុប្បន្នដែលជាប្រធានគ្រប់ គ្រងឃ្លាំមើលសកម្មភាពនៅស៊ីរីបាន បញ្ជាក់ឱ្យដឹងថា ករណីចោទប្រកាន់ទាំង ឡាយទៅលើលោក អាល់ អាសាដ ត្រូវ បានបញ្ជូនទៅកាន់តុលាការឧក្រិដ្ឋកម្ម អន្ដរជាតិ ។
ក្រុមស្រាវជ្រាវពិសេសរបស់អ.ស.ប បានលើកឡើងនូវតារាងបញ្ជីឈ្មោះ៤ ផ្សេងគ្នាស្ដីពីបទល្មើសឧក្រិដ្ឋកម្មសង្គ្រាម ដោយភាគីពាក់ព័ន្ធ ក្នុងប្រទេសស៊ីរី ប៉ុន្ដែមិនបានពញ្ជាក់ថា បុគ្គលណាមួយ ដែលបំពានបទល្មើសឧក្រិដ្ឋកម្មនោះ ឡើយ ។ លោក David Crane បន្ដឱ្យ ដឹងទៀតថា ក្រុមឯកទេសរបស់លោក បានបង្ហាញបញ្ជីឈ្មោះ បុគ្គលប្រព្រឹត្ដ បទល្មើសឧក្រិដ្ឋកម្មសង្គ្រាម ក្នុងនោះ មានមន្ដ្រីយោធាជាន់ខ្ពស់របស់ស៊ីរី ។ ក្រុមឧទ្ទាមអ៊ិស្លាម ISIS ក្រុម al-Nusra Front ។ នៅក្នុងបញ្ជីនោះមិនបានបញ្ជាក់ ឈ្មោះ បុគ្គលដទៃ លើកលែងតែលោក អាល់ អាសាដ បានលិចមុខនៅក្នុងបញ្ជីឈ្មោះ នោះ ។
នៅពេលដែលលើកឡើងពីបទល្មើស របស់ក្រុមប្រឆាំងនៅស៊ីរីដែលព្យាយាម ផ្ដួលរំលំលោកអាល់ អាសាដ លោក David crane បញ្ជាក់ថា ពេលដំបូងបទ ល្មើស៩០ភាគរយធ្លាក់ទៅលើរដ្ឋាភិបាល ស៊ីរី ប៉ុន្ដែពេលនេះ គឺ៥០-៥០ ។ លោក Crane បន្ដទៀតថា “លោក មានការចោទប្រកាន់២០ករណីដល់បុគ្គល ដែលត្រូវទទួលខុសត្រូវច្រើនជាងគេបំផុត នៅក្នុងសង្គ្រាមស៊ីវិលដែលបានកើតឡើង ជាច្រើនឆ្នាំនៅក្នុងប្រទេសស៊ីរី ។
របាយការណ៍របស់លោក Crane បាន បង្ហាញឱ្យឃើញថា ចាប់តាំងពីសង្គ្រាម ស៊ីវិលផ្ទុះឡើងនៅខែមីនា២០១១ គឺមាន ការធ្វើទារុណកម្មដល់អ្នកទោសដែលត្រូវ ឃុំខ្លួនដោយសម្លាប់អ្នកទោស១១ពាន់ នាក់សុទ្ធសឹងតែជាអ្នកមកពីក្រុមប្រឆាំង។ សកម្មភាពទាំងនោះមិនខុសអ្វីពី “គុក មរណៈ”ក្នុងសម័យកាលចក្រពត្ដិអាល្លឺម៉ង់ នោះឡើយ ។ បច្ចុប្បន្នលោក អាល់ អាសាដ បាន ក្លាយជាប្រធានាធិបតីស៊ីរីអាណត្ដិទី៤ ក្រោយការបោះឆ្នោតជ្រើសរើសប្រធានា ធិបតីដែលក្រុមប្រឆាំងចាត់ទុកថា ជាការបោះឆ្នោតមិនត្រឹមត្រូវ ។
អ្នក វិភាគអះអាងថា វាពិតជារឿងមិនសម ហេតុផលនោះឡើយ នៅពេលដែល បុគ្គលប្រព្រឹត្ដល្មើសសម្លាប់មនុស្សរាប់មិនអស់ ដូចជាលោកអាល់ អាសាដ បែរក្លាយទៅជាមេដឹកនាំទៅវិញ ។ នៅ ពេលដែលលោក អាល់ អាសាដ បន្ដដឹក នាំ វិបត្ដិស៊ីរីមិនអាចរកឃើញពន្លឺនៃការ បញ្ចប់នោះឡើយ ដោយក្រុមប្រឆាំងនៅ តែបន្ដក្រោកឈរឡើងវាយប្រហារទៅ លើទីតាំងរបស់រដ្ឋាភិបាលដដែល ។
ចំណុចទាំងនោះ ដែលអាចធ្វើឱ្យសង្គ្រាម អូសបន្លាយជាច្រើនឆ្នាំទៅមុខទៀត ។ ចំណែកប្រជាពលរដ្ឋស៊ីរីនៅតែលំបាក វេទនា រត់ភៀសខ្លួនទៅជ្រកកោណនៅ តាមប្រទេសជិតខាងដដែល ហើយនៅ ពេលដែលលោកអាល់ អាសាដ កាន់ តំណែងជាប្រធានាធិបតី ពិតជាពិបាក ក្នុងការផ្ដន្ទាទោសលោកតាមច្បាប់អន្ដរ ជាតិ
