ក្លិប Villarreal កំពុងតែមានចំណាប់អារម្មណ៍ចង់ទិញយកកីឡាករ Alvaro Morata ពី ក្រុមReal Madrid ។ គ្រូបង្វឹកក្រុមអធិរាជសលោក Carlo Ancelotti ធ្លាប់បានលើកឡើងកាលពីថ្ងៃច័ន្ទថា យុវជនអេស្ប៉ាញអាយុក្រោម២១ឆ្នាំរូបនេះនឹងចាកចេញពីទឹកដី Bernabeu នៅរដូវក្តៅនេះ ដើម្បីរកក្រុមថ្មីដែលអាចដាក់ឲ្យគាត់ចូលលេងបានទៀតទាត់ ។ ទន្ទឹមជាមួយគ្នានោះ ក្លិប Juventus
ក៏កំពុងបង្ហាញពីចំណាប់អារម្មណ៍ចង់បាន Morata ផងដែរប៉ុន្តែបើយោងតាមសារព័ត៌មាន Marca បានចុះផ្សាយថា Villarreal កំពុងតែពិភាក្សាជាមួយ ក្លិបម្ចាស់ជើងឯក Champions League មួយនេះ ។ គួរបញ្ជាក់ថា កិច្ចសន្យារបស់ Morata ជាមួយ Real Madrid នឹងត្រូវបញ្ចប់ក្នុងឆ្នាំ ២០១៥ ៕
